قصيده مهداه لعبيد بن سعد بن مدعج السهلي

السلام عليكم ورحمة الله وبركاته

هذي قصيدة الشاعر /فهد بن عبدالمانع المريتعي القحطاني

في / عبيد بن سعد بن مدعج السهلي


يقول فيها /


رد الثناء محمود مايلحقه عيب
واﻷجواد لاطابت لزمنا ثناها

واﻷرباح ماتجنى بليا مكاسيب
من لاسعى في كسبها ماجناها

وأنا عليها شره وأبذل ﻷسابيب
لكن دنيانا هذي من خذاها

تضحك لنا ضحكات غنج وتلاعيب
ونفنى وحنا مالحقنا مداها

والطيب من ربي حظوظ ومواهيب
ناس تفوز وناس تقعد كماها

يالله ياللي تاهب الجن للذيب
فتنه لمن درب الظلاله بغاها

وأسكنت وأجريت الرياح اللواهيب
وفصلت حامي قيضها من شتاها

ورزقت عكفان الوحوش المخاليب
وسخرت لضعوف الخلايق غذاها

وفقني لقول على حق ومصيب
وصوب لي الرميه لايقصر مداها

وجملني بفعل يوفي لي الطيب
طيب الرجال اللي ظهر لي وفاها

أهل الفعول الغانمه فالمواجيب
قوم مانقص فعلها من جداها

لو دور المبغض لهم للعذاريب
بيض المكارم خسخسته بنباها

آلاد سهل متعبة كل تعيب
وتلاوي الفتله على من لواها

فالحرب سم لكل عايل وحريب
وفالسلم غيث العانيه وقصراها

أهل المكارم شيبها واﻷشابيب
وعن الردى تكرم ذوايب لحاها

يامدون ﻷفعالهم فالتحاسيب
أبعد عليك من أرضها لاسماها

عميتهم بالمدح حق بلا ريب
اﻷجواد ماحنا بنبحث خفاها

وخصيت منهو يفعل الطيب وينيب
للنايبات اللي كثير غثاها

عبيد شوق خيار بيض الرعابيب
بنت الذي عدته ماأحدن خذاها

صوب ابن مدعج دندن الهناديب
وبنات فكري قام يرعد سماها

أبامدحه والمدح مافيه تغريب
مدايح رد الثناء في مغزاها

مدحته أبغى آرد بعض المطاليب
اللي عجزت آوفي إله بجزاها

أتعبني بكثر الجمايل وأنا تعيب
آهومها ويهوم للي وراها

بيض المكارم في يمينه مغاريب
مثل الدلي لامن نزعها رشاها

وفوضني بماله بليا مطاليب
واليا عطى له مدة ماقفاها

غيره تحضر المرجله معه وتغيب
ويخطي مقاضبها ليامن بغاها

وألا أبو نايف حاضر فالمحاسيب
وإليا تنصته اللوازم قضاها

بلين الجناب وصحبته واﻷقاريب
ومجالس ماملها من غشاها

وطلق الحجاج ووافيات التراحيب
بضيوفه اللي مايهزل قراها

كريم ماقطب لﻷموال تقطيب
الله عطاه وهو لله عطاها

يفني لروس المال قبل المكاسيب
وعنده سوى من جابها ومن خذاها

وأوصاف فيها يعجبن التعاجيب
لو آترسل ماألحق لمنتاها

مديون له بالطيب لين إني آغيب
حتى توارى جثتي في ثراها

يارب تجعل له من النار تجنيب
وتجير وجهه من لوافح لظاها

وصلوا عدد مايخطي الهرج ويصيب
على رسول ﻷمته ماقصاها

يستاهل المدح من يفعل الطيب و علومه مع النشاما

يستاهل الطيب فاعله وأكيد عبيد من المطاليق اللي يفعلون االعلم الغائم

صح لسانه