السهول ,, مجالس قبيلة السهول

السهول ,, مجالس قبيلة السهول (http://www.suhol.com/vb/index.php)
-   مجلس دواويين شعراء المجالس (http://www.suhol.com/vb/forumdisplay.php?f=52)
-   -   ديوان الشاعر / عبدالله بن راشد السهلي (سااامر). (http://www.suhol.com/vb/showthread.php?t=45628)

ديوان شعراء المجالس 07-09-2012 08:15 AM

ديوان الشاعر / عبدالله بن راشد السهلي (سااامر).
 
"


"

ديوان الشاعر /

ـ ـ ــــــــ ـ ـ عبدالله بن راشد بن عقرب السهلي (سااامر)

"

"

ديوان شعراء المجالس 07-09-2012 08:18 AM

رد: ديوان الشاعر / عبدالله بن راشد السهلي (سااامر).
 
السلام عليكم ورحمة الله وبركاااااته

اسعد الله اوقاتكم جميعاااا ... نحب ان نستاذنكم بالمشاركه بهذه القصيده وهي عباره عن
قصه حصلت معي ..................




قالت : لي وخر عيب لا مست بيدي
لايستخف دمك ترى الوقت دوار



قلت : والذي سلم بقلبي وريدي
منك العفو ما كان صيدي ولا صار



زحمه وكثر اشيا وناس وحديدي
ومن مختلف اجناس فقرا وتجار



غلطه وعفو>ن واتاسف واعيدي
كبوة جواد>ن ضاق دربه من يسار



قالت : انا بفهم وعقلي فريدي
تبي تمشيها على كثر الاعذار



تراي بستدعي السكرت .........!
ازلام مجناهم على الدم والثار



والله يخلونك سوات العصيدي
وتصير لك قصه مع الناس تعبار



قلت : اسمعي يابنت مني وازيدي
الموت عند اللي حما كل الاقطار



والحين قولي لي وش الي تريدي
ماكل طيرا صار له ريش طيار



لي صاحب>ن يبغى يبدل جديدي
ملابس>ن لبنيته حجمها صغار



يوم اشتراها كان ظنه وتيدي
ويوم انتهى للبيت قالو ذي كبار



في حزة بالعصر وامري عنيدي
دق لي تليفوني وانا داخل الدار



رحنا جميعا صوب سوق>ن بعيدي
بعد المعلق ظنتي غرب الاثار



ولما وصلنا قال : حول وصيدي
اعيون بتشاهد كما عزف الاوتار



قلت : الحيا ملقوف دايم بقيدي
السيف ارحم لي ولاطلق الانظار



واخص لاشفت البنيات عيدي
يمكن يقابلني من الناس ثرثار



اكره مجي السوق عادي وليدي
وشلون لو سني تعدا بالاعمار



قال المحيميدي بخاطر محيميدي
دقيقه اسرع لك من الطير لاطار



ثم>ن غدا ماعاد واصبح فقيدي
وحولت ادور جرته قبل تنهار



وتصادمت مابين ايدك وايدي
بدون قصد وساقني حكم الاقدار



واليوم في حكمك وامرك سديدي
قولي لنا لا باس والا لنا الكار



قالت: لي روح جعل عمرك مديدي
العذر مقبول وعسى دربك ازهار



راحت وانا في كل خطوه نشيدي
للموتر الي واقف>ن خلف الاسوار



وحصلت من هو بالمواقف عضيدي
كنه يتحراني على الجمر والنار



قال: العذر منك وربي شهيدي
ون قلت جوالك تولته الاخيار



طاح وانكسر ثم صلحه لي صعيدي
مصري من الفيوم والاصل نجار



اصبح يسميني يافندم ياسيدي
ولحظه يا باشه طول البال بنهار



حتشوف جوالك بحله قديدي
شاشه حتتغير مع ارقام وازرار



والحمدلله زان حظي وفيدي
من بعد ماقلنا اغترقنا بالابحار



والحين جبنا كل علم>ن مجيدي
مثل ما قالو سير الجار ع الجار



وحقك علينا يا بو راشد اكيدي
قبل الشحم تقلط ع البن وبهار




الشاعر عبدالله بن راشد السهلي

ديوان شعراء المجالس 07-09-2012 08:19 AM

رد: ديوان الشاعر / عبدالله بن راشد السهلي (سااامر).
 
السلام عليكم ورحمة الله وبركاته

ودمتم بصحه وعااااافيه
انا سبق وشاركت بقصيده ومثل مايقول المثل اليد الوحده ماتصفق
احب انا اشارك بقصيده ثانيه وهيا من قصائدي تعبر عن نفسهااااا





يا ذا الفكر وقف ترى لي حدودي
تطير بي كني على كف منضاد



عديتني من فوق برق>ن ونودي
وشاهدت قطرات الندى مالها اعداد



فوق الديار اللي سكنتها عنودي
من بد خلق على كل الاشهاد



بنثر مراسيلي وبحفظ ورودي
واقول ياحبي من الحب لا عاد



دامك تجازيني بكثر ا لجحودي
مانيب من يرخي مقامه لجحاد



لي شيمة ترقى مداها سنودي
ولي قيمة ماتنقص اليوم تزداد



معزتي تفرض عليه قيودي
حرفين مجملها من الدال والصاد



اصد صد ولا صدودك صدودي
قولي وانا باقول وشعاد وشعاد



انكان في غيري بتلقى وعودي
الله يجملكم ولا نيب حساد



حتيش لو تفرق بغض النهودي
وعيون حوريه مع اطرافه سواد



وشفايفآ حمرآ وشامة خدودي
يهيم بي شعري وانا اهيم في واد



وتشابه اسنانك بصفة جنودي
جنود هتلر يوم تكميل الاعداد



الطول واحد صف ابيض برودي
لزعيمها الفرهور تسمع وتنقاد



ابكتفي ما دام لله شهودي
اخاف يلحقني من الناس نقاد



ولي وقفة ماسلها في ركودي
واليا احتما الميقاف للعد وراد



عد>ن شرب من جال جوده جدودي
سلطان بن عقرب وراشد وفهاد



قوم>ن على قب الاصايل فهودي
لاجا نهارآ فيه للسيف جلاد



وربعي السهول اللي مداها جهودي
بانت فعايلهم على خف وجياد



افواج ما هابو زئيري الاسودي
ويوم الرخا سلم بلا فوج وعتاد



استشهدو من اجل دولة سعودي
ومن قبلها ترفع مع الرايه اوتاد



من ( لا اله الا الله ) المعبودي
وحده ولا شريك له رب العباد



وكل القبايل ماعليهم بزودي
تاريخهم باين ولا منه نشاد



وانا احمدالله ماجهلت اللحودي
ذكرن يجملني وانا فيه معتاد


شعر .. عبدالله بن راشد السهلي

ديوان شعراء المجالس 07-09-2012 08:21 AM

رد: ديوان الشاعر / عبدالله بن راشد السهلي (سااامر).
 
السلام عليكم ورحمة الله وبركاته

الله يسعد اوقاتكم جميعاااا
احب ان اختم هذه السنه بقصيده تعبر عن نفسهاااا
وانشالله لنا عوده لهذا المنتدا الرائع بروعة ادارته واعضائه الكراااام


-----------------------------------------------------------------------



ياهاجسي خفي علينا الطوابير
مشاعرك رغم الاسى يردهني


تسابق>ن مثل الهواة الصقاقير
لا قيل ياسبق القنيص اوردني


ياما تهاوينا البنات الغنادير
اللي على رسم الخيال استوني


ايام ريم ونوف لا ظني عبير ____________ (لاحظ انها خيال)
والا الصراحه والحقايق دعني


صفوة خيال>ن مقنياته بواكير
لادارت افياض الهموم اسعدني


اجمع لكم شتان فكري بتصوير
واقول سموها على غير ظني


الشعر قالو له مهب المزامير
والشعر من ساسه ملبس بجني


هذا اعتلته جنون شلة مغاوير
ماشفتو كيف اشعار حبكه وفني


اما حسيب القاف صابه وسط بير
ثم خيروه الطب والا مغنى


قامت تلاعبهم سوات الاساطير
في كذبة التنين قبل وتفني


الشعر فكره قد سبقنا به الغير
ايام من عصر الجواهل يسني


مرباعنا ماغير طيب الخواطير
والا الدرر منها البحور اشلعني


كل ماتقدمنا ويالله عسى خير
تجلهمت بمواجهن ناوشني


ثم>ن غدا راسي مركب بتدوير
ابغى الفرج ماقدر الله رمني


وتشوقني ذيك الفياض النواوير
اللي بها اثقال المزون ارعدني


وتطيب لي فوح الدلال المباهير
ما زلها الا واحد>ن مستفني


واصحابك اللي محتويهم مناعير
اللي يتمنولك بنفس التمني


مافيهم اللي قد جرا منه تقصير
ماتسمع الا خل عنك و عني

________________________________________---

عبدالله راشد السهلي
وسلاااااااااااااااااااااااااااااامتكم

حاكم العشاق 07-10-2012 01:05 PM

رد: ديوان الشاعر / عبدالله بن راشد السهلي (سااامر).
 


عنوان// يامرحبا بشهر الاحسان




تعال ياشعري دعيتك على طول
عطني تراحيب(ن) تسمو بها سهول
وكل القبايل ما عليها ولا نقول

لكن اجيد ابلهجتي اكثر ايضاح

يامرحبا واهلين ياشهر الاحسان
ترحيبة من صافي القلب للسان
ترحيبة فيها من اشكال والوان

من مجمل الازهار والعطر فواح

يامرحبا واعداد ماطلت نجوم
واعداد ماكل الخلايق له تصوم
واعداد مايصحى من الناس وينوم

واعداد ماقرب من الموت وانزاح

هذا الشهر ماهوب من ايت شهور
انزل به القران واسدى لنا النور
في اوله رحمه وفي اخره حور

تصحى به الابدان وتعم الافراح

من كثر مانشعر بنشوة سعاده
في هالشهر شهر التقى والعباده
برضوه نقول شوال ليته اعاده

واستغفر الله ما امر غير ما باح

وختامها يا لله عساني تجملت
فبياتي اللي قبلها كنت ماكنت
اعانق اوتار الهواء لكن امنت

بالله سبحانه وعما سلف راح


شعر : عبدالله راشد بن عقرب السهلي



حاكم العشاق 07-10-2012 01:08 PM

رد: ديوان الشاعر / عبدالله بن راشد السهلي (سااامر).
 


عنوان // لايوم لايومين



وين الغلا قفى رجاها وشدا
لايوم لا يومين لا بضعة شهو

غابت وذكراها بقلبي مودا
ون مرنا طيفه نمسيه بالنور

العام نسمع يا غلاتي وفدا
واليوم عفوآ هاتفه خارج الدور

ما ظنتي من بعد هذا مردا
لادق جوالي ولا جاني سطور

رسالة>ن تروي ضمايه وتردا
حياض في قلبي من اشواقها تفور

ياخوف من جور الزمان يتعدا
دام الغلا دميه بلا هم وشعور

مثل الغريب اللي يمرك وصدا
أن سلم تسلم واذا راح مستور

والا كما اللي شاف زولك وهدا
تبسم بلحضه ؛؛ مشبه ومعذور

يقطعك ياحب>ن تمثنى وقدا
قدت مخاليبه من الصدر للزور

انكان هذا الحب لا لا ما بدا
دامه تبنى هيك قاتل ومأجور

الاسم هذا في سباته مخدا
ون قيل ياشاعر بلا شك مقهور

اي والله ان فيني القهر مايعدا
وعد النجوم بليل قابل وميسور

يمكن تقولون استوى الجزر مدا
والا جبرك القاف شاعر ومجبور

في منطلق هالشعر سكه ومبدا
ان المبالغ بعض الاحيان دستور

شعر : عبدالله راشد بن عقرب




حاكم العشاق 07-10-2012 01:11 PM

رد: ديوان الشاعر / عبدالله بن راشد السهلي (سااامر).
 


رد الخبر



من دار الخبر رد الخبر للغالي
وقله عساك بخير دوم وعافي

ماقلت ابشكي من كثير اسلافي
ولا قلت اطاوع صفحة العرافي

قدمت رجلي دام صبري توخر
كنه يقول في نجد شوقي وافي

شفت البحر قامت تزيد امواجه
كنها تقول السر فيني خافي

في حزة مع طلعت الشمس ياهي
صوره ولا اروع بكل اوصافي

سالت نفسي كيف هذي صوره
وشعاد لو بشعر شعور-ن ضافي

مدري بوصف شي والا اوصف
والا بلملم عزبتي و لحافي

اقول يا صاحب بلاش القعده
في ديرة-ن من صيفها تنعافي

يالكنز شغل موترك ثم خلك
في مقدم الطاره كما القذافي

واحذر تلفلف بين زنقه وزنقه
الا الامام وقهوتك في الكافي

خلك عجل والله يكافي شرك
واقرب مكينة صرف لصرافي


بن امن الناقص ولابه ناقص
غير الذي يعشق بعشق-ن هافي

اليا تذكرها يقول اخذوني
يم الغلا ومن هجرها بنخافي

ولوغبت عنها يوم كم يزعجني
هم-ن بجوف الصدر ماينشافي

ياشينها لا صرت عاشق هايم
تشوف كل الزين شبه خرافي

لجله نقول البعد ياهو قاسي
قربه مناي وشوفته مصطافي

واليا تبين لي في صوره حلوه
ارسم له اشعاري بحبكة قافي

ولو ماني بشاعر ولابه شاعر
اصير له شاعر فقير و حافي

اغوص في غب البحر واعطي له
من الجواهر والدرر و رهافي




شعر : عبدالله راشد السهلي




حاكم العشاق 07-10-2012 01:14 PM

رد: ديوان الشاعر / عبدالله بن راشد السهلي (سااامر).
 


مهداه للشاعر فلاح بن صالح السهلي


ياشعر جملني وانا فيك مجبور
مجبور في مدحي وفكري وذاتي

واقطف لنا ياشعر من كل دستور
واحذر تخون القاف عقب الثباتي

والله لفرق لك شتاتك ولا ابور
واجعل بك العبره وطيحة سباتي

واخص لا من صار فالمدح مخبور
مخبور في زين النبا والصفاتي
رجل*ن على الوقفات ماجاله قصور
له سمعت*ن غطت جبال السراتي

فالمرجله والشعر ون قلت ماجور
ماجور لو بعدك بتدفن رفاتي

فلاح عن اذنك ابطلع عن الدور
بشعل زقارة كنت ماهي نباتي

لجل اضبط التفكير ماعدي السور
لاني في بعض احيان تهوي بياتي

لاصرت اهل الشعر ينتابني شعور
افقد مراسيلي وفكري شتاتي

تبقى يابو صالح كما الشمس للنور
من دونها نصبح شتات*ن غداتي

وتبقى يابو صالح ولو قلت معذور
امير لو مالك من الكون شاتي

ماهي امارة دور وامر ومامور
امير جود نسوق له مكرماتي

من قلت شاعرنا وانا منك مسرور
شهادة*ن ماهي شهادة رواتي

شهادة*ن تبقى على الصدر وتنور
تثبت كما يثبت خبير الرماتي

ماقالها واشي وحاقد ومقهور
انتابها شاعر عريب النباتي

شاعرمواقيفا وينحت من صخور
ينحت صخر ماهوب سكر نباتي

وقبل الختام استاذنك جملة سطور
المدح في شعري قليل السماتي

لاني كتبت الشعر ماهو لجمهور
وحب المنصه مالها في حياتي

وختامها مالي على الزود مدحور
اقبل تحياتي وشوقي وصاتي



شعر : عبدالله بن راشد




حاكم العشاق 07-10-2012 01:16 PM

رد: ديوان الشاعر / عبدالله بن راشد السهلي (سااامر).
 



روحي عسى درب المفارق سموحي



ياضيقة بالصدر عيت تروحي
روحي عسى درب المفارق سموحي

روحي ترا ماعاد فيني بقايا
غير الطعون الي تسمى جروحي

ان قلت لك ساهي فلانيب ساهي
يعني على ماقيل عذري شحوحي

اجادل الدنيا وعانق رسنها
واكتب معاناتي على جنب لوحي

شبل سهلي ماعاش عيشة مذله
واليا شكا ماغير لله يبوحي

ون جت على طاري القبيله واهلها
انا اشهد الي لابة ما تزوحي

سهول لاجالو مع الحرب جوله
تجعل مراويح الجنايز تفوحي

ون جا نهار*ن فيه للطيب دله
يكفيك من طلق الحجاج الصبوحي

ون جا نهار*ن فيه للعلم ضله
لهم على روس المعالي طموحي

مالي مجال احسب حسابي بذكرهم
اهل الفعول الي بها الوقت يوحي



شعر : عبدالله بن راشد بن عقرب




حاكم العشاق 07-10-2012 01:19 PM

رد: ديوان الشاعر / عبدالله بن راشد السهلي (سااامر).
 



ريش النعام



ماعليه من خفاف*ن كما ريش النعام
لوتجيها نفخة*ن من هواء تجلو بها

فيها حقد وفيها دفن وفيها مالا يرام
مدري ليش القوم قامت تحد سيوفها

كنت احسب العقل كامل ع كل الانام
لين شفت صغار عقل*ن كبار كتوفها

لو يشوفون الشجر فيه ثمر وفيه دام
خوفة*ن جذورها تعتلي بغصونها

والله اني شخص طيب ع عز ومقام
ادمح الزله واغيض العداء بسلوبها

ما ارد العين خلفي وعيني للامام
شامخا مثل الجبال الذهب بحمولها

شاعر*ن لاجا نهار القصايد بحتدام
اعسف بيوتي براسي وانا محسوبها

احسب حساب الرجال العريقه بحترام
والرجال الي معادنها كفو ابجودها

مستحيل ان القدم تبتجي كفو السنام
والاصابع في يدينك كمال اوصوفها

لاكن ارجع كما كنتا مردي للغرام
لجل بنت*ن مقتلي بين حمر شفوفها

ياعيون*ن يقتبس منها شي من ضلام
والخدود الين من القطنه اوهي دونها

ياهنوف*ن صابني منك ضرب من سهام
حتى نارك في حشا قلبي شب شبوبها

والصراحه كم يؤذي من الفكر المنام
لين صارت برمجة عقلي كل حلومها

اسمعي يابنت ناس*ن يردون السلام
من سلالة قوم طبع الوفاء مجلوبها

ليتك الي من حدا لابتي سهول العظام
كان ماجبت القصايد وكنا دونها

والله اني عارف انك بعيده ياغرام
لاكن نفسي بالقصايد تزيل همومها


شعر: عبدالله بن عقرب




الساعة الآن 04:33 AM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w