السهول ,, مجالس قبيلة السهول

السهول ,, مجالس قبيلة السهول (http://www.suhol.com/vb/index.php)
-   مجلس دواويين شعراء المجالس (http://www.suhol.com/vb/forumdisplay.php?f=52)
-   -   ديوان الشاعر / ناصر بن عبود (http://www.suhol.com/vb/showthread.php?t=9846)

ناصر حضرم العنقودي 04-11-2007 04:59 PM

ديوان الشاعر / ناصر بن عبود
 
السلام عليكم ورحمة الله وبركاته


ديوان الشاعر / ناصر بن جويعد بن عبود السهلي

ناصر حضرم العنقودي 04-12-2007 05:08 AM

الصدر صندوق السرايـر ولاضـاق=بالسر لو ضاقـت فجـوج البسيطـه
ولوستر قلبي ينفتـق عشـرة أفتـاق=لابـد ماصكّـات بقـعـا تخيـطـه
على قدم ثابت وواقـف علـى سـاق=وأحيط علمٍ صعب غيـري يحيطـه
مايلـزم الأيـام عـهـدٍ وميـثـاق=ياللي رسمت لدرب عمرك خريطـه
ماالله عطاني حب شرسين الأخـلاق=حيـث السقيطـه يلتقطهـا السقيطـه
حنّا نجازي المقفي اقفـاي وافـراق=عز الله ان فرقـى المقفّـي بسيطـه
نار المراجل تحرق اهل الردى احراق=تحرق ردي الجـد مثـل الشويطـه
والنايـم اللـي منـامـه ولافــاق=يصعب عليه احساسه بمـا يحيطـه
واللـي يتعمّـق فالسوالـف تعمّـاق=من دون شى يفـل مكـرة شريطـه
للجـرح دكتـوره وللـرآس حـلاّق=والمرجله صعبـه ودايـم شطيطـه
ومن لايـذوق المـر ماهـوب ذوّاق=مالـه حسـد حتـى ولالـه غبيطـه


رابط القصيدة الاصلي

ناصر حضرم العنقودي 04-12-2007 05:27 AM

غاب نورك ياقمر خمسة عشر=وأنت ماتدري عن اللي فالظميـر
توّنا بادين في نصـف الشهـر=والليالي بيض والدنيـا بخيـر
ودّنا نسري على نـور القمـر=في ظميري يمّك الشىء الكثير
ارحم عيونٍ مطاولهـا السهـر=في جناح الليل والخاطر كسيـر
منوتي يامنوتي عنـدك خبـر=انّي اسوق البشايـر للبشيـر
لاتغفر أغـلاط غلمـانٍ غبـر=والغداري غربله غـادر لغيـر
غرّم اللي غايرٍ غـارة غـدر=غرةٍ تستغرب الجمـع الغفيـر
غيرتـي ماغيّرتنـي وماتغـر=والغرور أغراك يالغرو الغريـر
غيري فغبّـة غرامـك منغمـر=وغربتي غامرت رغبه فالغدير
التغلّي مـن علامـات الخطـر=والمحبّه كـل مافيهـا خطيـر
والجفى ياسيّدي أدهـى وأمـر=مايحدد لك مسـار ولامصيـر
ماخبرت ان النظر يحفي النظر=يانظر عيني ترى احفيت النظير
في غلانا يالغلـى كلّـك نظـر=وش تحب يصير واللي مايصير
أنت ذخري يوم كلٍ لـه ذخـر=في زحام الوقت واليوم الكبيـر


رابط القصيدة الاصلي

ناصر حضرم العنقودي 04-13-2007 04:25 AM

البارحه ممّا طرى لي عفت لذّة مرقـدي=كثرة همومي علي وطال ليلي والمـدى
الله أكبر يالحونٍ جرّها الـورق الشـدي=ذكّرتني قلبي اللي مع هوى بالي غـدى
أشهد ان ليل المحبّه ليل.. لكن سرمـدي=كل ماقلنا تجلّـى كـن مـا تـو ابتـدى
ياوليفٍ له حداني واعسى لـه تنحـدي=واعساك تعيش لحظه عشتها راحت سدى
أسهره في وسط قلبـي خفقـةٍ تتوقـدي=وأكتم العبره بصدري بس ماحولي جـدى
شفت منهو كان قبلي بس منهو يقتـدي=لاشكو هـم الليالـي مايـرد ألاّالصـدى
يالغظي سمّيت حالي ياشذى الورد الندي=شوف ذا الدنيا عجيبه جابتك وبلا نـدى
اذكر اللي مات همّه حظّه الأقشـر ردي=عرقله في دربه اللي مامشاه ولاعـدى
واذكر اللي وافيٍ لك مارحمته ياسعـدي=واذكر اللي قلبه اللي من عذابه ماهـدى
واذكر اللي بالقصيده له مرام ومقصـدي=واذكر اللي روحه اللي ياعيوني لك فدى
[align=center]




رابط

ناصر حضرم العنقودي 04-13-2007 04:48 AM

ربّـي بلانـي فيـك يالقطـة غليـص=وانـت اهتمـامٍ فيـك عنـدي نقاصـه
تبي الطهاره وأنته أخنز مـن النيـص=ويوم انحجـرت أزريـت بالانملاصـه
ماانتب على وضح النقى ولاانتب بخيص=اخـذ الـكـلام مجـهّـزٍ بالخـلاصـه
حطيت في الموضوع غـشٍ وتحويـص=وانـا فلجتـك يـالـردي بالخـراصـه
ساقك رداك وجيت مـن دون تمحيـص=تفتل عضـودك واظربتهـا الرصاصـه
وخلّـت عيونـك كلبوهـا منافـيـص=لوكانهـا فـي حجـم قمـع الخلاصـه
أحرصّك عن مامضـى منـك تحريـص=بحر الردى غرقان مـن كـان غاصـه
من باعنـا برخيـص بعنـاه برخيـص=ذا شرعنا من دون هـرج وخصاصـه
وان كان تبغى العلم موجـز وتلخيـص=اعقب قبـل وضعـك يـزود اختباصـه

رابط

ناصر حضرم العنقودي 04-13-2007 04:49 AM

ذعذع هوى الغربي علي وتردّد=ولايتمنى من بـدى لـه بدالـه
نسناس يجلى هم قلـبٍ مقـدّد=قلبٍ هواوي رآس ماله آمالـه
درب الغلى لايمكن انـه يحـدّد=وأنا قدم رجلي طوى له طوالـه
خلّي بزينه فوق وصـفٍ يـردّد=بس الهوى يبقى اظلاله ظلالـه
أعـدّد اللـي ودي انـه يعـدّد=وانا أعتبر شوفة جماله جمالـه
يوم آتصبّر واحتمـل وآتصـدّد=يفتل بها لاارتاح بالـه حبالـه
لااحدٍيقول اشفيك فيـه امتشـدّد=كل الغلى والـود نالـه وأنا لـه
من في غلى محبوب قلبي ينـدّد=لالي بتشهير الولاء لـه ولالـه
ينداش بافكـاره عليـه وتبـدّد=ويصبح بها من شين حاله لحاله
الود ياللي فـي غرامـك تـودّد=لفّيت له قلبي بشالـه وشالـه
لوكان قلبي من عذابـه مهـدّد=عزالله ان من طيب فاله وفى له
عهد الولاء بيني وبينـه مجـدّد=وبهّر بحبه مـن دلالـه دلالـه


رابط

ناصر حضرم العنقودي 04-13-2007 04:50 AM

صدري اللي زفرته كنّها وهّـاج نـار=جمرةٍ حيّـه فصـدري كلانـي حرّهـا
شبّت النيران من كثر ماتقدح شـرار=الشهيـق يكرّهـا والزفيـر يكـرّهـا
من سبايب حاجةٍ لي لها كـل اعتبـار=ماقدرت آصل بحرها ولا آصـل برّهـا
والله ان لي عشقةٍ كلّها طيب ووقـار=والهموم من المحبّه كفـى الله شرّهـا
هايمٍ مهموم واهم لكن ماصـار صـار=قبل ماأطعم حلوها أطعمت علقم مرّهـا
لي ثلاث شهور مابين نار وبين غـار=الفـراق يظرّنـي والغـرور يظرّهـا
حبّها يفرض علي الوفى فرض الحصار=درةٍ عــن كــل درّه ولله درّهــا
ياعمار الحلم لاعدت ماأدري يالدمـار=وان سمحنا لك بوحده لاعـاد تكرّهـا
وياقمر خمسة عشر لوتغيب بلا اعتذار=الليال السود لابـد ماأكشـف سرّهـا
يسري الليل الطويل ويجي بعده نهـار=ثـم نقـرر لـك موازينهـا وتقرّهـا


رابط

ناصر حضرم العنقودي 04-20-2007 03:35 PM

تولّعت في الغظ الغظـي والقدرمحتـوم=وله في خيالي صورةٍ عنـه مرسومـه
رسمها العزيز المالك المحيـي القيّـوم=تباشر بها بشرى السعد حـزّة قدومـه
مع الضحكه اللي تشعف القلب لي علوم=عليها معاليقي من الجـور مصرومـه
لشوفة محياها عيوني حربهـا النـوم=وأنا من غلاها ثومة القلـب مفرومـه
أنا لاأقبلت جوّي ربيع ومطر وغيـوم=لها تنتشينـي فرحـةٍ قبـل معدومـه
بساتيـن خـدّه كلّهـا وردٍ ويشمـوم=تعطّـر بساتينـي بـورده ويشمومـه
شعرها على مقرن نهد صدرها المزموم=كمـا أوراق تفـاحٍ حواليـه ملمومـه
وساع العيون الخرس هيبة ملوك الروم=مابين المحاجر حربة العشق مسمومـه
ألاياحسيـن الـدل ماترحـم المظيـوم=محبتك لي ماهيب لي منـك مقسومـه
غرابيل بقعاء كوم وغربال حبّك كـوم=ومغليـك ماينسـاك ليلـه ولايـومـه
تكسّر بصدري عبـرةٍ وقتهـا معلـوم=ليامن ذكرتـك لـو ماهيـب مفهومـه
وأنا مافرحت بشوفتك غير ذاك اليـوم=سقى الله ذاك اليوم فالوسـم ديمومـه
ترحّم رحمك الله ترى خاطر المهمـوم=تظكّه همومـه ظـك وتـزوّد همومـه


رابط القصيدة الاصلي

سعود بن شنار الحويدر 05-29-2007 06:03 PM

السلام عليكم ورحمة الله وبركاته


قصيده تعبر عن نفسها


عسى خير ياقلبٍ عنى الوقت لايعـه=ترى الهم شاريني ولو كنت بايعـه
حرّك وتبلش بـه وتصبـح بعلّتـك=وان ساقني للهون مانيـب طايعـه
نفسي معوّدها على اللين والقسـى=أعرف دليل الرآي وآعرف ضايعـه
شيٍ تحسّب لـه حسابـك وتجتهـد=وتفلس ونفسك يصبح الصبح جايعه
وشيٍ على ماقيل بارد مبرّد =مـن دون لاتتعـب تهيّـا وقايعـه
الرجل ياللي يبغـي العلـم فاخذهـا=ماهوب باسمه والصحيح بطبايعـه
يالله عسى مالي مع النـذل ملزمـه=حتى انّي أسلم وأبتعد عن ذرايعـه
ولاهو بحاجه لي ولانـي بحاجتـه=وكـلٍ يـدوّر مايناسـب سنايعـه
واللي نزيه ووقفـة العـز وقفتـه=ويشهد له بطيبه على الطيب أبايعه
رآيه برآسه وان بغى العلـم نفّـذه=ولايرخي اذنه يستمع كـل شايعـه
خطـأ رفيقـي أكتمـه وآتجاهلـه=ومهما حصل مانيب للنـاس ذايعـه
كنّـي مـودّع والوداعـه موثقـه=والعيش والملح أعتبرهـا ودايعـه
واللي تردّى في ربوعه ولا استحـى=ودّك علومه بين الأجـواد شايعـه
ويعقّـب الفنجـال مقـدار لحيتـه=مادام ذا سوقـه وهـذي بضايعـه

شعر/ ناصر بن جويعد بن بداح السهلي

ناصر بن عبود 05-30-2007 08:58 PM

مرثيتي في الشاعر / سعد بن فهد القريني ((( يرحمه الله )))


تفكرت بالدنيا ولجّات الأهوالي=وشابت رموش العين مما تهيا لي
وأعوذ بالله من بليس ووساوسه=فجعت بوفاة الصاحب الوافي الغالي
فجعت بوفاة أبوفهد طيب النبا=ولاينفجع مثلي سوى الداله السالي
أنا كنت في حروة ملاقاه واسبقت=وهلّيت دمعي فوق الأوجان همّالي
بكيته بدمعي دم وأحفيت ناظري=لحيث إن له فالقلب قدرٍ ومنزالي
وياشين حرّه يوم أنا ذقت حرته=أخوي وخويٍ لي على المر والحالي
تذكّرته وهمّي على القلب شدّني=تقول إن قلبي منه مشدود بحبالي
تذكّرت نظمه للقصايد وأبوفهد=قصيده ثمين وكلّه بيوتٍ جزالي
تنومسي علومه ويمناه طايله=كريم وشجاع معرّب الجد والخالي
تعرّض عليّه صورته وانتبه لها=وأهوجس براع الطيب فاقفاي واقبالي
أنا ماهقيت إني اعزّى بصاحبي=ورقمه لياهالحين في وسط جوالي
أنا كنت أنا واياه فالطرقه أخويا=وياقرد حظي يوم خلاني لحالي
وترى اللي توفى له صحيبٍ وفارقه=فأنا اقول يرثى له وحاله مثل حالي
تكلّفت وتعنّيت وتحسّفت واثرها=ماهي من صحاية عقلي ألاّ من هبالي
وأنا مؤمن بالله وحكمه وقدرته=وهذي ترى من عند صرّاف الاجالي
ألايالله انك تغفر لسعد وترحمه=وتجعل له الفردوس بالمنزل العالي
وتغسله بالثلج والماءوالبرد=وقبره وسيع وروضة مالها تالي
وتبدّله بأهلٍ هم أخير من هله=وتجعل موازينه من إحسانك ثقالي
حقه علي أدعي له الله برحمته=ويكفيه حر النار في يوم الاهوالي


رابط القصيده الأصلي


الساعة الآن 04:35 AM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w