عرض مشاركة واحدة
قديم 05-08-2009, 11:22 AM   #1
|الذيب 
شاعر قدير


الذيب غير متصل

بيانات اضافيه [ + ]
 رقم العضوية : 3762
 تاريخ التسجيل :  Aug 2007
 أخر زيارة : 05-25-2013 (02:59 AM)
 المشاركات : 134 [ + ]
 التقييم :  10
لوني المفضل : Cadetblue
قصيدة محمد جارالله في طلال الجلال



شوش يا راسي وغن ولا عليك من الملامـه
شاعرك لا شاشت هجوس الشعر هجرس وغنا
منت ضاري فالهوان وفالطمـان وفالرخامـه
ولا انت مطرق خيزران ان نسنس الغربي تثنا
انت ربي خالقـك للمجـد وزمـام الزعامـه
فيك من هيبة صلاح الدين وعزوووم المثنـا
وان دعوك اهل المواقف والمكارم والشهامـه
هات من شرد البيوت اللي على العـز اتبنـا
ما على ماضيك زود ولا مثل هامتك هامـه
يبصم الطيب عليهـا والـردي كانـه جهلنـا
علموه ليا وقف يجلس على فـراش الكرامـه
ويتريح مـن عنـاه وينشـد التاريـخ عنـا
ومحفل الليلـه يجنبـه الضعيـف والهلامـه
والـردي لامـن تـردّى لا يحسبنـه شحنـا
يا سهول ويا سبيع ويـا صواريـم القرامـه
الحميا كـان قالـوا مـن لهـا بقـول حنـا
من قبل عصر الامام اللي بنى قصر اليمامـه
طبعنا في ماضي الازمان لا حاضـر زمنـا
صفنا واحـد ورايتنـا علـى راس العدامـه
ومن خرج عن وحدة الصف يهبا ماهوب منا
يا بني عامر هل الطالات واصحاب الفخامـه
والسيوف اللي من ارقـاب المعاديـن اتحنـا
والله انّا رايـة الاجـلال والمجـد وسنامـه
والله انّا فرحة اللي مـن عنـا وقتـه زبنـا
والله انّا نصرة المظلوم من عقـب انهزامـه
والله انّـا ملجـأ الخايـف ومزبـان المجنـا
والله انّا فزعة المضيوم كان الوقـت ضامـه
ووالله انّـا والله انـا والله انــا والله انــا
لا بة ٍ تحمـى مواقفهـا ليـا يـوم القيامـه
يشهد لنا ما نقـول ويشهـد لنـا مـا فعلنـا
ومن غدوا بني سهل وسبيع بالشـده حزامـه
طوقوه عيـال عامـر بالسعـد منـا ومنـا
يا طلال ابشر بعزك وارق من فوق الغمامـه
انت املنـا فالسنيـن المقبلـه وامـل وطنـا
قالها من ينحت في صم الصفا اجزل كلامـه
من قصر عن لازمك يا بو سعد ماهوب منـا