عرض مشاركة واحدة
قديم 06-28-2009, 04:38 AM   #5
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
مشاركة: ديوان الشاعر / متعب بن فارس بن طواله



(اخترت لكم من ديواني الخاص)

ياشبه وضحى زاهيتها الدناديـش=تروس طابور الجوادا العطاشـي
برشامها لاروحـت لـه قراقيـش=مع ذود شيخٍ ماتحـرى المعاشـي
دايم مفرع والشـوارب مطانيـش=وان درهمت قدمه من الزوم هاشي
في ربعته تلقى النشامـا مهاتيـش=شيخٍ يقلط باالصحـون الكباشـي
اللي يخيش عايل القـوم تخيـش=نواضـره مثـل قديـح الفلاشـي
عليه هيبات الاسـود المشاويـش=لاكشـرت باانيابهـا للهواشــي
دايم مـدللها تـروس القناطيـش=عقل ادمي لوهي فصيلة مواشـي
العين عين اللي تعلـى الخنابيـش=راعيه حدره ما تـدرى العفاشـي
حول ومع تحويلته ينثـر الريـش=من مخلبه غدا يثـوع الطشاشـي
طلعو عليه من الولع عاش ويعيش=من التعب ماقد خـذا لـو نتاشـي
ينفخ يشادي مستهيـش الحنافيـش=افمه مقـص مذرعيـن القماشـي
لاسلهمت فوق الوجن بالمعاكيـش=حصة صيارم مهي حصة خشاشي
ابو نهودن حـدر جيبـه متانيـش=كنه زبيـدي السهـل والدشاشـي
والردف طعسٍ كارباته رشاريـش=ماداجبـه راع الغنـم والدباشـي
والساق مبـرومٍ لحجلـه لواليـش=حس الطيور اللي على جال طاشي
تنقض على الامتان شقر العكاريش=والخـد بـراقٍ لمـع بالنواشـي
عليه حالي مثل حـال الدراويـش=سعادتي بقصاد والحـزن كاشـي




رابط القصيده الأصلي


 
 توقيع : ديوان شعراء المجالس



رد مع اقتباس