روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء المجالس
 


ديوان الشاعر / محمد بن عشان


إضافة رد
 
أدوات الموضوع انواع عرض الموضوع
قديم 08-19-2012, 02:20 AM   #11
|محمد بن عشان 
شـاعر قـدير وعضو شـرف المجـالس


الصورة الرمزية محمد بن عشان
محمد بن عشان غير متصل

بيانات اضافيه [ + ]
 رقم العضوية : 4882
 تاريخ التسجيل :  Aug 2008
 أخر زيارة : 09-03-2012 (07:39 PM)
 المشاركات : 362 [ + ]
 التقييم :  21
لوني المفضل : Cadetblue
رد: ديوان الشاعر / محمد بن عشان



بسم الله الرحمن الرحيم

السلام عليكم ورحمة الله وبركاتة

صبّحكم الله بالخير يا اكرام اللحى (كل عام وانتم بخير)




على الله اتكلنا وابتدينا=على منهاج منهو فيه دينا

يخاف الله ويتمم فروضه=يحب الخير نهج المسلمينا

عميل الخير ما يذخر بخيره=سليل الطيّبين الصالحينا

سديد الراي لا من جاب رايه=حزام ودرع بالشدّه عوينا

عصاميٍ على الناموس عينه=يحب المرجله والطيّبينا

دروب العز عزّت من وطاها=ولها قمنا بساعٍ ما احترينا

مكاسيب المعزّه كسب طيّب=تغانمنا دروب الغانمينا

على كسب الغنايم بنتفاخر=كذا والا كذا انّا الرابحينا

كسبنا من زمانٍ ثقل حمله=زمانٍ حمله الكايد علينا

تحيزمنا وشدّينا العزايم=وتحمّلنا ثقاله ما ارتخينا

حموله تتعب ظهور النجايب=علينا اركى حموله وارتكينا

نشد العزم لو العمر فاني=وعلى وضح النقا لا من سعينا

والى منّا سعينا ما ندرعم=نسوق الرجل بالعقل الرزينا

نعرف الادمي لو طال عمره=لابد بْيوم ضمن الراحلينا

يدور الوقت والايام مثله=ويطوي من شهور ومن سنينا

حياة الادمي نومه وقومه=مثل حلمٍ يمر النايمينا

عسى الله يغفر المنهو يخافه=وعسى يغفر لنا والوالدينا

ولو متنا على كسب المكاسب=يخلّد ذكرنا لا من فنينا

والى منّا تعبنا ما قدرنا=لغير القادر الله ما شكينا

كتاب الوقت لا من جار يفتح=دروسه ما خذوها الراسبينا

خذينا الدرس يوم انّه تعسّر=حفظناها وحنّا الناجحينا

كسبناها بعد درس المجالس=ومدارسنا دروس الاولينا

صناديدٍ يحلون الصعايب=على روس النوايف نازلينا

منازيل الوحش عكف المخالب=رقو للقمّه ومعهم رقينا

على الجرّه خطانا مع خطاهم=زحازيح اللقى طوال اليمينا

هل الناموس واصحاب المكارم=وفانا من وفاهم لا وفينا

نحفظ الكلمه اليا من هرجنا=والى منّا نطقنا طايلينا

صدق من قال بأن الطيب فرصه=توافيقٍ من الله المعينا

ما يكتب غير للي به موفّق=وبفضل الله ما جفّت يدينا

على المكساب قمنا ما قعدنا=وعلى كسب الجميل مْوفّقينا

نحب الطيب وانقدّر اربوعه=ومن دروب الرخامه سالمينا

دعينا الله من درب الرخامه=ومن فضله طمرناه ونجينا

نقدّم ما يجمّلنا ونعطي=خذينا وان عطينا ما خذينا

عوايد من يعقدون الشوارب=سنا المجد التليد المعتلينا

حفاد المرجله ساس الشكاله=مطانيخ الرجال العارفينا

وانا من قوم ذربين الفعايل=كعامٍ للعدو والمعتدينا

سلاح المن نصاهم قام يندب=ذرى الجالي وعز النادبينا

سهولٍ كسرهم صعبٍ وكايد=سهولٍ لا حما الماقف حمينا

قراحٍ للصحيب وللموالي=ودبجٍ للخصوم الخاسرينا

مواقفنا تشوّش روس الاعدا=لها تشهد وهم الشاهدينا

هل المبدى مصادر للضوامي=قرومٍ صايلين وجايلينا

بنا العربان تضرب بالمثايل=سهولٍ مع مهنّا قد غزينا

مهنّا من السهول اهل الهنادي=شجاع وقايدٍ منّا وفينا

لابن دوّاس قام وذب درعه=ضوينا بالغنايم لا ضوينا

وابن لحيان راع السيف الاجرب=خزيّم بالقسا ما يستهينا

شرب فنجال خصمه ثم ذبّه=حزامٍ بالشدايد لعتزينا

ابن لحيان وامهنّا دواهي=على حياض المنايا واردينا

هل الشدّات بالشدّه محازم=هل الامجاد روس الصاملينا

ذكرت اثنين عن تسعين دوله=ولو ان بنتقصوا ما حصينا

ومحال انّا نقصّر بالقبايل=بهم ناسٍ تجول وصايلينا

وتمّت واستحلت كل شرفه=بعد ما صاغ ابو جنبٍ متينا

وقفّت مزنة الوسم وحياها=ضفا مخضاره وغطّا البطينا

سحابٍ راعده يسبق بروقه=بعد ما ارخى على القوم الغشينا

وهذي منّي لربعي تحيّه=تحيّه من بعد قافٍ سمينا


 
 توقيع : محمد بن عشان



رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:03 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول