روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء المجالس
 


ديوان الشاعر / متعب بن فارس بن طواله


إضافة رد
 
أدوات الموضوع انواع عرض الموضوع
قديم 01-16-2012, 10:27 AM   #61
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





ياعيون اللي شهر والجول خمّر= فعل شيخٍ قاد فرسان القبيله
اشقرن لاادلا على الخارم يغمّر=يترس الافاق من ريش الذليله
عنق ريمٍ مستذيرٍ ويتطمّر= قفوه الشرّد وغزلان الجميله
طلع رمانه بصدرالغصن ثمّر=ماستر طرح النّبك ثوبٍ وشيله
الشفايف حبة خلاصٍ تحمّر=استوت توه بقنيان الطويله
وان تبسم بالرهايف وين شمّر= قحويانٍ في حجاريف المسيله
وان تخطت من نظر زوله تسمّر=يوم اوصفها كما المهر الاصيله
لوتكلم مقنعه صاح وتذمّر=يصفقنه ركز الارداف وتشيله
كان طبت حفلةٍ حسنه تأمّر= ليلةٍ مهي على الخفرات ليله
يوم ترجح والخواصر حيل ظمّر=من نظرها قال يامسعد حليله
تلحق المجدول بذراعٍ مجمّر=كن اساورها يهلهله صليله
تذبح العاشق كما ذبحة معمّر= مثلها مع جنس حواء مستحيله


 
 توقيع : ديوان شعراء المجالس



رد مع اقتباس
قديم 01-31-2012, 08:49 AM   #62
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





ساعة مضى ثلثين ليلي وجفني غط= بدى هاجسي يرسل على القلب تنكيده
كما الشوك احسه بالنواظر يبطه بط= تركيه دقات الهواجيس وتزيده
وانا من ليال العام مرتحت يومٍ قط= تجمع خلايا الذاكره هم وتعيده
جعل فوق خدي قاسي الوقت مثل الشط= كما نهر دجله يجرح القاع ويفيده
اذاجيت ابا انسى داخلي صار شيل وحط= تحبل لحظي سود الايام وتصيده
من عيوني الثنتين سطرٍ بدون نقط= جملة حزن تقراه الاطفال ووتجيده
على وجنتيني يرسم الوجد شكل وخط= كما يرسم الوسمي على الارض تجعيده


 

رد مع اقتباس
قديم 02-11-2012, 12:50 PM   #63
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





فكري على ساقة الشارد صقاقيره= مجموعة افكار راس بريش لحاقي
الشعر لو شرّده تبرق دواغيره= يردم لها النادراللحاق وتعاقي
ولع من الغيض في صدري دوافيره=وترجلت بالقصيد افواه الاعماقي
اجنازة الصدق يامكثر حوافيره= رزقه على اللي توفى والله الباقي
سودن نواياه والالسن مناشيره= كلٍ يبي من لذيذ اللوز مذواقي
برقٍ على الهينّه مسرَع مناقيره= صوغٍ تحرّث تراب الخزي وتقاقي
دايم على الدار ماتسرَح مثابيره=املاك حمصيتن محواج مسواقي
ثعالب الجال لوتكثر مشاويره= يصبح عليها الصباح ولا لقت لاقي
بطالت العز يامطول طوابيره= اللي حقوقه عليها تنفَق اِنفاقي
معادن اهل النجف لو زاد تكبيره= ماسرْ بنت الرسول اشياع الأعراقي
من كفر المسلمين اِيحل تكفيره=مايعلم الخافيه كود الله الواقي
ليته عَن اللوم جادت نية الخيره= وانا اِبكار النوايا وضّحِ ونياقي
قصابة السوق ماترحم سواطيره =امجادها حد نجراني ومعلاقي
اهتز عرش القصيد وزلزله حيره= وش فايده دام بارة هقوت الهاقي


 

رد مع اقتباس
قديم 02-18-2012, 09:55 AM   #64
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





يامغرّد الصبــــــح شاقتني مـــواويلــك=شكلك تغني طـرب يالشادي السالـي
بالله ياطـــير غني لـــي واغنـــي لـــك=اكيــد انـــا وانـــت نتشابــه بالاحـوالـي
خلـك قبالــي وانــا جــالس مـقـابيـلك=غـرد وانـا اشيل صــوت الــحزن مـوالي
اكيـــــد بـــرد العقارب مللك ليلـك=مثلــك تـــراني بعـــدمليت ولـــحــالـي
مسعـدك تلـفــح جناح الريش ويشيلك=تــرقـى نسيم الصبــاء وتحـــط بالعالي
لو تـفـقـه الناس تسبيــحــك وتهليلــك =كان اكثر الناس عنــها الغــي ينــزالــي
الـــلـــه كفل مونتك والرزق يسعـــي لـــك=وعن منة الخـلق تسرح بالخــلا الخالي
يوحي لقلـبك على ارزاقك وتـو حي لك =ماشلت هـــم الــدهر لو مزهبك خالي
تقضي حـــياتــك ولا ابتلـــت مناديلــك=صدر السماء يحضنك عن خبث الازوالي
ياطير عطني جناحينك و مـــالي لــك=ابي ارتــفــع لين ماعــاد انـظر الـوالي
وليا اعتليت السحاب شـوي واجي لـك=فـي مـوقــعٍ مــاوطــابه كـــل مخـتالـي
دعيت ربي دعى المـضـطر وادعي لك=عــالم خــفـى نيــتـك ومــقـدر اعمـالي
يامر على الوقت يصفي لي ويصفي لك=بامره يــدور الفـلك عن وضعنا الــحالـي
يفرج همومي وعشب الروض يزهي لك=الله هــو اللي كـــريم الـــمـــد ويسالي


 

رد مع اقتباس
قديم 07-11-2012, 02:56 PM   #65
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





الله يغفر ذنب ابو سعود ويبيح=على الرجال النادره واحسايف
ليث تصاريحه تهز التصاريح=اليا اصدره كنه دوي القذايف
مودع كلاب الفرس خرس مباطيح=اهل المعام مسوقين الخرايف
بانت عقب مامات خضر التماسيح=ولايفٍ فرس العجم له ولايف
فرِح النمر والشعب يبكيه ويصيح= لو مهو صاقرهم صقر ماتكايف
وشلون راكى عين هداج والسيح=خبرة تنك ومخرزات الخصايف
غيده تهزع بالبساتين وتميح=لو سولف العوجاء علومه طرايف
كبر دماغ ملقح الطلع تلقيح=اللي عيونه وسمتها السعايف
من قرب الافعى جزته المكاليح=عوجٍ من السم الذحاحي رعايف
وشلون نامن في طوال المسابيح=على النوايا السود كلٍ مظايف
نايف منه تاقف على رجل وتطيح=كبر الركب ماينقلن الهدايف
اسمه يقبح مارق الدين تقبيح= اللي على السنه تعض الشفايف
يقطع وياصل دون صجه وتفضيح=يقدر ضحى ومن الدهاء تقل حايف
ماحصلت منه الصحافه مرابيح=يدب ولا تنشر خبره الصحايف
ماوصلته اقصاه طوقن نوابيح=جدع الاذان اللي تعاوى غلايف
يسهم اسهام مسدحات المصاليح=مسلوعاتٍ تقل حنكة حلايف
اللي يطوح مجرم الدمغ تطويح=بالشرع والمخطي دواه الرهايف
عقبه تبي بعض السياسات تنقيح= الحكم مهو حوك حمر القطايف
المملكه دوله وقوه وتسليح= محدن لديه شكوك والكل شايف
على الحطب فرقك سما يااخضر الشيح= روضك ابد ماله شبيه الوصايف
وين انت ياضل الجبل لحتما الريح= مامن مقيلٍ في رجوم الحتايف
ماتذري الحمْر زوال الصحاصيح= ياحيف ياظل الطويل المهايف
في فيته عكف المخالب مفاجيح= شيخان قومٍ في صدور المظايف
نايف حجا سنجار ياشوب الريح=عن لاهب الجوزاء ذعاذيع طايف
الله خلق لقفول بقعاء مفاتيح=مرحوم يامفتاح الامجاد نايف
اللي دماغه ينسف الرعب ويزيح= منه العدو لهو وراء الصين خايف
بحرٍعليه تسير سفن الملاليح=شال الحمل عنها وسارت خفايف
له غبةٍ تخشاه كل السوابيح= وفي جوفه اللولو جميل الوصايف
نهر العطى مروي الكبود المشافيح= اللي لحقها من ضماها كلايف
لوهو على الكرسي بعيد المطابيح=عين الدها تبصر شعوب وطوايف
ياقمة القمه ودونه لواليح=يامودع الارهاب مفلس وعايف
يانهر دجله يافرات الفلاليح=مروي النخيل اللي عذوقه تهايف
الجدي تقدابه هل الفطر الفيح= وجدي السياسه للسياسات نايف
قلته ولا ارجي من وراها المرابيح=والصدق ينفي كل مفهوم زايف
نطلب له الغفران ونحل ونبيح=وعسى العوض في مصقره والخلايف





 

رد مع اقتباس
قديم 10-08-2012, 11:03 AM   #66
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله




ذيب ماهي عادتك بالضحى قمت تعوي=خاويٍ بطنك ومفلا هل الضان محله
ماتعشيك الفلاليح لاغاب بدوي=لاعويت بجنب بيته يعشيك فحله
جرصوت الجوع بالقايله يالمنطوي=الذبابه تجمع الشهد ويموت نحله
من ورد هداج تيما يعود ماروي=جمه اللي يمدحونه تحول لدحله
كوسره واقنب على الجال والله القوي=مبحلك وقتٍ يبي الله قريب يبحله
وان لوا جور اشهب البيد ذرعانك لوي=لاتعلت شمس ربك يبس عنك وحله
لو يطير الطير ياذيب لابد يهوي=مايطوٌل طول ظل الضحى للمدحله
اخر الاطباب قال العرب طب الكوي=والعمى للعين نوبٍ سبب من يكحله
شاريٍ خوتك ياذيب واقبلني خوي=يوم عاضب وقتنا وصفته كم رحله
القهر دمعه بعين الرجاجيل محوي=دمعة الاشراف ماهي قواطير جحله

ذيب تبقى الذيب وانته من الجوع تعوي=ويذعرك ياشرم الاذان حس الحلحله


 

رد مع اقتباس
قديم 11-12-2012, 06:33 PM   #67
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





الشماته بكف الجود عرُف البخيل= اعقبي ياالشحاح الحاقده ماانذلِك
يالقصّير قصّير لو تسب الطويل=الاوادم بكيفه وانت وش دخلِك
ما تبي منْك يالعوشز ضلال ومقيل= تعّرِفك بالقوايل ماتضلل هلِك
ليه يومك على اشراف الحمايل تعيل=ارفع الراس للعالي وجِد نخلِك
ماترجوك ياكفٍ تشح بقليل=تكنزين الفلوس وصاحبك ماملِك
لو ملكتي كنوز الانس منتي دليل=الشوارب تنكّف عن دفين جعلِك
راحت الغلِس فيك الفلِس ينجب مثيل=اكثري ياالأشقا من هداد فحلِك
اتومي مثل ربدى والمواجيب حيل=المخابي وراس الشِح ربق صخلِك
تنفق الجود كف الجود صبحٍ وليل=وانتي ابقي على حالِك وفي معزلِك
الذبابه مذارعها مضره تشيل= والشفاء يانحل جردان في منحلِك


 

رد مع اقتباس
قديم 11-19-2012, 01:15 PM   #68
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / متعب بن فارس بن طواله





ادله مادامك عايشٍ وادع للميت=وصلي الفرايض والمقدر منيه
وليا اجتهدت الله مقَدِيك واقْدِيت=كفاك سو العاقبه والبليه
شموخ راسك يخذله قول ياليت=مادمت تقدر والعزيمه قويه
للعفش طرِبل هنقلٍ فوق وانيت =والجيب خله للنشاما مطيّه
والاشقر القرناس جنبك على السيت=مثل الغلام اللي على ايمن خويه
افجح هزع منكب تقل من هل البيت=سادة قريش وعنبر الهاشميه
وليا نزلت بخايعٍ قفر وامسيت=بَد الدلال ونفل الشاذليه
شب الغضى واحمس مزاج الشفاليت=بريةٍ تجلب لنا مقدريه
حماسها تقل يسوق الختاخيت=ونوبٍ على اتالاهن يرد اوليه
حيران شعلٍ له تمايل ملافيت=صف السرايا اللي تصافق أحّذِيه
خولانين بش العرق كنه الزيت=وكمل شعال الحمسة الشمريه
كبه بمبرادٍ من الجِد له ليت=تشدي لحمر الكهرمان النقيه
دقه بجوف مكوسره بالسباريت=طنيب ذيب بالفجوج الخليه
بغداديٍ يمناه في كف سمْيِّت=-هواوي البيداء كعام اشوسيه
دقه ثلاثٍ عقب طارين تصويت=صفين حفل وشالوه سامريه
وفيت بهّر يااطلق حجاج لااهفِيت=هدى السريب وجاك فوحه سويه
صبه بلجٍ حومرو طارهن صيت=مثل مضاحك ملّعجات الثنيه
ولامن قدعت من الخلاص وتقهويت=زال الخوى عنّك زوال الغشيه
عقب الفجر لابيّح الشوف مديت=وفرعت بالقرناس بارضٍ عذيه
وليانتل سبقه على طول هدْيت=مايجهل الصقار عادة ركيه
ومن الولع في ساقته ماتداريت=كن ابيض الفكس ار جلد برديه
يردم سما لحاق شردٍ عفاريت=اقفت دواغرها مكاشح ضويه
لحّقك زمل يومك شعرت انك ابطيت=عينك سما والارض ماهي سويه
وحول تثوع محجلاته وهدَيت=وضربت بسامك على مقدميه
وطبقت له تنده تهاديه وهِديت=مسطور قومٍ في مصارع عبيه
كخ العدم بفمه تقل كخ كبريت=متقحمٍ مخالبه شوشليه
والطير فعله نومسك واسفهليت=وهدن وصادن الطيور البقيه
بمجارساتٍ ماعفلها كواشيت=ماكنها الا بالشبوك محميه
ولاخذت لك عشرين يوم وتشفّيت=راحت طرايف والضماير نقيه
ورجعت للديره عقب ماتمشيت=صدرك من هموم البلاد معفيه
يالله ياللي تحيي النفس وتميت=منهو سواك مكرم المهمهيه
هديك وغفرانك ورزقك وتثبيت=ياجاعل الحسنات ممحات سيه
يارب سترك عن شمات الشماميت=جلابة النمه بسوق الاذيه
صلاة ربي عد ماحصى ولا احصيت=عليك يالهادي محمد واليه


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:07 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول