روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء المجالس
 


ديوان الشاعر / لطام البرازي


إضافة رد
 
أدوات الموضوع انواع عرض الموضوع
قديم 06-21-2011, 07:36 AM   #1
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
ديوان الشاعر / لطام البرازي



السلام عليكم ورحمة الله وبركاته

ديوان الشاعر / محمد بن سلطان بن حفيظ البرازي (لطام البرازي)


 
 توقيع : ديوان شعراء المجالس



رد مع اقتباس
قديم 06-21-2011, 07:37 AM   #2
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي



السلام عليكم .. ابيات للتواصـل


صبّح الله ذكريات اللي عواقبها وخيمه
بالهوى وانسام عطر الحرف في روس الطوالي

الحزن لو ما يذل القلب ويذب الخريمه
كان ما ذله سواد العيبن .. وررقبـة الغزالي

يا جميله شاعرك داج الفضا بشداد ريمه
وسطّر بذكرك تفاصيل العمر واحلى الليالي

من يقول ان القلوب البيض تبقى مستقيمه
كل يوم ٍ من عيوني لا سرحت يطيح غالي

عذر من مر الديار اللي مبانيها هشيمه
بدّل الله حالت الايام من حال ٍ لحالي !

رحتي انتي واقفت الايام والذكرى مقيمه
تستبيح القلب وتفج الضلوع ولا تبالي

سيّلت كل الجروح وجات عقب السيل ديمه
وانتي ابعد عن هوى مغليك واقرب للمحالي

ما ذبحني دمعة الرجال وادموع اليتيمه
كثر ما بُعدك ذبحني واسرف بروحي وحالي

كذبت اصبر والليالي دايره هذي قديمه
والله ان الصبر عند اهل الهوى ماله مجالي

عاشقك خلى لطيفك في ظلام الليل قيمه
لا سلى عن طيفك امسى ضايق ومشغول بالي

واحدن لا ضاق صدره قال كلمه من صميمه
ليتني ولْد ٍ لعمتها وهي بنت ٍ لخالي !!

لو درى انّه غيبتك تدمي وصدآتك أليمه
ما عشق شمسك ولا دوّر تحت شمسك ظلالي

اتركي كل الجروح الداميات المستديمه
العمـر لحظآت والدنيا تراها للزوالي

كل ما ناديت لك يا هاجسي ما فيك شيمه
ما سمعت الا صدى صوتي يردد لي سؤالي


ابتدينا وانتهينا لا جحود ولا ظليمه
وانتهت في غيبك كل امنيآتي وابتهالي

للغلا والحب في صدر الزمن قدر وحشيمه
ادري اني لو سليتي عنّها مآنيب سالي

المشاعر ساقها لمواصلك برّاق غيمه
والقصايد فيك من جرحي ومن واقع خيالي

لا بغيتي تسمعين الحق يا مال الغنيمه
اخذي الذكرى وروحي وابعدي والا تعالي !


 

رد مع اقتباس
قديم 06-21-2011, 07:43 AM   #3
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي






الا يالله ياللي كآسي البيدا حياه ونبت=نشف ريق الزمان ولا بقا لايامنا سيره
تحت رحمتْك ماني بالرحيم وفي حماك اذنبت=بعد ما اودعت فكري في يدين الشك والحيره
على شان الزمن عنيت نفسي فالهوى واتعبت=قدم رجلي وانا ادري طرقتي ما حولها ديره
خذيت ادروس من ضيم الزمن وانا فتى ما شبت=دروس ٍ ما خذاها شايب ٍ طالت مشاويره
يروح الوقت والجمعه يجينا من بعدْه السبت=اثر طعم الحلاوة مع قهوْة إعصير تصبيره!!
وانا لو صبت مره في ثلاثه غيرها ما صبت=قدرت اقدّر اقدار القدر واجهل مقاديره
اغيب شوي وآحسب البشر تدري ليامن غبت=واعوم البحر وآحسب البحر ترسي بوابيره
على الله ما يفيد اللي مضى لو بالدموع اسهبت=يسوق الغيث ويحقق منى الجمّال وابعيره
على نور الصدور اللي تغشّاها ظلام الكبت=رجاوي عبد في حكم الغفور ولا يبي غيره
وانا مبطي على حطت يدين المعصيه ما تبت=امنيها بقولت : خيرتي في كل تآخيره
نعيش سنين لكن الخبر فالآخره وش جبت=عسى فالجاي خير ويا عسى بالفايته خيره

وسلامتكم : اخوكم لطآمَ


 

رد مع اقتباس
قديم 06-21-2011, 07:47 AM   #4
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي




راح ثلث الظلام وباقي ٍ ثلثين=وانقفـل كل بآب ٍ ينترجابه
غير باب الرحيم مصوّر الجنسين=مع مضيّ العمر ما ينقفل بابه
بسمة ٍ فالشفاه ودمعة ٍ فالعين=بين حق الضعيف وبين طلابه
شاهت اوجوه وانقصرت طوال ايدين=والمصلي ترك بيته ومحرابه
يسري الهم مثل مودّع الغالين=يوم عدّى بجرحه راس مرقابه
ارتكى للهبوب وقال له بيتين=يا هنيّ الحبيب بشوفت احبابه
ما طلبت الولي وردة وخوخ وتين=دامني فالاسود ومن هلا الغابه
لا بغى يلْحق التالين بالمقفين=يحشر ابوي معْ طهَ ومعَ اصحابه
لا بغيت ابتسم واضحك مع السالين=مرّني طاري ٍ ما يسحب حسابه
كل حلم ٍ يجي ما قلت له من وين=ينثني فالصّدر وينوّخ ركابه
بس ما فيه حلم ٍ قد خذا يومين=غير شابت رموشه وانكسر نابه
كنت الوم الخوي لآمن لبس ثوبين=واثرني ما عرفت افصّل ثيابه
خلنا منْك يا وجه الزمان الشين=الملامح معَك قشرا ومرتابه
راح ثلثُ وعسى في باقي الثلثين=يرقد الجرح ما غنّيت باسبابه


 

رد مع اقتباس
قديم 06-21-2011, 07:48 AM   #5
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي




لا تفهق الصبح خل الليل مرجود=في متن الاحلام وايدين الاماني
ابسهرك والزعل بعيونك السود=يعطي حروف القصيد .. احلى المعاني
اقطف ثمار الجفا عنقود عنقود=اللي مابين المحاني .. والمحاني
خليتها فالحشا شعله وبارود=الين ما عوّدت عشرك ثماني
اهديتك العمر كلّه باقة اورود=واهديت لي من هوى عمرك ثواني
هبّت هبايب غلاك وذعذع النود=لكّن مات الزّهر والقحوياني
ذكراك والا جفاك ! .. اسهود وامهود=وفّر هقاويك واحساسك عشاني
لو ادري انّك على رجواي موجود=جيتك من اديار نبض الشوق عاني
وش عاد؟ .. لآمن بكيت ورحت مضهود=وش جايبك من مكانك لا مكاني
الليل والريح وانت وبرق وارعود=ما حركتني ولا هزّت كياني
اصبر لو ان الصّبَر ماهوب محمود=ف/ مجاهد الجرح يا شين التفاني !
وازعل مدام الزعل بعيونك السود=يعطي حروف القصيد .. احلى المعاني


 

رد مع اقتباس
قديم 07-02-2011, 10:02 AM   #6
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي



..








توّه الليل وش خانة دموع العتاب؟=المشاريه وادموع اللقا .. توّها
ابسط الجفن كلّه والدموع الركاب=سرّح اركابها وان قرّبت ضوّها
وان تبسّم حجاج الضيق .. والجرح طاب=كل حاجه على شان الغلا سوّها !
غبت واخر علومك من دروب الغياب=صدّتك لا طغت فالبال يا قوّها !
كل ما قلت زانت للهجوس الرحاب=جت لها الذكريات وعكّرت جوّها
طعنتك فالحشا شيخه ودمثت جناب=من كرم كفّها ما تنطفي ضوّها
علمتني طعونك كيف ادوس الصعاب=لاظهر طيّب الاصحاب من بوّها
علمتني بعد وشلون اطول السحاب=ارتقي للنوايف وارقب اعلوّها
طال عمر الغياب وعارض الشوق شاب=يا عذابي (ياليت ) ايّامك ( ولوّها )
لوّها ما تشرّع للقصيد الف باب=كان ما همني نوّك ولا نوّها
انت رحلت عمر راحت بليّا زهاب=ما تطعّمْت حسنتها ولا سوّها
لو تعاتب عتاب الظاميه للسراب=منت قادر تجرّد نفسي اسموّها
لكن انظر لغلطاتك بعين الصواب=واي حاجه على شان الغلا سوّها
سج رجل الاياب .. ولا تخاف الذهاب=والصحف والحروف الماضيّه طوّها
كان تبغى العتاب اللي عليه العتاب=دمعتك ليه تنثرها وهي توّها ؟


 

رد مع اقتباس
قديم 07-25-2011, 08:29 AM   #7
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي



..

بويتات خفيفه للتواصل ..








مرّو احباب مدري مرّت حلوم=عن مساييرهم قفّلت بابك
غابو اشهور قلت اغيابهم يوم=وانت غبت امس يا مطول غيابك
لي معك فالظلام اعلوم .. واعلوم=قاف والحون .. وامساير عذابك
جيتني والعيون تدوّر النوم=كن عيني تقول : الله .. جابك !
مرحبابك بكوم وقلبي بكوم=كثر ما اذكرْك غايب .. مرحبابك
شاعرك .. لا ذكرْك ايطيح وايقوم=ما عشق فالتراب الا ترابك
لا تلد النظر ما حولك انجوم=كلهم ذابو .. ابحضرة جنابك !
سجّل اجمل عتب في دفتر اللوم=جيت ابا اعاتبك .. جاني عتابك
قلت صدّك حزن .. وافراقك هموم=ظامي ٍ ما وقف يطرد سرابك
قلت لي خل طيرك يكسر الحوم !=كل سهم ٍ من الاقدار صابك
ادري ان للغلا في قلبك ارسوم=من دواعي وفاك .. وفي رحابك
لك عيوني ديار .. وعرف .. واسلوم=وانت في وسطها تشعب ركابك
السهر طال علّم جفني النوم=ما سمعته يقول : الله جابك !


 

رد مع اقتباس
قديم 07-30-2011, 10:43 AM   #8
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي



..



السلام عليكم ..

ابيات فابو ناصر عبدالله بن ناصر بن راجح السويحل البرازي

يستآهل ابو ناصر ولا توفيه حقه ..






ما كل حمل ٍ تبرّك له ظهور الجمال=ولاهيب لحية جمل وابحملته درّجوه
حمل ٍ يليّن عظامه ما يبي له مجال=احسن لكم في طرف سوق الجمال اجلبوه
يا جعل حظ الردي ماله بناتُ وعيال=وقت الرخى ما يعرف امّه ولا يعرف اخوه
وان صار له حاجتن ترميه عند الرجال=يصير مثل اليتيم اللي عمامه ولوه !
ماهوب كفون لسج الرجل في كل حال=والحمل لا ضاقت الحيله وشاهت وجوه
خلّه لابو ناصر ابعير الحمول الثقال=اللي موكّد فعوله فعل جدّه وابوه
حلال جل الامور امعقدات الحبال=مبهج نظر خطّر الضيفان لآمن لفوه
اللي تباشر بوجهه نوض برق الخيال=كسّاب قولة نعم عند العرب لا طروه
متسلسل امن السويحل مكرمين السبال=الدار مبطي من اوجيه الاعادي حموه
يا جعل عبدالله الراجح سنينه طوال=يبطي وهو بين خلانه ومنهم رجوه
مدري ظهور الرجال اللي تشيل الرجال!=والا ان فكري على سكة خياله يتوه
والشاعر اللي يقول ان الحقيقه تقال=صح الله لسانهُ وفكره ولافض فوه


 

رد مع اقتباس
قديم 08-27-2011, 03:48 PM   #9
|لطام البرازي 
شـــاعـــر قـديـر وعـضو شـرف الـمـجـالـس


الصورة الرمزية لطام البرازي
لطام البرازي غير متصل

بيانات اضافيه [ + ]
 رقم العضوية : 10089
 تاريخ التسجيل :  Dec 2010
 أخر زيارة : 12-24-2013 (02:39 PM)
 المشاركات : 381 [ + ]
 التقييم :  212
لوني المفضل : Cadetblue
رد: ديوان الشاعر / لطام البرازي




الشعر يا صاح ماهوب ضرب امن الخيال=كان ما يبني صروح المعاني ما هدم
والرفاقه شيء يعني حزام وراس مال=فالحزن والضيق والهم واجحاف الندم
وانت منت اب/للحموله جمل ضمن الجمال=لو تقول انك صنعت المحال من العدم !
رفقتن ماهي عن الشمس في ولا ظلال=حاجتن ماهيب عند العرب منذو القدم
وش تبي في همي وضيقتي يا ابن الحلال=السهم في طارف الضلع والسيف انخدم
كنت احسبك ذيب لكن انا كما يُقال=واحدن معزوم شاف المعزب وانصدم
الهوى والريح ما حركت روس الجبال=لو صدم فيها الهوى الصلف والا ما صدم
ما بقا لك فالميامين برق ولا خيال=لو تجيها من خلاف .. وتجيها من قدم
اللزوم يسد فالشرق والا فالشمال=من بشوت الروس والا من ثياب الخدم
وان حداني شيء سقت القدم صوب الرجال=للردي لو يضلم الوقت ما سقت القدم


 
 توقيع : لطام البرازي

محمّد بن سلطان بن حفيظ
@m7mdsultan
انا وين ابلقى يّ الاجاويد فاعل خير !


رد مع اقتباس
قديم 10-10-2011, 09:32 AM   #10
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue
رد: ديوان الشاعر / لطام البرازي



..

السلام عليكم ورحمة الله وبركاتة







وقّفت دقّات الامآل .. في قلب الحظوظ=ليلة ٍ بالشوق ضوّت .. وبالفرقى سرت
اوّل الدمعات سكّاب واخرها غيوض=بس لولآ عزّت النفس سالت واعبرت
ودّعتني من خلا بال .. مدري من غموض !=المهم اوداع واجروح تبطي ما برت
الوحيد اللي من الوقت ماهوب امحظوظ=من فقد غيدآ تربّت بقلبه واكبرت
جالها فالحب فيضه وفالاشواق روض=وفي لسان الحال حاجات عنها ما درت !
عندها سجّيت فكري وصلّيت الفروض=ما علي من جملة الناس .. غابت واحضرت
كن قلبي فالسواليف حالف ما يخوض=غير في سوّت وقالت وشافت وسحرت
وجه في دانيه جمره وفي عاليه نوض=لو درت عنْه المشاريه ضاقت وسهرت
ما بقالي من رجاها كبر حجم البعوض=عادت الغالين مقفين .. والعاده جرت !
وش يسوّي صدري اللي من همومه يفوض=كل حاجه غير حزنه على باله طرت
الزمن لو طاب ما فيه لا يمكن يعوض=عن قلوب ٍ لاامحل الصدر هلّت وامطرت
ناتج الفرقى غدا قلب وشويّة رضوض=وصوت للذكرى .. وخمسة قصايد مانقرت !
ما بقى للحلم دنيا بعد موت الحظوظ=ليلة ٍ بالشوق ضوّت .. وبالفرقى سرت


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:39 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول