روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء السهول القداما وكبار السن
 


ديوان الشاعر / رشيد بن مساعد القباني السهلي

يشمل قصائد شعراء السهول القداما , وقصائد كبار السن من الشعراء الاحياء ..


إضافة رد
 
أدوات الموضوع انواع عرض الموضوع
قديم 01-28-2011, 04:12 PM   #41
|مساعد رشيد السهلي 
عضو جديد


مساعد رشيد السهلي غير متصل

بيانات اضافيه [ + ]
 رقم العضوية : 10082
 تاريخ التسجيل :  Dec 2010
 أخر زيارة : 03-16-2012 (07:06 AM)
 المشاركات : 39 [ + ]
 التقييم :  25
لوني المفضل : Cadetblue
رد: ديوان الشاعر / رشيد بن مساعد القباني السهلي



قصيدة قالها الشاعر/رشيد بن مساعد القباني السهلي عندما كان منوم في احدى المستشفيات بالرياض لأجراء عمليه في عينه وعندما اتو جماعته لزيارته في غير وقت الزيارة منعو من الدخول عليه"" فهاضت قريحته وقال هذة القصيدة

ياعين ياللي غزير الدمع ضايقها=ولاهيب من كتمة العبرات ممنونه
وانا ابغي إن جاتها العبرات تزفقها=من شان تبرد لهيب القلب وشجونه
هني من غادر السستر وفارقها=وانّس نسيم الهبايب تلفح عيونه
في واسع البيد سج الرجل واطلقها=وفارق محل يصك الباب من دونه
شفيّ قصوراً تشرع مانغلّقها=لاجا المسيّر يبينا مايردونه
لو شلهب الوقت فيها اموال ننفقها=والله ترى عنده الآرزاق مضمونه
عوج المناقير خالقها ورازقها=ومن كان مسعاه لله كان في عونه
والآادمي علم نفسه عند خالقها=لابد قبره عليه اتهايل اركونه
دنياك يالعبد لاتامن بوايقها=غدارة لو صفت ماهيب مامونه
إن اقبلت رقّتك عالي شواهقها=وإن ادبرت خلت المخلوق بغبونه
اقنع بها والتجاير لاتشفقها=لاتحسب انها معك بالقبر مدفونه
وجلايس السوء بالك لاتصادقها=حاذور يعديك الاجرب خلّه وشونه
رافق رجال تسر اللي يرافقها=لاثقل حملك هقيت انهم يشيلونه
وربعك عضودك تحمّل زلّة احمقها=اللي إلامن وطيت النار ياطونه
والاسرار للناس لاتكشف حقايقها=خل الضمائر على الاسرار مكنونه
وجزل المعاني تكّفي عن لحايقها=خصاً إلاجات من الغلطات مصيونه
وختامها كلمة الإله ننطقها=رباً كريم جميع الناس يرجونه


 

رد مع اقتباس
قديم 01-28-2011, 04:22 PM   #42
|مساعد رشيد السهلي 
عضو جديد


مساعد رشيد السهلي غير متصل

بيانات اضافيه [ + ]
 رقم العضوية : 10082
 تاريخ التسجيل :  Dec 2010
 أخر زيارة : 03-16-2012 (07:06 AM)
 المشاركات : 39 [ + ]
 التقييم :  25
لوني المفضل : Cadetblue
رد: ديوان الشاعر / رشيد بن مساعد القباني السهلي



قصيدة حربيه قديمه جداً للشاعر/رشيد بن مساعد القباني السهلي

قال منهو صاغ زين المثائل=جاب من حسن المعاني اجزلها
مايحب ضعافها والهزائل=لابغى القيفان عدّل ميلها
لابتي ياكاسبين النفائل=مايفك الدار ياكود اهلها
داركم تنخى الجدود الاوائل=يقمح اللي مازعل من زعلها
امكم ولها عليكم فضائل=مثلكم يطنا ويرفى خللها
طهّروها من عبث كل عائل=قد ملكنا ضلعها مع سهلها
دونها وقّفو بكل الوسائل=وان تشتت رايكم خاب املها
مايفك الدار كود الصمائل=والتفرق للرجال ايخذلها
التفرق هو ذهاب الحمائل=قاله ارجالً سبقنا مثلها
ارخصو الارواح والعمر زائل=ولاب نفس ميته قبل اجلها
ملكنا بمصقلات السلائل=دونها كم قالةً نحتملها
مالهم حق مصيب ودلائل=شلّةً عيت تخلّي جهلها
شكّو انها جت علينا سحائل=فرصة قام العدو يشتغلها
مادرى انا له جروح وملائل=علةً ماينتعالج شللها
صلب جدي مقحمين الدبائل=مثل مزن ينثر الماء طفلها
ندر من لطمها الدم سائل=في الهداد اتقنّص اللي نقلها
كم عدواً نشبكه بالحبائل=وننقض حباله إلامن فتلها
لاغزانا ماله إلا الفشائل=نقصره عن هقوته ماوصلها


 

رد مع اقتباس
قديم 01-31-2011, 04:40 PM   #43
|مساعد رشيد السهلي 
عضو جديد


مساعد رشيد السهلي غير متصل

بيانات اضافيه [ + ]
 رقم العضوية : 10082
 تاريخ التسجيل :  Dec 2010
 أخر زيارة : 03-16-2012 (07:06 AM)
 المشاركات : 39 [ + ]
 التقييم :  25
لوني المفضل : Cadetblue
رد: ديوان الشاعر / رشيد بن مساعد القباني السهلي



قصيدةللشاعر/رشيد بن مساعد القباني السهلي بمناسبة حفل تكريم المتفوقين بمتوسطة وابتدائية الفرشه للعام الدراسي 1421ــــ1422للهجرة
القيت يوم الأربعاء الموافق 17/1/1422للهجرة
بديت باسم اللي للأرزاق كفال=رب الملا موحي دبيب النمالي
اللي يخلق اجيال ويروح باجيال=ويحيي هميد العود لاكان بالي
ومن بعده ابدي في حسينات الأمثال=مثايل فيها المعاني جزالي
مثايل في المجتمع تطرب البال=اقطف جزايلها واخلّي الهزالي
مثل الجراد بداخل الصدر تجتال=غدا لها بين الضلوع اجتوالي
لأجزالها فتّحتنا كل الأقفال=وغلقتنا الابواب دون السمالي
هذا برحب واهلي بالأشبال=ترحيب من عقب البطا شاف غالي
ترحيب روض زاف من عقب لمحال=عقب المحل من غر الامزان سالي
وترحيب احلى من العسل عند نحال=لاصار مضمون من الغش خالي
واحلى من الماء في وحم حامي اللاال=والا لبن جرد البكار المتالي
واخن من ريح الخزامى بالاسهال=وريح النفل لاصار من الوبل مالي
حيث الزهور ارواحها تنعش الحال=وانّا بجيتكم لنا طاب فالي
يامرحبا باقبال سمحين الاقبال=قلته نيابه عن جميع الأهالي
وعن محتضين الحفل وافين الأخصال=اهل الشهامه كاملين الخصالي
اللي لهم في العلم والعرف مدخال=بذكر وفاهم يوم جالي مجالي
ربع لكسب المرجله شبرهم طال=بالطيب نالو شامخات العوالي
ونشكر ملوك الدار ماضين الأفعال=حكام نجد مزبنة كل جالي
لطامة الشره المعاند إلى عال=دون الوطن يروون حدب السلالي
من عصر ليث له يخضعون الابطال=استسلمت لامره زحول الرجالي
خلّى الثعل له هيبة والأسد ذال=والذيب يرتع والغنم في المفالي
ساق النجايب والرمك شهب الأذيال=غرب وجنوب وشرق وانحا شمالي
وحدد بلاده عقب صولات واقتال=عبد العزيز اللي حكم بالعدالي
وانا اشهد انه خلّف الراحل عيال=سارو على نهجه كرام السبالي
بقيادة اللي للصعيبات حمال=يرسي تما ترسي خشوم الجبالي
فهد زعيم العرب حلاّل الاشكال=سور البلد عن لفح برد وصالي
وعضوده اللي عون من ضده الجال=هم ذخرنا في عسر غبر الليالي
جمال التخوت اللي يشيلون الاثقال=عاداتهم شيل الحمول الثقالي
في عهدهم عم الرخاء والجهل زال=شادو منار العلم في راس عالي
ياما انفقو في العلم من روس الأموال=متحصي الأقلام عد الريالي
وتحوّلو في العلم شبان وكهال=محى الجهل ماباقي منه تالي
ماباقي في المجتمع منه مثقال=عزّم على الفرقاء وشد الرحالي
نهضة بلدنا رفرفت فوق الأقذال=لبست احللها واكتست بالجمالي
قلته وانا عبرت من عرض من قال=ولا اقول انا اللي حايز بالكمالي
ولافيه شخص قال انا رجل لكمال=الكامل الباري عزيز الجلالي
وختامها اطلب من الولي حسن الاعمال=يكتب لي الغفران عند ارتحالي
لامن رحلت وصرت بالقبر نزال=مابه صديق ولارفيق الحالي
مابه ولد عم ولااخو ولاخال=معزول حتى من الاهل والعيالي
وماغرد القمري ومابدر من هلال=وما انهل وامطر من رشاش الخيالي
صلوا على الرسول والصحب والال=شفيعنا يوم الكِرب والهوالي
في موقف فيه المخاليق ذهال=ولافيه مرضع عن ولدها تسالي


 

رد مع اقتباس
قديم 12-18-2011, 04:25 PM   #44
|مساعد رشيد السهلي 
عضو جديد


مساعد رشيد السهلي غير متصل

بيانات اضافيه [ + ]
 رقم العضوية : 10082
 تاريخ التسجيل :  Dec 2010
 أخر زيارة : 03-16-2012 (07:06 AM)
 المشاركات : 39 [ + ]
 التقييم :  25
لوني المفضل : Cadetblue
رد: ديوان الشاعر / رشيد بن مساعد القباني السهلي



هذه القصيدة قالها الشاعر /رشيد بن مساعد القباني السهلي بمناسبة صدور الآوامر الملكيه في يوم الجمعه الموافق 13/4/1432 للهجرة


بـديـت بـاســـم مــكـون ادم مـــن الـطــين=محصي خشاش الارض في الليل الأسـود
رب الــمــلا مــنـزل تــبـارك ويــاســــيــن=الـلـــي لــه الأنــسـان يــركــع ويــســجـد
مــوحــي دبــيــب الـنــــمل رب الـثـقـلـيـن=ولاغـــيـــره احــداً لـلــثـقـلــيـن يــــعــبـــد
ونشـكـر بـعد ذكــره زعيــــم الـســلاطـين=الـقـايد الـلــــي فـــي الــمـــهــمـات يصمد
الـعــاهــل الـمـحـبوب غـيـث الـمـسـاكين=هــمــلـــول نـصـــباً وابــلـه يــروي الـــخد
ابـن الـزعـيـم اللـي لـه الـقـاسـي يـلـيــن=الـلـــي حـكـم بالــرمـح والــسـيف الاجـرد
وخــلا السباع السّعر تعرض عن الضين=سـِبــع الــخــلا لاشــاف فـِرق الـغـنـم صد
يـاســيــدي نــور الـبـلد نـصــرة الـــــديـن=يـاخـــــادم الـبـيـتـين يـا مـعـــرّب الــــجــد
خـطــبـت امــام الشــعب والـكــل راضـين=وخــابــت ظـــنــون الـمـغرضـه والــمقرّد
و اوامـــرك بـلــّـت كــبـــود الــمــلايــيــن=ومـــكـــارمـــــك لـلـشـــعـب مـهـيب تنـعد
والــشـعـب لـك رهــن الأشــارة مطـيعين=ضــــد الــعــنـيـد الــمــــعــتـدي لاتــمــــرد
إنـا لــكــم جـنـداً عـــلى الـعهـــــد بـاقـيـن=لامــن دعــيـتـونـا عـــلى الـمـــوت نـــارد
مـتـكـاتـفـيـن وفــي اللـــزوم امــتواصـين=ابــشــــر بـعـــزك لاحـصــل لاخـذ والـــرد
وانــا تــرانـا لاضــــربـنـا الــمـــيــاديــــن=نـــــرد كـــيـــد الـــشـــره لامــنــه عــــانـد
عــلـم يـذب الــرــيع مــاهـــوب روتـــيـن=اضــــرب بـنـا الـقـاسي والافـعـال تـشـهـد
إنــالــكــم وانــتـــم لــنا اول وذلــحــيــــن=ولانـســتـمــع لاقـــــوال خـــايـن ومـلــحـد
ولاخــــيـر فـــــي قــول بـلـيا بـــراهــيــن=الــزيـف يـَفـشَـل صـــــــاحـــبه ويــتـنــقـــد
قــلــتـه وانـا ربـعـي ســهـول عــزيـزيـن=لامــــــن بـدا الـلازم بــالأرواح نــــزهــــد
هـــذا وجــعــل أيــامـك تــمـــدد ســنــيـن=عـــســـاك مـــن ســـوّ الـمــقـاديــر مــبـعد
ويـاســـامـعـين دعــوتــي قــولــوا آمـين=وصــلـــّوا عــلـى خـــيــر الــبرايـا مــحمـد




 
التعديل الأخير تم بواسطة مساعد رشيد السهلي ; 12-18-2011 الساعة 04:37 PM سبب آخر: تنسيق القصيدة

رد مع اقتباس
قديم 12-24-2011, 09:42 AM   #45
|مساعد رشيد السهلي 
عضو جديد


مساعد رشيد السهلي غير متصل

بيانات اضافيه [ + ]
 رقم العضوية : 10082
 تاريخ التسجيل :  Dec 2010
 أخر زيارة : 03-16-2012 (07:06 AM)
 المشاركات : 39 [ + ]
 التقييم :  25
لوني المفضل : Cadetblue
رد: ديوان الشاعر / رشيد بن مساعد القباني السهلي



قصيدة الشاعر /رشيد بن مساعد القباني السهلي بمناسبة صدور الاوامر الملكية الكريمة يوم الجمعه 13/4/1432للهجرة
بـديـت بـاســـــم مــكـون ادم مـن الـطــين محصي خشاش الارض في الليل الأسود
رب الـمــلا مـنــزل تــبـارك ويـــــاسـيــن الـلـــــي لـه الأنـسان يـركـع ويــســجـد
مـــوحـي دبـيـب الـنـــــمل رب الـثـقـلـيـن ولاغـيـــــره احـداً لـلـثـقـليـن يــعــبـــد
ونشـكـر بـعد ذكـــــره زعيـم الـســلاطـين القايد الـلـــي فـــي الــمــهــمـات يصمد
الـعـاهـل الـمـحـبوب غـيـث الـمــســاكــين هـمـلـول نــــصـباً وابـله يـروي الـــخد
ابـن الـزعـيـم اللــي لــه الـقـاسـي يـلـيــن الـلـي حـكم بالــــرمح والـسيف الاجـرد
وخـــــلا السباع السّعر تعرض عن الضين سـِبع الخـلا لاشـــاف فـِرق الـغـنـم صد
يـاســيــدي نـور الـبـلد نـصـــرة الــــديـن يـاخـادم الـبـيـتـين يــــا معــرّب الــجــد
خــطــبـت امـــام الشـــعب والـكـل راضين وخـابـت ظــنـون الـمـــغرضـه والـمقرّد
و اوامـــــرك بـلــّت كــبــود الــمـلايــيــن ومــكــارمــك لـلـشــــعـب مـهـيب تنـعد
والــشـعـب لـك رهــــن الأشــارة مطيعين ضـد الـعـنـيـد الــمـعـــــتـدي لاتـمــــرد
إنـا لــــكـم جـنـداً عــلى الـعهـــــد بـاقـيـن لامـن دعــيتـونـا عـلى الــــمـوت نــارد
مـتـكـاتـفـيـن وفــي اللــزوم امـــتواصـين ابــشـر بـعـزك لاحـصـل لاخـــذ والـــرد
وانـــا تــرانـا لاضــربـنـا الــمــيــاديــــن نــرد كــيـــد الـــشــره لامـــــنـه عــانـد
عــلـم يـذب الــريع مـــاهـــوب روتـــيـن اضـرب بـنا الـقـاسي والافـعـــال تـشـهـد
إنــالـــكــم وانــتـم لــنا اول وذلــحــيــــن ولانـسـتـمــع لاقـــوال خـايــــن ومـلـحـد
ولاخــــيـر فــي قــــول بـلـيا بـــراهــيــن الـــزيـف يـَفـشَـل صـاحـــبه ويــــتـنقـــد
قــلــتـه وانـا ربـعــي ســهـول عـزيـزيـن لامــــن بـدا الـلازم بــالأرواح نـــــزهـــد
هــذا وجــعــل أيـــامـك تــمــدد ســنــيـن عــســـاك مـــن ســوّ الـمـقـاديــر مـــبـعد
ويـاســـامـعـين دعــوتــي قــولــوا آمـين وصــلـــّوا عــلـى خـيــر الـبرايـا مـحـــمد


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تغطية حفل زواج الشاب / محمد بن غنيم الخبيش القباني السهلي المركز الإعلامي مجلس اخبار السهول 37 01-18-2012 09:42 PM
ديوان الشاعر محمد جارالله السهلي في السعوديه الآن.. النبراس مجلس أخبار ولقاءات اعضاء مجالس قبيلة السهول 18 04-27-2011 04:09 PM
أسماء أبناء القبيلة الممنوحين قروض عقارية في الدفعة الأخيرة سيف بن معيصب السهلي مجلس أخبار ولقاءات اعضاء مجالس قبيلة السهول 12 03-16-2011 01:54 PM
تغطية حفل زواج سعد بن شبيب الرويعي ال عبيد السهلي محمد الرويعي مجلس اخبار السهول 38 02-24-2011 06:47 AM
ديوان الشاعر/ غنيم بن سعد الخبيش القباني السهلي ناصر حضرم العنقودي مجلس دواويين شعراء السهول القداما وكبار السن 15 06-18-2010 12:14 AM


الساعة الآن 10:26 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول