روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء السهول القداما وكبار السن
 


ديوان الشاعر / مبارك بن درويش السهلي..رحمه الله

يشمل قصائد شعراء السهول القداما , وقصائد كبار السن من الشعراء الاحياء ..


إضافة رد
 
أدوات الموضوع انواع عرض الموضوع
قديم 08-02-2010, 02:28 AM   #21
|نادر بن مبارك الدرويش 
عضو جديد


نادر بن مبارك الدرويش غير متصل

بيانات اضافيه [ + ]
 رقم العضوية : 9663
 تاريخ التسجيل :  Aug 2010
 أخر زيارة : 12-10-2010 (11:37 PM)
 المشاركات : 5 [ + ]
 التقييم :  10
لوني المفضل : Cadetblue
رد: ديوان الشاعر / مبارك بن درويش السهلي..رحمه الله



ارسل الشاعر مبارك بن درويش البرازي ((رحمه الله)) واسكنه فسيح جناته موجهن هذه القصيده الى رفيق عمره والعزيز عليه {عقاب بن عبيد بن مصقال السهلي }
((رحمه الله )) واسكنه المقام الرفيع فالجنه .


الله من قلب جروحه خفيـــــــــــات @@ لاقلت برين واقرشن جددني
لاقلت برين واقرشن القديــــــــمات @@ جيت العنا الي قد مضا وارجعني
من ذاق حب الي علااول وغضـــــات@@ رقاب المها وعيونهن لقبلني
مسموح لاجا فيه سجه وخــــــلات @@ وليا بدا روس النوايف اوني
ياعقاب ياريف الركاب الونــــــــــيات @@ يامحتمي الي حفاهن جزني
الحب يومك ذقت له قبل لوعــــــات @@ ولذت دغاريقه ليا وافقني
وش طب جرحن منه مافيه حيـلات @@ اكماه لينه ياعضيدي محني
ابديت لك مابي جديدن ومافــــــات @@ وطباب مابي عنك مايختفني

:ف رد عليه :

يامرحبا بكتاب ريف الونـــــــــيات @@ رسايله عقب التغرب لفني
يامرحبا اعداد مافات ساعــــــــات @@ الي بدورات اليالي فطني
جاني مع المرسول منكم بيـــنات @@ فيها المعاني واضحه واعجبني
تذكر جروحك يابو ناصر خفـــــــيات @@ وجروحك الي مرمسه جددني
واسبابهن خرس العيون الجميلات @@ الي لطراد الهواء يذبحني
اثر الهواء بين وللحب شــــــــــارات @@ وشارات راعي الحب مايختفني
واحرص من المقفي دروبه مكيدات @@ وحصيل طراد المقفي التمني
والمقبل اقبل له بكل المراعـــــــات @@ وحرصن على المقبل بكل التعني
اثر العذارا مابهنـــــــــــه مـــــــــروات @@ واليا اقبلن سيور مايقفـــــــــيني
قلته ولاتخفاك كل المســــــــــالات @@ وابكم جزالله يافتى الجود عني


وهذي قصيده اخرى

شاعر هذه القصيده مبارك بن درويش البرازي ((رحمه لله)) واسكنه فسيح جناته وهو يصف بها موسم الربيع والأمطار والحيا .


زل المقيض بكل حسبة لياله @@ وتبينت نجم الوسوم المبادير

يالله عسا بقفايته ونجزالـــــه @@ تنزل محله مهملات الشخاتير

من مدلهمن كن صيفة خياله @@ يشدى الهضاب العيط مزنه مزابير

تركد على روس النوازي هماله @@ لينه يحط مع الزباره معابير

يرزم مع الشرقي ويسكر شماله @@ وقام يتزفر كل وادي ليا النير

وعزل ربابه والسقيا ارتكالــــــــــه @@ وجاله على الصلب الشمالي محادير

تمسي بروقه تهتوش بشتعالـــه @@ وتصبح مزونه كل يومن مزابير

من شاف نوه يبهج الي عنالــــه @@ لينه يخطه بالسلف والمضاهير

وشمال ولاجنوب جاله رسالـــــه @@ يقول سيله مابعد مثله يصير

يفرح به الي شاقين في حلالــه @@ عقب اربعينه غادي له نواوير

ومع مثلهن جاب النبات احتماله @@ كن الزبيدي فيه روس المغاتير

وفصلن زهى نبته عطوره جلاله @@ بين الحمار وبين لون المقازير

تبني به المشكار عقب انهزالـه @@ نين يشادي زاميات العثامير

لين استوت والي قديمن حياله @@ ثم اختلط ني الضمر والاباهير

ذي طلبتي يا من كلن يسالـــه @@ واقدمه لهل الوجيه المسافير

من عيلمن يزمي على عرض جاله @@ يبن عركات النهل والحوادير

ماهوب وسمن عنه يبست بلاله @@ لاحطت الجوزا على الما معاصير

تم الجواب الي عرضلي مجالــه @@ من خاطري من بين وردن وتصدير

قافن ثمر ورده قطفنا جزالـــــــه @@ أمثال لامن حل بين المناعير

ولاني ب منهو يدعي بالكماله @@ وهو كما رسنن بياره مغاوير

يبي يسويله مشاكل وقــــــاله @@ كافارة ن بين المهار المشامير

وهذي قصيده اخرى
مناسبه هذي القصيده كان الشاعر مبارك بن درويش واخيه عبدالله بن درويش رحمهم الله واسكنهم فسيح جناته كانوا عائدين من الرياض وكانت وجهتهم الى الحدود الشماليه واليكم القصيده تعبر عن نفسها


يومن جرا ماصار مثله فالايام @@ على خويي والذلول وعليه
واخوي في دون به الذيب مانام @@ يهرف ويقنب كل صبح وعشيه
قعد بجون يذهل الطير لاحام @@ والذيب عنده في طويل البنيه
وادعت نور العين والقلب منظام @@ مدري عن غيوب اليال الخفيه
ورعن رمتبي اليالي والأقسام @@ في ديرتن تبحل ذياب وخويه
في تختخن ماطبه احدن من العام @@ بس المداهل والأثاري خفيه
دون خلا ماعرف فيه التيمام @@ تلعب بي الأنواد في كل نيه
يقدح شرار المرو في سبت الأقدام @@ والريق لاوذ مايبل الشفيه
وافاطري تمرق عن الجيش قدام @@ خلتني اقعد فالديار الخليه
في تختخن فيه اشقح الريم خرام @@ وسمن السباع الي ترب الحجيه
وقفت يوم اقفت جداي التندام @@ من واهج الاهوب بالمهمهيه
مالي جدا الا صفقتين باالأبهام @@ يوم ادبرت مع سهلتن جرهديه
وقعدت يوم اقفت بعجلات الاولام @@ وعز الله انها فالتريبه حريه
وثنيتها ابغا ردعتن عقب مهزام @@ وخانت عقب ماثارت الاوليه
وراحت على الأربع سليمات الاعظام @@ والدم يشدى قربتن شوشليه
وجف القلم بحكام من يجرا الأقلام @@ رب السماء واالأرض رب البريه
وطويت منها الياس يوم القدر حام @@ ومن الخوي الي بكور المطيه
وجلب لي الي بلخفيات علام @@ وجنن بعيد الريد تدنيه ليه
ورديتها لخوي يوم السعد قام @@ يوم الردي لذيب خلى خويه
يحرم عليه بارد الماء وهو ضام @@ مادام ماذاقه حرامن عليه
وذبحتها عنده من الموت حزام @@ وطلعت له قلب النجيبه شويه
وحصلينا من بطنها مشرب سام @@ من الموت ولاعلتن باطنيه
وسرنا على الأقدام مشي ودرهام @@ وعقب الظهر باكر وردنا الركيه
وجون عليه النوق زينات الأرزام @@ ومتربعن جوه رباعن عذيه
وزانت عقب شين اليالي والأيام @@ وصارت عقب ضيق المسالك فضيه
من فضل رزاق الأرامل والايتام @@ الي له المخلوق يرفع يديه
هذاوصلى الله على سيد الانام @@ ماهل ودان المزون عشويه


وهذي قصيده اخرى

بديت فالرجـم الطويـل المنيفـي
عملطـن متعليـن كـل مـرقـاب
عملطن مالـه بجنسـه وصيفـي
مشليدن حيده على البعـد جـذاب
ودبنـي المرقـاب ودب العسيفـي
اجيه وارجع خاطري منه ماطـاب
من عبرتن في ناظـري ماتقيفـي
دايم علـى رمانـت الخـد هـراب
على حبيبن منـه قلبـي مسيفـي
جربت من حبه كماجـرب حجـاب
اجحد غلاه وصـار حبـه عنيفـي
بيح كنيني واتلف الروح ياعقـاب
ماهو غليـظ ولابجسمـه نحيفـي
موزن تهزع مع ذعاذيـع خنيـاب
والخـد براقـن بمقـدم قنيـفـي
والقرن ذيلن شمرتن عقـب الاداب
والعين ناعس والثنايـا صفيفـي
والخشم حدن مجربن ضد الانشاب
وعواتقن مثـل الزقـار النظيفـي
مكنونتـن ماقلبـه كـل شــراب
والنهد كافنجال صينـن صخيفـي
يشيل عن صدره خفيفات الاسـلاب
والبطن بطن الي حقبهـا مهيفـي
تدوي براكبه قدم خضـع الارقـاب
وردفن كما طعس العدام المريفـي
غب الذواري لادنه وبـل صبـاب
وساقن كما عرجون وسمن وصيفي
عقـاب رعـادن غدالـه تحطـاب
احلى غلاها مـن دريـر العطيفـي
واحر لا قفيت من عظـت الـداب
ياما عنت لي في محلـن مخيفـي
وياما ارتهيت ابها وعدوني اقراب
وياما ركضت بدربها ليـن اقيفـي
وياما بديت من الغلا كل مشـذاب
بيحـت سـدي والعنـا ياوليفـي
وشيبت بي قدام شيبي وانا شـاب
وان كنت مدلل بوصف الشريفـي
وان تهت قد تاهوا عريبين الانساب


 

رد مع اقتباس
قديم 08-03-2010, 08:59 AM   #22
|نادر بن مبارك الدرويش 
عضو جديد


نادر بن مبارك الدرويش غير متصل

بيانات اضافيه [ + ]
 رقم العضوية : 9663
 تاريخ التسجيل :  Aug 2010
 أخر زيارة : 12-10-2010 (11:37 PM)
 المشاركات : 5 [ + ]
 التقييم :  10
لوني المفضل : Cadetblue
رد: ديوان الشاعر / مبارك بن درويش السهلي..رحمه الله



هذي القصيده لشاعر مبارك بن درويش ((رحمه الله))وهويصف بها الجمس
اليكم القصيده تعبر عن نفسها


قم يانديبي فوق عجل المراويــــح @@ منوة غريب منتوي ديرة الشوق

افجح ينش الدو غب المصــابيــــح @@ لاقام بنهب نازح الريد مطفوق

افجح معه في قطعت الدو تسريح @@ لانش بالصدام نود الهواء فوق

لاقام يسهي يشرح الصدر تشريح @@ لاصرت شفقانن علا السير والسوق

لامن زما دون اخلوله مناطـــــــــيح @@ مربا الجوازي دايمن مدهل النوق

مافيه كود الذيب عجل المشـــاويح @@ وللبدو فيه العام مرسام طاروق

يدوي الخلا بفجوج ريعن مدابــــــيح @@ يختف منها العقل والقلب مرهوق

ياما حلى تريحيه عقب تريـــــــــــيح @@ لامن عطا دون هوا دونه خفوق

زين اسهيانه مع فجوج الصحاصــيح @@ مرهن على نشار قبل امس بلحوق

وهذي قصيده اخرى من قصائدالشاعر الكبيرمبارك بن درويش ((رحمه الله)) عندما كان مع اخيه عبدالله بن درويش (( رحمه الله)) وهم في طريقهم الى الحدود الشماليه عندما خانتهم النجيبه وزهابهم عليها عائده الى المكان الذي اتوا منه ,,واليكم القصيده


الاوياجد روحي من نهار جرالــــــــــي @@ شيب الراس مره قبل وقته وحله

ياوجودي بحام القيض ياوجد حالـــــي @@ هملتنا النجيبه والوطن ماندله

هملتنا بجون مايرد الســـــــــوالـــــي @@ والسمايم بحاميها المريعي تمله

خانت الي ومنها واعتلاها الــــجفالـي @@ والحمر فالنديبه من يمينن تشله

كن صرت عصي الكور صرت مــــحالي @@ يوم تقفي وتقبل به خطير تهله

لاعدودن قريب ولاصديقن مــــوالـــــي @@ كود عالم خفي الغيب دقه وجله

وضيع الفكر لاهوب السموم الشمالي @@ وتواصيف سابق مابنا فطنتله

واحرق الكبد زود عن اضما قفو غالــي @@ ليت خدي عن الرمضا تجي نعلتله

وحال بيني وبينه مجرهد السهالــــــي @@ تبحل الي بنفسه يـيقن انه يدله

في ديارن من الحبان مبطن خوالــــي @@ جعل هملول بكري الوسامي يعله

عز عزي لحماي الونايا التوالــــــــــــي @@ ترخص الروح لاضيمن عادة له

ليت روحي فدله هي وغال الحلالــــي @@ لوتجيلي بكيفي سقت روحي فدله

مير حكم الله الغالب على كل حالـــــي @@ وليكـترب حبلن عسيرن يفله

يالله اني طلبتك يامدير الليالــــــــــــي @@ ياعليم السراير كل عسرن تحله

يامجيب دعوات الي مشا بالعدالــــــي @@ يامضله بفضله تحت عرشه وضله

ضيف الي على بابك لفضلك يسالــي @@ والكرم لك عوايد وبيمينك محله

استجب طلبتي لك ياعزيز الجلالــــــي @@ كم ضميرن عقب يبسة غصونه تبله

















































[/align][/B][/B]
[/CENTER]


 

رد مع اقتباس
قديم 08-05-2010, 02:46 PM   #23
|نادر بن مبارك الدرويش 
عضو جديد


نادر بن مبارك الدرويش غير متصل

بيانات اضافيه [ + ]
 رقم العضوية : 9663
 تاريخ التسجيل :  Aug 2010
 أخر زيارة : 12-10-2010 (11:37 PM)
 المشاركات : 5 [ + ]
 التقييم :  10
لوني المفضل : Cadetblue
رد: ديوان الشاعر / مبارك بن درويش السهلي..رحمه الله



هذه الابيات لشاعر عايض بن شجاع الشلوي السهلي ((رحمه الله)) موجهن هذه الابيات الى الشاعر مبارك بن درويش البرازي((رحمه الله)) ولايحضرنا منها الا هذه الابيات .

ياهل الجموس الي تجون ابن درويش @@ خطار والا منتوينن بمسيار

ردو سلامي يالنشاما المداغيــــــــش @@ عد الزهر لازاف في داو الاقفار


فرد عليه الشاعر مبارك بن درويش ((رحمه الله))


ياهل الجموس مصخرات النشانيــــــش@@ حمرن عطن مع داوي الدو معبار

حمرن علا حسب الطلب للمطاريـــــــش@@ سرد الجموس مقربت نازح الدار

لامن عطن دون خلــــــــوله مواحـــــيش @@ دون خلا مافيه للبدو ديار

يهوشها غب المصـــــــابيح لاهيــــــــش @@ كل اجح متربعن فيه بيطار

يسهن تسهيم اشقرن ينفـــــض الريش @@ طلعه علا جولن مدابير وطيار

تريضو يامبــــــــــــعدين المناطـــــــــيش @@ مقدار ماصف التماثيل واختار

مقدار منقش صافي القيل تنــــــــــقيش @@ من ضامرن عليه عدل المثل جار

مردود خطن شوش الراس تــــــــشويش@@ من عقب مالاحضت من نضمه اصطار

ابديت ماطميــــــــت فلقلب ويطيــــــــش @@ كما يطيش الموج من زجر الابحار

وسميت باسم الله وناوشت تنويــــــــش @@ فرخ الورق راس القلم بالحبر سار

وجاش الضمير بصافي القيل تجـــــويش @@ كما يجوش من ازرق الجم دفار

وتواردن القلب مثــــــــل القناطيـــــــــش @@ وردن حداه القيض بالحامي الحار

وقطشت من صافي التماثيل تقطيـــــش @@ صافن بعاقول الصفا غب الامطار

سلام مني عد مايركـــــــــــز الحيــــــــش @@ وعد الجريد وعد طلعه بالاثمار

يلفي علا ريف الركـــــــــــــاب الملايـــيش @@ عايض ليا عدو هل الطيب والكار

عادات ابن شجاع لاكــــــنهب الديــــــــش @@ مواقفه دايم طريات وعسار

ياريف عيراتن شـــــــــكن المغابـــــــــيش @@ شفته وقبل اجيه وصلنه الاخبار

يعرف ويذكر مــــحرين بالعراميـــــــــــــش @@ والعلم توصله الطراقي والاذكار

ماقيله مثل الذي قــــــــيل حتيـــــــــــــش @@ لاحل طاري مكرم الضيف والجار

ريف العيال الي علا ضــــــــــــــمر الجيش @@ يشكون من لكد النضا فوق الاكوار

هذا كلام الصدق ماهـــــــوب تهلــــــــيش @@ ولناس شوفاتن ونا ليه انضار

وصلو علا نبينا هـــــــــادي قــــــــــريــــش @@ وامر بفعل الخير نذير الاشرار
*


وهذه القصيده ايضا لشاعر الكبير مبارك بن درويش ((رحمه الله)) عندما كان في الكويت وكان مجاورا للمريخات والعواض من المطران ولم يرا منهم سوا التقدير للجار والشهامه والكرم والشجاعه
فاشائت الاقدار ان تفرق بين الشاعر مبارك بن درويش ((رحمه الله)) وبينهم ولا تحضرني اسمائهم ، فقال هذه القصيده نضرن لما رئاه من تقدير .

عسا السحاب الي قنــــــوفه ثقيلات @@ عيطن مزونه مردفات مزابير

يمطر علا دار الشرف والمـــــــــروات@@ دارن بها للجار عزن وتقدير

ويختص دارن نازلن به مــــــــريخـات @@ وعوارضن ريف الركاب المقاصير

هل العشر يوم السلوم القديــــمات @@ حطو لهن معبار بين الطوابير

لين اطلعوهن كاسبين الجمــــــالات @@ من جمعتن تضيع فيها التفاكير

يوم اعتزو باسم الجدود العريبـــــات @@ وين النشاما ماتفيد المعاذير

اركابهم ياهل الهقاوي البعيــــــدات @@ باكر تصير اعلوم بين الدواوير

ثم حولو تحويلـــــتن لهم عـــــــادات @@ دون الركايب والسبايا مناحير

دقلة ضحا مامثلها قد ذكــــــر فـــات @@ لين اطلعوهن غصب بين المناعير

من جمعتن حمرن عليهم غــــــيارات @@ ترهق عرازيم الرمك والمشاهير

فعلن ثبات وزود شاهـــــدت شارات @@ للجار رس محاضيات المقاهير

ياوي جيرانن عليهم حســـــافـــــات @@ الله يذكرهم بالاحسان والخير

عداد مرقابن بــــــني بالمنــــــيفات @@ وعداد ماترد الضمايا علا البير

هذا ويالي توصـــلون الرســـــــلات @@ مكتوب فيها ماب قلبي تفاسير

تحــــــيةن مـــــــني لنزل المريخات @@ شبانهم والي بدابه مغاتير

بيضن لـــــبن ملــــفي لياله طويلات @@ عداد نوارن غداله نواوير

وعداد نوارن فياضه عـــــــشيبـــــات @@ وجاب احتماله فاليال المخاضير

مشكــــــور ياجـــــارن فعوله طريات @@ مابينت فيه اليالي تغايير

الا يزيد بزين ريـــــــف المــــسيمات @@ اليا الوداع ايام فرقا المضاهير

سعد الرفيق وريف هزل الونـــــيات @@ لاخطرن له بالوجيه المسافير

لاخطروهن والمذاهب خليــــــــــات @@ ووجيه اهلهن من خلفهن مغابير

تلقالهم في ربعت البـــــــيت كيفات @@ بين الصياني والدلال المباهير

الي لهم بالطيب مـــــــنزل وعادات @@ لاخلو الواجب خطات المثابير

عاداتهم نطح الوجيه الشـــــريرات @@ لاجا لذبات السبايا معاصير

حيث انهم هل الطروق التعيـــــبات @@ قدامهم مايسرحن المصادير

منهم عقيد او شيخ ماضـــــله اثبات @@ زيزوم فيح اومبعدات المعازير

كم عزبتن خلى الجنب عندها شتات @@ وقفا عليها الصبح بمسعر مطير

ان اقبلو شذرة سيوفن عطيـــــــبات @@ وان ادبرو مع دربهم يشبع الطير

واصل لهم فعلن قديمن ودقـــــــلات @@ لامن غدا جمع المهاري طوابير

وليا لوو بحبال عيط الاصـــــــــــيلات @@ وفدن كما وادن تعدا المعابير

بشرا الفرج بيــــــــــمانهم فلحريات @@ لافرعن بين الحنايا الغنادير

ياما رعو وادن حـــــــــدوده مخيفات @@ مدهال سرد ولافخات البواكير

مدهال عـــــــيراتن خطاهن طويلات @@ باكوارهن من الطماعه مداوير


 

رد مع اقتباس
قديم 10-25-2010, 11:28 PM   #24
|نادر بن مبارك الدرويش 
عضو جديد


نادر بن مبارك الدرويش غير متصل

بيانات اضافيه [ + ]
 رقم العضوية : 9663
 تاريخ التسجيل :  Aug 2010
 أخر زيارة : 12-10-2010 (11:37 PM)
 المشاركات : 5 [ + ]
 التقييم :  10
لوني المفضل : Cadetblue
رد: ديوان الشاعر / مبارك بن درويش السهلي..رحمه الله



بسم الله الرحمن الرحيم



السلام عليكم ورحمة الله وبركاته , امسي على الجميع بالخير واتمنى لهم دوام الصحه والعافيه ثم اني اعتذر عن غيابي من الجميع .

هذه من اروع قصائد الشاعر الكبير / مبارك بن درويش بن دغش البرازي السهلي ((رحمه الله))
في الجمس عندما كان ذاهبن لقضاء لزوم في منطقة حائل فاطال به الزوم الذي ذهب من اجله,
فاجتمع ببعض الزملاء وهم يتبادلون الحديث بينهم كانوا يتمنون الونيتات منهم من يتمنا الهاف ومنهم من يتمنا الشفر ,,فكان ((رحمه الله )) يتمنا الجمس الاحمر الذي لم يستطيع الذهاب عليه لقضاء لزومه.
يقول:

الحلا والملح كله غشا الجمس الحمر @@ لاقصر دونه ولا فذ شين من وراه
الحلا والملح ياعارفينه ماســــــــــتقر @@ لين ورد الجمس ابو شارتينن في قفاه
وارد الي فارقن عن جميع المتجــــــــر @@ بالمعرفه ومعروفن يكود الي بغاه
تجرته يوم اشترا فالبضايع واستمــــر @@ الجموس الي مراكب مراتبها حياهـ
جعل تفداه الفروت القديمه والشفر @@ افجح باسم الجميحي ورد من منتهاه
ماخذن عن جملة الي ورد معه الفخر @@ لازما دونه ولاخر زما قده وراه
زين قشطه لاتضفضف يحيد ابه النضر @@ لانقلته عن ثلاثه واخذ عزمه مداه
وقام يسهي مثل تسهيم الاشقر لانحدر @@ شافله طلع مقاف ورا راس النباه
ماورد مثله بسوق البوادي والحضر @@ سعد عين الي تحصل قروشه وشتراه
ماحلى صوت المكينه ليا منه زفر @@ لاضرب خطن غزير وسواقه حداه
يرتكي على الجهات اليمينه واليسر @@ لين خطه قام قدمه واخذبه مستواه
منوة الي منتوي عقب باكر بالسفر @@ دق به هاجوس حبن على اول مبتداه
صابرن له مدتن مير بار به الصبر @@ لين ضيع تالي الميز والحب ابتـــــــــــلاه
قاعدن في سوق حايل وخله بالحفر @@ والزوم الي تعنا من اجله ما قضاه
والغضي عقبه يعد اليالي والشهر @@ والمنام الي قد له اسبوعن ماهتناه
شبه وضحن درهمت قدم قنطوش عفر @@ شافت العاقول من غب هملولن ملاه
شاقها الهوبال مدهوشتن فيها سطر @@ وقرشن مع دربها وقم عشرين الفتاه
وخطته بذراعها لين وصل ليا النحر @@ ماحدن قدامها عقب سيله خط مــــــــاه
درب ودان انحدر عقب ليلين سمر @@ يشعف المشحون نوه وبراقه شعاه
يذكرون الطرافي به تخيلاف الزهر @@ والزبيدي يذكرونه المدور له جناه


 

رد مع اقتباس
قديم 12-02-2010, 06:37 AM   #25
|نادر بن مبارك الدرويش 
عضو جديد


نادر بن مبارك الدرويش غير متصل

بيانات اضافيه [ + ]
 رقم العضوية : 9663
 تاريخ التسجيل :  Aug 2010
 أخر زيارة : 12-10-2010 (11:37 PM)
 المشاركات : 5 [ + ]
 التقييم :  10
لوني المفضل : Cadetblue
رد: ديوان الشاعر / مبارك بن درويش السهلي..رحمه الله





هذة القصيده لشاعر الكبير / مبارك بن درويش البرازي رحمه الله واسكنه فسيح جناته و هومرسول سلام الى رفيق عمره الشاعر الكبير / عفاب بن مصقال الضهيري رحمه الله واسكنه المفام الرفيع في الجنه.
وهو يقول :


هات القلم والخط لي يا نديبي @@ واكتب كفاك الله مقادير الاسباب


اكتب ثمر قافن يشاد الحليبي @@ واذكر علاانه ياصل الخط لعقاب


حيثه فطين ولزمانه طبيبي @@ يدخل ويطلع مع مغاليق الابواب


بعقلن وتمييزن وراين صليبي @@ مثل جبل مهيوب من غاسق الناب


ماهوب خاطي دلبجين رغيبي @@ بالاكل مزمن وبالسواليف هذاب


ياعقاب خلي غادي لي طليبي @@ وعيت تخلص طلبته عذب الانياب


مغير يخزرني بعين الحريبي @@ ويضحك بجرن للمعاليق نهاب


ياعقاب والله مال حبه طبيبي @@ بيح كنين الي يدور له طباب


مرمس واناعيت شفاتي تطيبي @@ وش حيلتك لي فيه ياعرب الانساب


هذا جوابي مخطيه والمصيبي @@ كتبت مضمونه بتاريخ وحساب


فرد عليه عقاب ((رحمه الله ))قائلن


يامرحبا خطن لفا من صحيبي @@ ترحيب احلا من لبن كل ضراب


قريت خطه فيه قوله غريبــي @@ وقمت اتفكر في معانيه بحســـاب


ولقيت كل الي وردبه مصيبي @@مبني على ساسن ومبناه ماعـــــــــــــــاب


تشكي عليه يامهيب الحريبي @@ ياضر من عاداه ياعز الاقــــــــــراب


سهلن بحال وحال عين صعيبي @@ صادق مواعيدن ولا هو بكذابـــــــ


تشكي علي من حب خلك صويبي @@ وش مانعك من دونها ويش الاسباب


ان كان دونه محتديك الغريـــــبي @@ قريب جدن للغضي زاهي الاسلاب


بنسايله بعلوم سلم ن وطيبـــــي @@ وجاهيةن بوجيه الاجناب واصحاب


وان كان عيا ابنعده حـــــــريبي @@ ابناخذه بالسيف واسنــــــــان الاحراب


لزمن نجيك الن راسي يغيــــبي @@ في لازمك لروح مهدي وجــــــــــــلاب


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سيرة أبي بكر الصديق رضي الله عنه أبو ذيـــآب المجلس الإسلامي 6 03-12-2011 08:15 AM
|| رحله في الجنه || الــشـــــــــــــاهه المجلس الإسلامي 16 02-13-2011 03:17 PM
الصاحبي ابو هريرة سهل العبدالله المجلس الإسلامي 5 10-24-2010 08:47 AM
سنن منسية للإمام الألباني رحمه الله (( alsahli )) المجلس الإسلامي 17 07-24-2010 02:35 AM


الساعة الآن 11:51 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول