روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء المجالس
 


ديوان الشاعر / ناصر بن عبود


موضوع مغلق
 
أدوات الموضوع انواع عرض الموضوع
قديم 04-26-2008, 08:43 PM   #31
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته


أرسل لي الشاعر / سعد بن حسين الحبابي القحطاني هذه الأبيات


يقول الشاعر / سعد الحبابي




ياهاجس ٍ قام يقبل بي ويقفي بي=وش حيلة اللي جفاه البعد والفرقا
اللي ليا نام خلق الله يسري بي=أبوح بالهم وأشادي مع الورقا
ياوجد حالي وياغبني وياشيبي=عزّي لمنهم من اهموم الزمن غرقا
هذا زمان العنى والشين ياصحيبي=الحظ ينزل بنا وأوهامنا ترقا
فيه الثعل والنسر والصقر والذيبي=تساوت أفعالها مابينها فرقا
إخذ الوكايد وخل الشك والريبي=كل ٍ تغيّر بلاغرب ٍ ولاشرقا
حقيقة ٍ والحقيقه مابها عيبي=كل ٍ يبي منزله فوق السماء الزرقا


رديت عليه وقلت :



يامن شكى الهم وإزعاج الهناديبي=كبدي عليها من اهموم الزمن عرقا
أنقل صوابي وأكثّر فالتطابيبي=وأسمار الليل وأسرق راحتي سرقا
وآخرنتايج عنايه يافري جيبي=لقيت نفسي مع اللي قلوبهم حرقا
لكن مادمت أكمّل في مواجيبي=ماأرتحت والنوم للّي جبّته برقا
الوافي الطيّب يعدّا المراقيبي=والنجس عن موجباته يدّرق درقا
وأنته وأنا كلّبونا نعشق الطيبي=وأرماحنا في نحور أهل الردى زرقا
لاتشكي الهم ياحصان الأطاليبي=لابد يوم السعد يلمع به البرقا



رابط القصيدة الاصلي


 
 توقيع : ديوان شعراء المجالس



قديم 06-30-2008, 11:02 AM   #32
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


أنا لاطرى لي شي ماذقت حلو النوم=ماغير أتجلّد كنّي الذيب سرحاني
ولانيب مثل الخبل يسري به الجاثوم=ولايصحي ألاّ لارقد يومه الثاني
يقولون ماترقد من الهم يالمهموم=وأقول أعترف وأشوفها شوف الأعياني
تلومونني واللي سواتي عداه اللوم=أدوس المخاطر بالقدم والعمر فاني
تعلّمت درس ٍ ماتعلّمته ألاّ اليوم=دروس الحياه أنواع وأشكال وألواني
يصير الكريم أحيان ماكول ٍ ومذموم=ويصير البخيل أطول من طوال الأيماني
ويصير الشجاع القالط الصاطي الزيزوم=سواة الذليل اللي مايقلط ولايداني
ويصير ان الأوّل كان ماقبله أي رقوم=يجي الثاني الأوّل والأوّل هو الثاني
ويصير ان مالك قوم غير القرايب قوم=والأجناب مافيهم عدو ٍ وقوماني
ويصير ان من يمشي بلامعرفه وسلوم=هو الصح وألاّ حافظ السلم غلطاني
ويصير ان من يمشي على لبسه المحشوم=مثل واحد ٍ يمشي وهو شبه عرياني
الى من نصحت الرجل في هالزمان الشوم=يقول الله إنّه يقطعك يالعريباني
والامن خذيت شوي معه وعطيت يقوم=يقدّم بك الشكوى على حقوق الإنساني
فوالله لولا الشرع والحكم كان علوم=غدينا طعام جحوش شيعي ونصراني



رابط القصيده الأصلي


 

قديم 07-04-2008, 06:28 AM   #33
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

الشاعر الكبير / محمد بن سعد القويماني

شرّفنا بانظمامه معنا ولم يكتفي بوجوده بيننا بل قد أحرجنا بهذه القصيده


يقول أبو سعد /


يشرفني ويسعدني ويغمرني فـرح وسـرور=وجودي بينكم يااهل الوفاء ذربيـن الافعالـي
سلام الله عليكم عد مايشـرق شعـاع النـور=الذ من القراح بجمته واحلـى مـن الحالـي
توسعبه صدور اصحابنا وتضيق منه صدور=صدور مابها الا كـل هـم وكـل غربالـي
سلامي يااهل السيف الحدب والبيرق المنشور=وتاريخ يشرف كل ماجـاء ذكـر الابطالـي
سهول مجدكم صرح على طول الدهر معمور=هذا المجد الصحيح وورثته اجيال لااجيالـي
دعاني صاحبي ناصر وانا بقول له مشكـور=على دعوتك ياناصر عريب الجـد والخالـي
عسى ربي يجملنا معك ولايصيـر اقصـور=الا ياربـي التوفيـق يارحـمـن يـاوالـي
حقيقة كل ماسجلت لي في منتدى مشهـور=احس اني لقيت الخير في حلـي وترحالـي



وأنا هنا لاأعتبر نفسي إلاّ مقصّر بهذا الرد المتواضع

أقول /



نيابه عن رجاجيل ٍ طحاطيح وطوال شبور=هلا يامرحبا ترحيب غالي يرخص لغالي
هلايامرحبا ترحيب مثل اللول والبلّور=هلا يامرحبا ترحيب يظرب بّه فالأمثالي
هلا يامرحبا بك يابن عمّي ياحكيم الشور=ومثلك خابرينه شاعر ٍ وبيوته جزالي
وألا يابوسعد موقفك عند أهل الشعر مخبور=إلامن كبرت القاله وصك الجال فالجالي
وألا يابو سعد جعله فداك الشاعر المغرور=إلا قام يتكبّر عن بني عمّه ولايبالي
وأنا في دعوتي لك مامعي منّه وأنا مجبور=أحب الطيّبين اللي لهم فالطيب منزالي
يقولون الرجال إن الرجل لاعاش ماله دور= سواة الحرمه اللهمّا له غتره مع عقالي
تفضّل عند ربع ٍ ريف لو إن الزمان دهور=بني عمّك منزّحة العدى حمّاية التالي



رابط القصيده الأصلي


 

قديم 07-12-2008, 10:56 AM   #34
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

أرسل لي الشاعر / سعد بن حسين الحبابي القحطاني . قصيده يقول فيها




كفانا من الأيام واللي حصل كفى=تعلّمت مافيه الكفايه وياكافي
ياناصر وطينا الشوك ياخوك بالحفى=وتعلّمت ماأمشي في طريقي وأنا حافي
وفعلت الجميل وجاء ردوده علي جفى=وعطيت الثقه ناس ٍ تبيّن لي ضعافي
ومشينا مع الأجواد بالطيب والوفى=وعرفت الردي والقرم والنذل والوافي
عرفت الصديق اللي أبيّنْه ماخفى=عزوم ٍ على الشدّات في كل ميقافي
وخذيت الحذر من صاحب الهرج في القفى=صبيّ ٍ على النمّات والقيل ميلافي
وسرينا ظلام الليل والنور بي طفى=ولقيت الرجال أنواع وأشكال وأوصافي
ترى الجرح يادكتور له وقت ماشفى=كلامك يداوي الجرح وعلاجك ويشافي



ورديت عليه وقلت /



قصيد المحنّك مثل نقش ٍ على صفى=من الهاجس اللي مصدره جمّه الصافي
لفاني وفلّيته وياحي من لفى=بيوت ٍ مثل وصف الجواهر والأصدافي
وألاياسعد درب المراجل على شفى=ومن زلّة أقدامه ياستر الله الضافي
ترى الصاحب الساحب وإلامن هفى هفى=ومن يصحب الهافي مصيره مع الهافي
وجرح الكرامه صعب ماهوب ينرفى=وبذل الجميل أحيان فالنذل ينعافي
لو إن الزمن ماله على الطيّب إحلفا=شقرنا عصاته ماأستعنّا بالأحلافي
وألا واسفى بالطيّبين آلا واسفى=ألا واسفى بأهل المعرْفه والإنصافي
وأبو مابغى لاضاق من تهْمته نفى=نفى الحق لو الحق بالعين ينشافي
ولو في يده عفو البريين ماعفى=لو إن والدينه ظمنهم مابه خلافي



رابط القصيده الأصلي


 

قديم 07-15-2008, 02:55 AM   #35
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


رساله جوابيه من
( -حسن العمري ( السااااري) الى الشاعر ناصر بن عبود-)



يابو جويعد ساقني حظّي الزين = يم الدروب الخضر سارت خطايه
ذكرى الطفوله عشتها بين نارين = نار الفراق ونار حب الهوايه
سالتني وش جابني قبل ذالحين = ولاشك جاوبتك بصدق الحكايه
أجاوبك والحاضر أبدى من الدين= والصدق مايحتاج زيف ودعايه
درب المجالس واضحٍ بالعناوين = من يقصده يحظى بقدر وعنايه
أكيد ياناصر عرفت السبب مين = وان ماعرفت أسمع ظروف البدايه
ناصر ولد فالح واخوانه اثنين = خاويتهم عامين كانت كفايه
خاويتهم قبل امتلاك الملايين = وقبل الرصيد يصير ماله نهايــــه
المال كثره مثل سيف بحدين = وأن قلّ بعد الكثر ردد روايـــــه
زخارف الدنيا عشقها الكثيرين = والعشق بعض أحيان يصبح جنايه
تاج القناعه لبس روس القنوعين = مثل العلم مرفوع بأعلى بنايه
الله يجعل همنا نصرة الدين = حتى نحقق كل قصدٍ وغايه


( رد تاكيد من الشاعر القدير / ناصر بن عبود/ ابوجويعد)


يابو محمد مرحبا بك ملايين= في مجلس رجال الشعر والروايه
في مجلس ٍ فيه الرجال المسمين=اللي علت راياتهم كل رايه
سألتك وجاوبتني وين ؟ ومن أين ؟=وأنا موصّى بالنشاما وصايه
وأفخر بمعْرفْة الرجال المسمين=اللي بياض وجيههم كالمرايه
وافي وحنّا يالسنافي وفيين= ولانحب أهل الفتن والوشايه
لك عندنا ياطيّب الذات عامين=قصايدك جزله وتحت الحمايه
لو كان تكتب لك من الشعر بيتين=لها عن المنقود حصن ووقايه
بعض العرب مايعْرف الزين والشين=صغير عقل ولاش عِرف ودرايه
لو تمدحه مالد للناس بالعين= تقول كنّه مالك ٍ له ولايه
لاشك حب الذات ماله قوانين= نبته وتسقيها الغريزه سقايه
والآدمي ماهوب يخلق بقلبين= حتى يعرف اللي وراك وورايه
وختامها يالله تحرر فلسطين= وتخلّي أهل الكفر عبره وآيه

(مع أجمل تحيه منّي وزميلي الشاعر المحبوب (ابوجويعد)
وقتاً ممتعاً نتمناه لكم وسهره جميله
( الى اللقاء )



رابط القصيده الأصلي


 

قديم 08-25-2008, 07:09 PM   #36
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

أبيات كيبورديه للتواصل معكم



والله إن الهرج في هرج السفيه امن السفاهه=والهروج اللي عليها الهرج فالحكمه معاقل
الردي ماله مع أهل المرجله وجه ووجاهه=والعلوم القشر دايم بين خلق الله تناقل
من يجاري الخبل لابد إنّه يضيع اتجاهه=والدروب البيض مايسلكهن ألاّ كل عاقل
كم ردي ٍ من طلب وقفتْه لو مافيه عاهه=إن برك ماقام وإلياقام فالمشي يتثاقل
ولو خذى من ماضي الأيام له فترة نقاهه=لو يطول الدرب عنده قامت عظامه تراقل
ماخذى صوله وجوله مع رجاجيل النزاهه=والرجال اللي على وضح النقى حصن ٍ تصاقل



رابط القصيده الأصلي


 

قديم 11-07-2008, 04:34 PM   #37
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

مبطي عن الغزل وطرت علي هالبويتات



ياهبوب النود حالي مثل حال المريض=المريض اللي خفوقه من الهم إمتلا
هاجسي ماهوب فالشعر بالساهل يهيض=وإن تهيّض هاجس الشعر ياكاف البلاء
ودّي أكتب ماطرى لي وبالخط العريض=ماعليّ وجعل يدرون بالعلم الملا
ياسلام الله على شوفة الغظ الغظيظ=العيون الناعسه والنعومه والحلا
عودها ريّان والخد مليان وعريض=اسمعوا ياأهل الهوى ياكذا وألاّ فلا
خصرها لاهوب ناحف ولاهوب الغليض=لاتمايل قلت يامرحبا يامسهلا
الرموش حراب حرّاب والوجنات بيض=الولاء لله ثم للمراهيش الولاء
لاح برق ٍ من نحرها جذبني له وميض=واستحت ثم اجفلت كنّها ريم الفلا
أشهد إنّي عقب ماشفتها ماني حظيظ=لاحصل لي شي منها ولاقلبي سلا
من فقدها كان ماعاضه الله من يعيض!!=الهوى بلوى وأنا في هواها مبتلا


رابط القصيدة الاصلي


 

قديم 12-01-2008, 02:17 AM   #38
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

الشاعر / ناصر بن فهد القريني

الأخ الأصغر لرفيق دربي الشاعر / سعد بن فهد القريني (الله يرحمه)

وكالعاده كل ماقمت بزيارة اخوان سعد أفتقد المرحوم لما له عندي من معزّه خاصه.

حصل لي بعض الأشغال وانقطعت عنهم فتره بسيطه وأرسل لي ناصر هذي القصيده .مع أخوه الكبير حسن :





ياحسن قصّرت فاللي ماجاء منّه قصور=واحد ٍ يستاهل ان اعنى له لو سفر
يوم أنا تعبان ياخذ ويتعنّى يزور=يوم بعض الناس حولي لادق ولايمر
الظهيري ناصراللي كما وصف النمور=ناصربن جويعد اللي كسب طيب وظفر
لابته لادالظهيري مشبعت الطيور=ياردون الموت طنخه وياطون الخطر
ياحسن لاشفت ناصر أبي منك أمور=حب خشمه لايحسب البطاء منّي هجر
واحد ٍ طيبه قناني ومنه أنا مغمور=غالي ٍ ياجعل مايبين قدره فالصدر
يازمن لاهنت بيّنْت ماوسط الصدور=ولو صكاتك قويّه لكن فيها عبر
بان منهو لازهمته لكفو ٍ مايبور=مرتكي بليهان للحمل شايش ويهدر
وبان لاش ٍ حزّة الضيق ماجاله حضور=لو تقول أبيك تمشي في غدراء ماجسر
ياحسن ياخوك لاقال لك ماهو معذور=قل له بيجيك واسمع منه وش العذر
ياحسن ماهاضني لين سطرت السطور=كود وقت ٍ ياصحى الرجل منه أو اندمر
ياحسن هاك الأمانه وأبي منّك أمور=حب خشم أبوجويعد وقل أنا اعتذر


ورديت عليه وقلت :


ياحسن وافي ومن ربع وافين الشبور=أنت واخوانك تراكم لكم عندي قدر
ناصر يهيّض علي المشاعر والشعور=يوم أشوفه وأتذكّر سعد همّي كبر
كلما يطري عليّه سعد جاني فتور=الله أكبرياصدوف الليالي والقدر
والله إنّي من فراقه ماني رجل ٍ صبور=الله إنّه يجعله بين جنات ٍ خضر
والله إنّه يجعله ياخذ من الحور حور=والله إنّه يجعله مايعذّب فالقبر
والله إن ماأنسى القريني على مر العصور=لوعمر شعيب عمري معي طول العمر
شح وقتي بالرفيق المحنّك والجسور=والله إن كبدي عليله ومت من القهر
به عيال ٍ من بطون وعيال ٍ من ظهور=لكن عيال البطن مايشد بها الظهر
الذياب تبين في موقف ٍ صعب الظهور=والثعال من الذيابه تحوص وتنجحر
من يعيش يلف ويدور مات بدون دور=يبطي وعداد رقمه في خانات الصفر
واحد ٍ شروى القريني يبر ومايبور=ماغلط والعذر ماهوب ينقص فالقدر
ياحسن يالوافي أوصيك ياوافي الشبور=قل لناصر ناصر يقول لك عندي قدر

رابط القصيده الأصلي


 

قديم 12-20-2008, 03:12 PM   #39
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته



نبارك لأنفسنا أولاً ونبارك للشيخ / طرجم بن مدعث المحيميدي السهلي فوزه في مزاين أم رقيبه لعام 1429هـ



وهذي قليل من كثير في حقه





تو استوى البدع من بدعي للألحاني=من عمق بحر القصيد ومن معانيّه
روابعي من ثلاث أيام تشعاني=من شفت طرجم يمثلنا بمنقيّه
والروس ماهيب ناقصتن حميداني=كم هيّةٍ سجّلت حنّا هل الهيّه
وعند التحدّي نجي والخد ميداني=حنّا مواقيفنا دايم بطوليّه
والفوز حق ٍ على ذربين الأيماني=اللي يمانيهم من الطيب ممليّه
جات المزاين تداحم كل الألوان=فيّة ثلاثين والخمسين والميّه
تباشروا بالسعد فآلاد حمداني=ربع ٍ تنومسني ونيرانهم حيّه
جونا بشعل ٍ طوال أرقاب وإزياني=شعل ٍ عليها الرثام الوسم ماريّه
من ذود طرجم حزامي ذخر جدّاني=أتلاد ماهي من الأسواق مشريّه
شعل ٍ تلامع تقول إرصاص عمّاني=مثل الذهب لونها شعل ٍ بياضيّه
أمّا الشحم ياماشاء الله فوقها باني=ماكنّها ألاّ العمارات التجاريّه
لاجاء الهجيج وخذاها الصوت من داني=أهداهن اللي بها عشرين جنيّه
كسب ٍ من أخصامنا فأيّام الأكواني=نسوقها سوق خيّاله ورجليّه
ياما ثنينا ورى غالية الأثماني=من قبل توحيد دولتنا السعوديّه
ترعى لحد العراق وحد نجراني=فالخوف من دونها حد العرينيّه
حنّا مطانيخ وأهل سنان وعناني=وحرش العراقيب من حظ الغناويّه
واليوم عشنا بأمان وخير وإيماني=جتى المره تقدر تسافر بحريّه
والأوله عندنا اللي مالها ثاني=( السمل من شعل أبو مدعث بمنقيّه )



 

قديم 02-04-2009, 08:22 PM   #40
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


السلام عليكم ورحمة الله وبركاته

أبيات كيبورديّه بسيطه للتواصل معكم



يالطيف الروح يامهجة القلب العليل=ليت من لطفك جريح الضمير تلاطفه
ياجميل اكسب بمنهو تولّع بك جميل=ورد قلب ٍ بين حدب الحنايا خاطفه
في ظلال العز عايش يابو رمش ٍ ظليل=ليت منهو هز عودك ووردك قاطفه
بالدلال أغويتني لين ضيّعة الدليل=يمّنا ماتاخذك رحمة ولاعاطفه
آه ألا واسل حالي من الحد السليل=ياظرب قلبي من النصف وألاّ شاطفه
طال صبري مير ممّا جرى طال الطويل=والله إنه يرحم أهل الهوى والعاطفه


رابط القصيده الأصلي


 

 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الاحتفال الكبير بزواج عضو المجالس الشاعر / نايف بن شعمل على شرف صاحب السمو الملكي الامير / فيصل بن أحمد بن عبدالعزيز المركز الإعلامي مجلس اخبار السهول 37 07-03-2011 03:16 PM
الشاعر / ناصر بن حمد الخالدي في ضيافة مجالس قبيلة السهول المركز الإعلامي مجلس الشعر والمحاورة 15 03-06-2011 09:51 PM
قصة اغنية الذهابه لشاعرنا ناصر القحطاني حفيد سحيب مجلس القصص والروايات 6 03-05-2011 09:24 PM
الشاعر الكبير بداح بن محسن بن عبود يتأهل الى المرحلة ماقبل النهائية في شاعر العرب المركز الإعلامي مجلس اخبار السهول 9 12-12-2010 05:19 AM


الساعة الآن 06:01 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول