ديوان الشاعر / عاشق المستحيل

دنـيـاحــقـيره...؟

كفي دموعٍ تنتثرفـوق الأوجـان=مافيـه داعـي لدمـوع الغزيـره
لانـادم بحبـي ولانـي بغلـطـان=لاصارصـادق يابعدهالعشـيـره
مكتوب لي فرقاك وراضي بالأحزان=والحـمـدالله دام حنابسـتـيـره
مانيب سامع قولة أفـلان وأفـلان=ولاكل من سبـك عيونـي تديـره
دنياحقيـره فرقـت بيـن خـلان=ولاغيرك اللي بحت لـه بالسريـره
لكن أحبك وأسمعي قولـة حصـان=لاماتعثرفاللـيـال العـسـيـره
أراهن بحبـك ولومـرت أزمـان=وأبقى على ذكراك في كـل سيـره
أسوق عمري للخطرماهو أجنـان=الأسعاطيـرٍبـراسـي كـثـيـره
محدن سكن هالقلب يابنت حـوران=الأأنتـي بدنياي~وحدك~خشيـره
أنت النفل وأنت الخزامى وريحـان=وأنـت الزهروالوردوأنتـي عبيـره
أن كانها بأدمان عديـت الأدمـان=والـحـب هذاماعرفنامـصـيـره
ماني بناشد لاعـواذل ولاأخـوان=ولاحدٍيلوم اللي يفـارق عشيـره
أدري مغيبي وأحس أنـي مرضـان=ومن فتره معاشقـه ولاأريدغيـره
أثبت أقوالـي وشعـري ببرهـان=الأوله~تبقيـن وأنتي~الأخـيـره
حطي بصدري كل همك والأحزان=وخل السهرمـادام عينـي سهيـره
مادام صدري بالشقى دوم غرقـان=ماعادتفـرق لويحصـل كثـيـره
هذي قصيده من غلى أنسان لأنسان=ودرب الحزن يعزف بطول المسيـره
دفيتهابالصـوت والخـط عنـوان=مدري وسائط أورسالـه قصيـره
دفيتهامشحـوط صوتـي وولهـان=ومتعذب بدنياي من كـل سيـره
حطي كفوفك يالغلاتحت الأعيـان=ثم أمسحي دمـعٍ أحـس بمريـره
بسامحك لاصرت للقلـب شريـان=ياللي بنبض القلب صرتي خشيـره

عـاشـق المستحيل...؟

جـرحٍ غــزيـر

يازيـن وقـف تـرى= عينـي جفاهاالكـرى
والحال منـك بـرى=وش ذاالجفايالعشـيـر
أول ترحـب هــلا=يامرحباومـسـهـلا
واليـوم تقـفـي ولا=تقـول بانـك بخيـر
لاشتقت وجيتك نظرت=في جمرتينـك خـدرت
ولاذقت منهاسكـرت=أحس ذاالكـون غيـر
درات علينااللـيـال=وأصبح وصالك محـال
والواقع أصبح خيـال=كذاالرحـى يستديـر
قالوا:علامـك حزيـن=ضايق وخاطرك شيـن
قلت أتركونـي ياليـن=أشـم ريـح العبيـر
قالوا:سبـب هالزعـل=قلت:البلامـن الوعـل
ماجـاه منـي فـعـل=مني ماجـاه الأ خيـر
شفي وشفـه شفـى=وحبـي وحبـه هفـى
وشوقي وشوقه غفـى=يالله بـك نستجـيـر
أرجـوك عوّدعـلـي=شكّوا في وضعي هلـي
أحـس مانـي بخلـي=معي قريـن وخشيـر
مرات أصايح وأنـوح=ومرات أنقض جـروح
وأحيان أعذب لي روح=ماعادعنـدي ضميـر
جتنـي لقافـه كـذا=من غيبتـك يالشـذا
على العـرب بـي وذا=لومايجيـرون أجـيـر
أروح وأرجـع وأروح=وبالحب أبني صـروح
ومابالهوى الأ جـروح=وأناالجريـح الكسيـر
صبرت ومابـي صبـر=يأهل الهـوى والعبّـر
منـه أبـي لوخـبـر=فرقـاه جـرح غزيـر

عـاشـق المستحيل

هذه القصيده مرثيه فالشيخ/سعد بن دخيل الله بن حويدر الظهيري السهلي
رحمه الله بواسع رحمته
النص

يالله يالمحمود ياخيرمعبود=ياكاسيٍ جرد الصحاري بالأزهار

يامحيي اليابس ويامخضرالعود=ويامجريٍ سحبٍ ترزم بالأمطار

ترحم فقيدٍ للقبيله جنى الفود=أقفى عن الدنيا وهو واف الأشبار

دينٍ وجاه وسمعه وحلم وجهود=وخلقٍ نبيل وللكرم رمزوأشعار

بيته مشرع واللي ينصونه أفهود=مدهل لعطران الشوارب هل الكار

أبن دخيل الله بالأفعال مفنود=عون الدريك اللي عليه الزمن جار

حاضربفزعاته له أشهود وأعدود=وأناأول أشهوده على كل ماصار

جميع من ينصاه ضايق وملهود=عّود وهو سالي ولاهو بمحتار

لجل القبيله باذلٍ كل مجهود=نطاح للكايد ومن موكرأحرار

فكاك للقالات وحلال لعقود=من طلعته ضاري على شبة النار

الله يبيح العود ويسكن العود=جنات عدنٍ تجري من تحتهاأنهار

أنشهد أن له رايةٍ مع هل الجود=الله يبيحه عد ماهلت أمطار

ودام البقى فأبوخلف جعله بزود=الله يجعله من طويلين الأعمار

طلق الحجاج معربٍ طلعه أسنود=الله يجيره من صواديف الأقدار

لاصار متعافي وطيب وموجود=ذكره غنى لوصار فالوقت ماصار

شعر/مبارك بن عبدالله بن سعيد البرازي السهلي
عــاشــق المستحيل...؟

أصـــارحــك

أصارحك يومك عزيزٍعلى الروح=ماهومجامل بس أبي أكسب أرضاك
أناأحبك وأعشقك وين ماأروح=ولاغبت عني بس أفكرمتى ألقاك
يسرقني التفكيروخوفي من البوح=ويجبرني التفكيروأسرح بذكراك
ماعادأفكرباللي حولي من أسروح=أخاف من سرك يعرفونه أعداك
وش مقصدي لاقلت أنااليوم مجروح=وش مقصدي يومي معند للقياك
تدري أبي تسمعني في بيت مشروح=أموضحٍ قولي على بسمةأشفاك
قلبك تعذب يالغلاكله أصروح=والوقت هذامايبي طيب يمناك
ببدله في قلب به حب ومزوح=وقلبك بحطه وسط صدرٍتمناك
لأنه وفي حساس لايمكن يبوح=الأ لقلبٍ تدري بصدق يهواك
هومقصدي والله لاقلت مجروح=وهومقصدي يومي معند للأماك
لنك وفي حساس وتدري من الروح=ماهومجامل يوم أقول أني أهواك

عـاشــق المستحيل...؟

يامطول الغيبات

يامطول الغيبات وشفيك صديت=الله وكيلك لاتزودعذابي

أنت الغنايم بس فيني ترديت=شحيت في وصلك وهمك صطابي

صديت وأناممسين بالتناهيت=وأصبحت ماعينت شخصٍ غدابي

أضحك وأجامل للعواذل يبالفيت=وأنت الذي ضيعت زهرة شبابي

أربع أسنين وروحت كلها ليت=ولاشفت مثلك كودبعد السرابي

أتعبتني وأناأطردك ماتعفيت=أقرب وأبي من هالثناياشرابي

أمنولآماأشوف هالناس لاجيت=ومن غبت شفت الناس كثرالترابي

تطري علي في بر في سوق في بيت=وحبل الرجابالله وحاسب حسابي

أرجع ترى لغيرك أناماتحريت=شوفتك تمحي ماخفى من عتابي

شعرٍظهرمن قلب يومك تناسيت=من دم قلبي كاتبه في كتابي

عـاشــق المستحيل...؟

مـعاناةالبــشــر

قال الذي حده زمانه على أقصاه=يرجي كريمٍ مايخيّب رجاته
توه صغيرولاطرى ينطق الأاه=عزمه قوي وعز نفسه وذاته
يشرح معاناة البشر في معاناه=وينسى معاناته وهذي صفاته
كلٍ يشوف العسرمن ضيق دنياه=حتى الغني شاف النكد من غناته
يطرد ورى الدنيا على كثرماجاه=ولايحصل الأماكتب في حياته
أحدٍ حصد جهده وغيره تمناه=وأحدٍ تعب ولالقى الاالشماته
وأحدٍعطاه الله من الرزق وأغناه=وأغراه شيطانه وزل بعباته
وأحدٍ فقيرولارجى الأمعشاه=يرجي عشاه لوالديه وبناته
يالله يامنشي المزون المقفاه=بمزنٍ حقوقٍ صادقٍ من نشاته
ترزق صغيرٍ مقبل الوقت يخفاه=ولاجـداه الأ يـهـل عـبـراته
بأمرك تحط الرزق في كف يمناه=وتبارك بمده وكثرحسناته
وتطمعه بالدين وتمحي خطاياه=وتساعده يارب حزة مماته
عبدك رجاك ولاذكرغيرك إله=وأنت الذي تعلم بكل أمنياته

شــعــر:
عـاشــق المستحيل...؟

(...ياخادم البيتين...)

ياخادم البيتين فأرقابنا الدين=دون الوطن بأرواحنا لك نفادي
من عصرجدانك وحنا موالين=ولا ولا مانيب فالقول غادي
حنا هل التوحيد وأنا هل الدين=وأنا حماة الدار سقم المعادي
وأنا هل الوقفه سعوط المجانين=وأنا ذرى الدوله بحر وبرادي
دخيلنا يزبن ويسلى من البين=وعدونا مايهتني بالرقادي
أفعولنا تعرف من أول وذالحين=لاثارت الهيجا وصاح المنادي
فريسنا ماتنطح الأ السلاطين=مطوعين اللي براسه عنادي
سهول لاقاموا تراهم ثقيلين=بياعة الأرواح طيور الهدادي
أن ظاهروا والأ غزونا المعادين=ماهمنا لوكان كثرالجرادي
أنّا برزات الوفا والوفيين=دايم مبدينٍ على كل بادي
وظهران لامن رجحوا للموازين=مثل الجبال اللي حجاها سنادي
وأهل الكرم منا وفينا الزقاعين=الطيب فيهم زايدٍ بزديادي
وألأد بن حمدان سقم المعادين=خيالهم قايد ولاهو يقادي
وصعوب منا فالمواقف وصعبين=عزٍ لنا بالضيق وقت الطرادي
والأدبن مرصوع فالترك بشعين=جاهم هجادٍ ماهوبأية هجادي
والدالعقيلي فالصخا ماله أثنين=فيه الشجاعه والكرم شي عادي
والأدبن سلطان زبن المخلين=فكاكة البل يوم طاح الشدادي
والأدبن قبان درع السلاطين=خيالهم ساق العمر للمعادي
والدالعبيدي فالكرم يبهج العين=أكرم من الطائي وطيب المهادي
من دون قاصر فالرجال الميامين=كلآ بيفخركان علمه سدادي
مدحي لربعي لو أدون دواوين=ماني أموفي لو أزيد أجتهادي
وأختامها مسكٍ وفل ورياحين=والأ العدو نكثح بوجهه سمادي

عـاشــق المستحيل,,,؟

(أخــر كـتـابـاتـي)

لايالغلا لاتعلنين الوداعي=من كلمتك حسيت جاني ضياعي
لأنك بقلبي حب ماهو صناعي=وشلون تتركني وأنا هايمٍ فيك

تعبيرك المؤلم جرح خاطري حيل=وأسمي لقيته بين هم وغرابيل
ودموعي سالت يوم شفت التفاصيل=وشفيك تجرح من يحبك ويغليك

وأن كان تبغى تهجر الناس وتروح=ماأقول وأصلهم ولاأقول لك روح
لكّن أنا قلبي من البعد مجروح=لأنك تبي تترك حبيبٍ مصافيك

واصل حبيبٍ سطر أحلى القصايد=لوكان ماأنتشرت بصحف وجرايد
من قلبي لقبك أسوق الفرايد=لعيونك النجلا ومن قلب شاريك

ماهمني شهره ولاهمي أعلام=وزيف المشاعر ماكتبته بالأقلام
همي وغمي بس تحقيق الأحلام=وأن كان تهواني فأنا حيييل هاويك

حبي ماهو من شان عينك وزولك=والأ لزين الجسم والأ لطولك
لاوالله الأ حبي لزين قولك=ياللي شفاتي تبتسم عند طاريك

لو أنت تدري عن غرامي وحبي=أن كان ماتترك حبيبك وربي
لاأصير شفك وأنته تصير طبي=وأعيش في قلبك وأحبك وأراعيك

لالاتضايق دامني فيك مفتون=القلب بيتك وأنته فبيتك تمون
فراشك بعيني والحفك بجفون=يااللي بقلبي مابه أحدٍ يساويك

وأخر كلامي يابعد كل مخلوق=أقولها من حب وجاذبني الشوق
وداعة الله ياهنا الروح والموق=من خافقٍ مافكر أنه يخليك

عـاشـق المستحيل,,,

حــزنٍ خـيـالـي

الغالي اللي من همومه شكالي=دامه شكالي كيف ماأعيش دوره
يشرح لي همومه بقولٍ بدالي=كنه يقول همومي اللي محشوره
من تسمع النبره بحزنٍ خيالي=غصبٍ عليك تصدقه من شعوره
ماهوتصنع والأيضحك بحالي=من كل قلبه قالهامن دبوره
بعده سألني لامتى هالليالي=تكشف همومٍ وسط صدري محكوره
كان الفرح حلمي وحزني منالي=وعشت الحزن يوّمي(وفرحي بصوره)
بالله لاتسكت وجاوب ياغالي=حاول تعيدلقلبي أول سروره
جاوبت أنامن قلب ماني بسالي=أعيش حزنٍ طاولتني أشهوره
عجزت أغيرحزن صدرٍ شمالي=دام الحزن صايرعشاه وفطوره
من قبل أبالي بس ماعادأبالي=صارالحزن همه وفرحه ونوره
لوأن همك غير همٍ في بالي=فضفضت لك فألفاظ حلوه غيوره
لاشك همك نفس همٍ جرالي=وأصبحت أناوياك نعرف بحوره
تلعب بناالأحزان في كل جالي=وصدورنا ياوقت شفها صبوره
الى متى بنعيش (حزنٍ خيالي)=والى متى هالظلم مابان نوره
والى متى هالصدريكتم سؤالي=والى متى هالنارتحرق جذوره
هذي حياتي مع حياتك ياغالي=ضيق عليناوقتنامن دبوره

عـاشــق المستحيل...؟

أرشيفيه متواضعه للتواصل وأعتذر عن الغياب

(لاياقصيدي)

لاياقصيدي ماهقيت أنك تخون=عجزت لاترسم خيالي بالأوراق
أبيك لوتوصف ربع شيٍ يكون=دامك وسيله بكتبك حتى الفراق
ماأبغى عتب فيهامجاريح وطعون=أبغى وصف فيهاالغزل يشرق أشراق
أوصف غلانفسٍ على قلبي تمون=دام القصايد ترتجف كلهاأشواق
الشوق بعثرني وسبب لي جنون=وجـــداي بالتفكيرأرهاق بأرهاق
من كثر ماأهوجس أغني بك ألحون=وأخاطبك وأنت بخيالي ياسراق
سرقت قلبي يالغلاقلت أنا يهون=لاشك عقلي كيف يخاطبك بأخلاق
شفت الـوفـا ضده خيانه ولاتخون=وأن قلت لك مـشتاق والله مشتاق
ماألعب على الحبلين تدري يامزيون=ويـاجـعـل نـفـسٍ ماتحبك للأحراق
فكري سرى بي والله أعلم من يكون=والله يجيبه لجل يرحل بالأشواق

عـاشـق المستحيل,,,؟