روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس الشعر والمحاورة > مجلس دواويين شعراء المجالس
 


ديوان الشاعر / ناصر بن عبود


موضوع مغلق
 
أدوات الموضوع انواع عرض الموضوع
قديم 10-05-2007, 08:47 AM   #21
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


قصيده فكاهيّه




تقابلت أنا والحظ ليلـه قمرهـا غـاب=عرفته بقبـح المنظـر ودثـرة ثيابـه
وصدّيت عنه ومنه أنا ظامري مرتـاب=أبي فكّةٍ منّه عسـى خيـر وش جابـه
أنا كل ماصكّيت بابٍ فتـح لـي بـاب=ومن ذي سواته ياعرب ويش يبغى به
ويوم اعترض لي قالي ماعنك مجنـاب=أنا حظّك اللي بالقشر دوم يدعـى بـه
طرى لي معه فالمشكله نبحث الأسبـاب=بسلم وسلام وكـل جابـه لهـا جابـه
اذا كان فيه أمراض نحضر له الأطباب=واذا غير ذلك كل علـم ولـه أسبابـه
لكنّه نوى لي بالقشر قال سـم الـداب=تبي تشربه وألاّ اترك الـداب وأنيابـه
يبي يصفي الصافي ياصادق ويا كـذّاب=وأنا جيت متحدّي لكن وش تحدّى بـه
تحسب القضيّه كالوكالـه بـلا بـوّاب=ولامعك فزعه لومعـك ربـع وذيابـه
وقام التحدّي والتحدّي علـى الأشنـاب=لياما انهزم واحد ترى تنتـف أشنابـه
تعزويت ثم ردّيـت يمنـاي للمشعـاب=أبي ظربته من وقت ثـم زان مظرابـه
ظربته بقوّه ظربـةٍ تفقـد الأعصـاب=على غاربه من صاملٍ فاقـد أعصابـه
تساوى على القاعه وأنا خاطري ماطاب=لحيث الفعل ماهو على من تهقوى بـه
ولو حظّي المقرود ينسب له الأرهـاب=يمرّونه العالم مااحد يحسـب احسابـه


 
 توقيع : ناصر بن عبود






قديم 10-05-2007, 08:50 AM   #22
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


هذه الأبيات الكيبورديّه

بيني وبين اخوي الشاعر / سعد بن فهد القريني . الله يرحمه

يقول


وصفه على ماقال ريف الضعوفي=ناصر سليل المجد ذرب السجايـا
يقول عندي فل كامـل وصوفـي=وأقول عندي فـل كامـل مزايـا
ناصر يميّز نسجهـا والحروفـي=وأيضا معه قلـبٍ يـدل التهايـا
أنا عميلـي خابـره وامعروفـي=يرقى العـلا ماينتحـي للهبايـا
ان كان محروقٍ ضميرك وجوفي=فعزي لنا من لابسـات العبايـا
واليوم ياناصر عرض لي صدوفي=شفت الوصوف الكامله والحلايـا
شفت العنود اللي عليها الحسوفي=اللـي تـورّد للضمايـر كوايـا
روّحت خلفه ماطرى لي نكوفـي=لوكان قلبي يضطـرب بالخلايـا
أتبع دروب اللي تقود الخشوفـي=فالديره اللـي زاد منهـا بلايـا
وقّفت أبي نوفي حسابه ويوفـي=أبيـه يعطـي للظمايـر دوايـا
وأقفى يتل خطاه هـاك الهنوفـي=يقـول حاسـب لايجينـا حكايـا
روّح وأنا اللي خاسرٍ بالألوفـي=لافدت شـي ولاكسبـت الهدايـا


ورديت عليه



يقوله اللي مطّلع فـي شفوفـي=سعد ولد مـن يحتمـون الونايـا
وقت الرماح ووقت ظرب السيوفي=يثنون من دون الرمك والمطايـا
ذكّرتنـي يابوفهـد يالعـروفـي=باللي سبى عقلي وبيّـح خفايـا
ذكراه هزّتنـي سقاهـا القنوفـي=باقي لها في وسط قلبـي بقايـا
والحظ عاندني وساعـد ظروفـي=والحب والمجمول عكس المرايـا
لاواعذاب القلـب يـازود خوفـي=خوفٍ يورّدنـي حيـاض المنايـا
ارتعت من جور الزمن والصدوفي=وأنا كتـوم ولارغبـت الشكايـا
الزين مااسمع به ولانيب أشوفي=وقلبي مايقبل نصـح ولاوصايـا
اللـي عليهـا ذابـلٍ ومخروفـي=نشّت معاليقـه ويبسـت عرايـا
لاتشتكي وأبكي دموعي ذروفـي=ثم نبتلش في ايجاد حل القضايـا
يابوفهد تدري عميلـك عيوفـي=مايقنع ألاّ بشوف صافي الثنايـا
وان كان جاد بها زماني لأطوفي=وأدعي لهـا ولوالديهـا الدعايـا


 

قديم 10-05-2007, 08:53 AM   #23
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


ألا ياقلب لاتجزع تصبّر والصبر لـو طـال=اذا ما الحظ ساعف لك ترى كـل الأمـر لله
يدور الوقت بأمر الله وغيمـة همّنـا تنجـال=ونشطب حظنا الخايب ونمسح مامضـى كلّـه
وننسى ونةٍ ظلّـت تلازمنـي تقـول ظـلال=برت حالي وأنا حالي زمـان العـام منحلّـه
وألاياقلبي البـارح همـوم وضيقـةٍ فالبـال=تكدّر خاطري منها وجوفـي كـن بـه ملّـه
وألاياقلب في رآسي على ليل السهـر مـوّال=أشـب النـار لامنّـه طـرى وابهّـر الدلّـه
وأصب القاف من حبكي وسبكي صبّة الفنجال=وأحث الرجل الا درب المعرفه حـث وأدلّـه
أحب أسري مع القمرى لو ان الحال مامن حال=قمر خمسة عشر له في خفوقـي طلّتـه طلّـه
وألاياليل حبّيتك عسى محبّتـك طيبـة فـال=هذي هي الصراحه والصراحه ويش أجامل له
وأحبّك مبتدى القمرى وأحبّك لا انتهيت هلال=وأحبّك كل ماظاق الخفـوق وعاشقـك ملّـه
أحبّك من محبة من عطيته من سنينـي ليـال=ليالٍ في زمانٍ فـي وفـاً فـي نفسـه جبلّـه
دفى بردي شجن صوتٍ معي فالحل والترحال=ينسّيني الزمان اسمي ولا أنسى شامخ الطلّـه


 

قديم 10-05-2007, 09:10 AM   #24
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


مساجله بيني وبين الشاعر / محمد بن دحيلان


أقول فيها /




ياهاجسي ترى القصيد بنظامه=وزنه وقافه والمعاني بتعبير
ماكل رجال انتسمع كلامه=ولاكل هرج نطبقه بالحذافير
كلٍ على جهده وقد التزامه=احدٍ يقدر واحد من دون تقدير
والمحترم يفرض علي احترامه=من لابتي والاعرفتة من الغيّر
لايامحمد تستحق الزعامه=ولولا الزعامه ماعرفنا المشاهير
ياللي بلغ في الشعر ذروة سنامه=والحق حق وللسوالف مصادير
حنا رجال ولانحب الرخامه=نضرب على الكايد وماقدر يصير
ماخاب ظن اللي يحطك حزامه=وأنته حزامي فالليالي المعاسير
مزبان من وقته على الضيق ضامه=ولاينخي فالضيق غير المناعير
انا احسب ان الوقت هون عرامه=واثره يابو مطلق يحوش الطوابير
رد البرى معلن وركز خيامه=واسبر خيوله مقبلاتٍ مغاوير
يالله عسى منه الفرج والسلامه=مرٍ مقابيلٍ ومرٍ مدابير
ان جيت افكر فيه ألاوش علامه=ينشد فكري ماله أية تفاسير
مدري حلاله وين وألا حرامه=متشابهٍ طبق الاصل بالتزاوير
من عقب ضحكاته وكثر ابتسامه=كشر بنابه ياحمر العين تكشير
عليه اثقل من رواسي تهامه=لو عند غيري ما عدل حبة شعير
شمس الضحى غطت عليها غمامه=والعج سبب في صفى الجو تعكير
من يشتكيه اكثر عليه الملامه=والحينه أشكي منه يالله عسى خير
يقطعك يانفسٍ بليا كرامه=ويقطعك ياراسٍ بليا صعاطير
حتى النعامه ويش ذل النعامه=قامت تعشى مع عكاف المناقير
ولاقام حظ الا الردي والهلامه=وابن الحموله حظه انتج بتقصير
وأسلم يابو مطلق وقافي ختامه=بالمسك والريحان وازهي النواوير

ورد عليه الشاعر محمد بن دحيلان .......



ياهجس بحر الشعر تسعين قامه=ولاحدٍ سبح غيرك بحورٍ غوازير
ياكاسبٍ سيف الهلالي سلامه=وشلفا ذياب وعنتر وسالم الزير
فيك المحيط الاطلسي وارتطامه=وصلف الرياح العاتيه والمعاصير
واهدى من اللي ماتحرك ثمامه=لاساقها الغربي معه حزة عصير
راعي المعاني فيك يلقا انسجامه=فرايد احلا من حليب المصاغير
من عقب هذا مرحبا والسلامه=يابن الرجال اهل السيوف البواتير
شعر الجزاله فوق صدرك وسامه=والحق ما يطلب ليا قيل تبرير
شرواك ياناصر رفيعٍ مقامه=قرمٍ ادلالك بالمكارم مباهير
ابشر ابعزك لابو اللي عظامه=لامن زهم تبرد ويلحقه تقصير
حنا نحب اهل الوفا والشهامه=والنا مع اهل الطيب درب ومشاوير
نصبر على صكات وقتٍ ،،أجسامه=اثقل علينا من(أبنات والنير)
الوقت ميله ليل حالك ظلامه=والنور وقفات الوجيه المسافير
والطيب ماكلٍ يجود اخطامه=كايد ولو ضير على النذل تضيير
صبر الفتى لامال وقته ادعامه=والصبر مفتاح الفرج والتياسير
وخير الليالي مستحيلٍ دوامه=مرٍ مجاهيمٍ ومرٍ مغاتير
حنا نعرف اهل الظفر والصرامه=ولا كل قوم يحتمون المظاهير
ناضع على الشي الحقيقي علامه=ونعرف خرافات القصص والاساطير
ماكل من يحلم يحقق حلامه=ولاكل رجالٍ يحسب المخاسير
طب الكسل والنوم موس الحجامه=والبطن تكشف علته بالمناظير
والطير لو تفعل فعوله حمامه!!=ماشفت للصقار تقدير للطير
والحظ له طيحه بعد واستقامه=والوقت له في كل الاجواد تأثير
وقبل تحيّة من يقدّم سلامه=للطيب اللي له معزه وتقدير


 

قديم 10-21-2007, 07:58 PM   #25
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


أشهد إنّه مايصح ألاّ الصحيح=ياهواة الشعر حيّ للفلاح
الجبل ماله لديّ ولانطيح=بأمر ربّي ماتزحْزحْه الرياح
الغلط مرجوع والموقف صريح=مايطير الطير مكسور الجناح
مايجي في معركة قدح وقديح=غير رجّالٍ يلاقي للرماح
شاعرٍ ماهوب ميقافه مديح=ليش يزعجنا هنيّا بالصياح
الضعيّف مايقوم ألاّ ويطيح=دايم لحاله مخلّى فالمراح
والخسيس اللي معه قلبٍ جريح=ودّك إنّه يشرب السم الذحاح
تنطفي عينه عن الكون الفسيح=جاك منبوذ ومثل ماجاك راح
لويبيح السد سدّك لايبيح=عرّضه من صمتك الحزم البراح
والحجاج الطلق والوجه الكليح=نقضٍ وفتل ورسوبٍ مع نجاح
من يميّز فالقبيح وفالمليح=كان من شعر المهابيل استراح
يفرق الكف السخيّ عن الشحيح=والموارد ذاهماج وذا قراح
زبدة المستشعر تذوب وتسيح=قبل لاتبدي لها شمس الصباح


رابط القصيده الأصلي


 

قديم 11-15-2007, 10:26 PM   #26
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


المراسله الثانيه بيني وبين الشاعر / ناصر بن فهد القريني


يقول ناصر /

يابوفهد وصّل لناصر سلامي=وصل سلامي يم ناصر وثنّه
قل له سميّك شاف ظبي الأدامي=ومن عقبها قلبه تزايد بحنّه
سل الفؤاد وصابني بالهيامي=أبوثمان رهاف والبدر كنّه
غروٍ خذى قلبي بوسط الزحامي=وإليا نشدْته قال كيفي وطنّه
أبو نهودٍ طلع تفاح شامي=خلّى حياتي بين نارٍ وجنّه
بأنشدْك حيثك قد مشيت الغرامي=تعرف طريق الحب بأنواع فنّه
أجلس أفكّر ساهر ما أنامي=في واحدٍ يزهى الحلي مازهنّه
غفلٍ بلاوسمٍ ولابه علامي=قفّى وعينه لي وقفيت منّه
بغيت أجي قرْبه وخفت الكلامي=وعوّدت يوم أقفى وفي الجوف ونّه
نشدْت عنّه بين كل الأنامي=ردّوا ترى ماشيف من نشْد عنّه
يامن يبشرني بزين القوامي=وأعطيه من خيرة طوال الأعنّه
افزع وعجّل فزعتك يالقطامي=ياواحدٍ لامن فزع جابهنّه
افزع بدون حروب شلف وسهامي=أخير من فزعات وقتٍ مظنّه
لاهنت اذا شفناه يابن الحشامي=وان مالقيته مانلحقْك منّه
بالله عجّل يارفيع المقامي=الحل معْك ويمّي الحل دنّه



ردّيت عليه وقلت /


يامرحبا واعداد وبل الغمامي=باللي يشاكيني هواه ومظنّه
يشكي عذاب مرودعات الوشامي=والبيض مابقّن أحد مااجرحنّه
بيض النحور أشباه بدر التمامي=إن مرّوا أرضٍ صار فالأرض خنّه
لاشك طرّاد الهوى مايلامي=طرد الهوى لمولّع القلب سنّه
ترى الهواوي دوم جيعان ظامي=يقرع خفوقه كنّه اقراع شنّه
لاياسمي الخير عطنا العلامي=هواك ماعلمتنا عن مغنّه
لوأعرف اسمه بين بعض الأسامي=ماوالله أسكت عن غرامك وأكنّه
مير الروابع فيه شرقٍ وشامي=واللي عشق ينْدق هيله وبنّه
لاشاف خصر اللي تعكس النظامي=ونهودها اللي لبسها ضيقنّه
تجيه حاله كنّها الإنفصامي=ينسى العرب ويزود شرّه وجنّه
يصبر لعلّه في حراوا الليامي=لو كان نفسه ماهي بمستكنّه
ودامك تبي الفزعه فشد الحزامي=ولاتدوّر في تعبنا محنّه
دق الحديد إن كان لازال حامي=والعمر مايمشي على مانظنّه
أمّا تهيّا لك ببرد وسلامي=وألاّ تهيّا غصب من دون منّه
هذا ماعندي لك وكل احترامي=والجيش لوتبغى نشنّه نشنّه


 

قديم 11-23-2007, 01:21 PM   #27
|سعد بن تويم 
الإدارة العليـــا للمجالس


سعد بن تويم غير متصل

بيانات اضافيه [ + ]
 رقم العضوية : 813
 تاريخ التسجيل :  Apr 2005
 أخر زيارة : 03-03-2014 (11:24 PM)
 المشاركات : 3,460 [ + ]
 التقييم :  10
لوني المفضل : Cadetblue


السلام عليكم ورحمة الله وبركاته


تشرفت بمساجلة الشاعر / سعد بن تويم


فكانت هذه القصيده


أقول فيها /



البارح الليل كلّه عاويٍ ذيبه=لين أذن الصبح والعاوي بمرقابه
والقلب قامت هموم الوقت تسري به= همٍ تغدّى به وهمٍ تعشّى به
الوقت يفتل علينا روس أشانيبه=يضرس علينا طواحينه وبأنيابه
كثروا معاوينه وكثرة عذاريبه=وضاعت مفاتيح صندوقه ودولابه
الشاعر اليوم لاسمعه ولاهيبه=مثل المهرّج بتهريجه وبثيابه
بعض العرب ياسعد ماأقشر هناديبه=ماكان في خاطره عند العرب جابه
مايفتشل من علوم الشك والريبه=ولاهمّه اللي يهزبه ويتهزّى به
ولايستحي يومه يقدّم خجاعيبه=شعر الحداثه يحبّه ويتحدّى به
سبحان من كوّنه ياشين تركيبه=وجهه ووجه الردى بالحيل متشابه
الثوب ضيّق ومزنوطه لغابيبه=وثوب النجاسه ترى ماينتصلّى به
لاهوب من عزّه ولاهوب من طيبه=فالطيب والله فلا أظن يتهقوى به
عن المواجيب غايبةٍ مواجيبه=فالموقف الصعب ماأحدٍ يحسب حسابه
لاأحدٍ يرحّب به ولاأحدٍ يهلّي به=بين النشاما حضوره كنّه غيابه
ماهوب حرٍ يعشنّه مخاليبه=غراب لوطال منقاره ومخلابه
يابومحمد مثل هذا شسوّي به=لابوه لابو من اللي ياسعد جابه
أحرّك الجمر وألحّق مشاهيبه = وألاّ أترك الجمر يطفي وأترك أسبابه
تراك رجلٍ صريح ورايك أمشي به=مثل الجدي ساري الليل يتقدّى به
ياسيفنا اللي على العدوان نصطي به=والسيف من حدّه وعزّه من نصابه
الشعر في موقف الشعار ترهي به=لاجاء مجال التحدّي وانفتح بابه
ولولاك علم والوفى والطيب تحري به=ماقلت فيك القصيد وجاك بكتابه



ورد علي أبو محمد وقال /


الشاعر اللي عطيبات مضاريبه=حر ٍ يفج النحور العوج مضرابه
شاعر ومبدع وتعجبني مكاتيبه=أي والله اني اعزه واتعزوابه
واشفق على شوفة الطيب واساليبه=مادام يتعب على المعنى وهندابه
لا طب سوق القصيد الجزل ياتي به=يطرق بحور القصيد ويطرق ابوابه
على الرفاقه بعيدات ٍ محاضيبه=وعلى العدو في نهار الضيق يدعى به
وياناصر الوقت فازت به قصاصيبه=ناس ٍ تجمع حكي فاضي ونصابه
الشعر وضعه تدهور وانفرى جيبه=عان الضراوي جرد سيفه ومشعابه
قام يتفلسف وسوق الهزل يشري به=ينقد على الناس والمنقود يسعى به
شعر الحداثه يهابد به ويومي به=سيله نحاوي وحنا مادرينى به
يمرض به كبود خلق الله ويذّي به=بصياحه اللي خطير ٍ يفقد اعصابه
يفتل عضلاته وشعره يبابي به=عقله اصغير وشكله شكل دبابه
ماله رصيد ٍ مع الشعار يغزي به=مفلس ودايم يشيل العيب في جرابه
والشعر هذا خسارة جهد ومصيبه=جعل العدو لاحتم الميدان يبلى به
والخبل لاجاء مجاله قيل والخيبه=وبين الشواعير والله ماحسبنابه
قطع به الوقت تشريقه وتغريبه=واليا جلس معك ملزومٍ تلهّى به
لابد الايام والاقدار تقفي به=واخير من لمسته حاول تجنابه
وان اعترض في طريقك مع مناديبه=وقام يتبجح ضعيف الراي باحزابه
ماله دواء كود تكسر له مشاعيبه=وتكويه بالنار في العلبا بمركابه
وان جنبك جنبه والناس تدريبه=خله لحاله مع الجاثوم يغدى به
واللي مثل حضرتك دايم نماري به=لاجاء مجال القصيد وعدوا أصحابه


 

قديم 11-26-2007, 02:49 AM   #28
|ناصر بن عبود 
الإدارة العليـــا للمجالس


ناصر بن عبود غير متصل

بيانات اضافيه [ + ]
 رقم العضوية : 2320
 تاريخ التسجيل :  Jan 2006
 أخر زيارة : 08-16-2019 (06:25 PM)
 المشاركات : 8,295 [ + ]
 التقييم :  385
لوني المفضل : Cadetblue


الله يجازي من سعـى فالخيانـه=واللي يروح يروح له في حريقـه
الصاحب اللي مايحفـظ الأمانـه=أسلك طريـقٍ مايوافـق طريقـه
وأحط من بيني وبينـه حصانـه=أهم شـي ان فيـه شـيٍ يعيقـه
عـن العلاقـه بيننـا والميانـه=وعن العلوم أم السلـوك الدقيقـه
وأترك له اللي ماطلبـه بلسانـه=هذا الجمل وبما حمـل فالعليقـه
اللي مابين الناس من دون خانـه=ماللصداقه معـه صـك ووثيقـه
مايصفي اللي وسط قلبـه لعانـه=لوصرت له مثل الشقيق لشقيقـه
ولايعتدل حتى يشـوف الاهانـه=ومع الاهانـه يعتـرف بالحقيقـه
ان غبت حطك وسط لحيه لبانـه=وان شاهدك عاملك بأحسن طريقه
وقت الرخى مامثل عنتر زمانـه=وفالضيق والشده به ألفين ضيقه
لاكبرت القالـه ومسّـوا بطانـه=والله ان يجي له يوم يشرق بريقه
ودّك مثـل هـذا يجـوّد عنانـه=ويبرك لحملٍ فوق مـالا يطيقـه
رباوة العجز يعجـز فـي مكانـه=ماهوب كفو أهل الوجيه الطليقـه


 

قديم 02-06-2008, 11:26 AM   #29
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


ياذوق مااختارك ألاّ شفّي وذوقي=وعن ذوق مثلي ماأشوف الناس ذوّاقه
عليك أغنّي مواويلي وطاروقي=والقلب ينبض غلا والنفس توّاقه
الله حسيبي عليك أحرقت معلوقي=سمّيت حالي نهار البعد وفراقه
أحرقني الهم من همّي ومن شوقي=ماعاد لي في فراقك قدره وطاقه
أرجوك داو الخفوق وعالج حروقي=لايلحق القلب شي ٍ يفتق رواقه
حبّك مع الدم في قلبي من عروقي=والقلب لك منتزه والعين لك طاقه
ياسهل وصفك وياصعبه على طروقي=كل المحبين قصّاده وعشّاقه
حرير فوقه حرير ٍ منْه مفتوقي=سحاب وسم ٍ لمع بالخير برّاقه
خلّك تدلّع علي لكن برفوقي=ترى المولّع يضيق وتخرب أخلاقه
سجّلت عيني فدى عينك يامعشوقي=وسجلت عمري فدى الخصر وتمطراقه
شمّة هوى روضتك حق ٍ من حقوقي=أقطف ورود الهوى وأقلّدك باقه
ومن كان ماله مع أهل السوق مسيوقي=شكره على جامد المخ وعلى ساقه


رابط القصيده الأصلي


 
 توقيع : ديوان شعراء المجالس



قديم 03-27-2008, 03:07 PM   #30
|ديوان شعراء المجالس 
مـنسـق الـديـوان


الصورة الرمزية ديوان شعراء المجالس
ديوان شعراء المجالس غير متصل

بيانات اضافيه [ + ]
 رقم العضوية : 3344
 تاريخ التسجيل :  Mar 2007
 أخر زيارة : 01-30-2014 (08:19 AM)
 المشاركات : 2,066 [ + ]
 التقييم :  18
لوني المفضل : Cadetblue


يوم أبدع القاف لعلّه يسلّيني=من هاجس ٍ يرهي بورده ومصداره
وأنا عن الطايله ماتقصر يديني=أقايس الدرب مسناده ومحداره
وأحسب حسابات وقتي بينه وبيني=( والوقت دوّار وألأيام دوّاره )
أعرف الأهداف وأجعلها نصب عيني=وأعاير البندقيّه وأرمي الشاره
أخاف من كلمة ٍ ماهيب ترضيني=من حاقد ٍ يِلحق الغاره ورى الغاره
صديقي اللي على الشدّه مصافيني=لابد مايظهر وتاصلني أخباره
أمّا صديق ٍ صدق وأزعل معاديني=على سنام المواقف تشتعل ناره
وألاّ صديق ٍ على ماقالوا بطيني=لاهوب صافي ولاصافية ٍ أعذاره
إلسانه أعوج من أرقاب البعاريني=لو يذكر الله تراه أنجس من الفاره
وأنا الكلام العوج ماهوب خافيني=لكنّي آجنّب دروبه ومعباره
لو كان يعنيني أعْتبْره مايعنيني=من خوف لاأحد ٍ يعرف القلب وأسراره
ويوم إنّي أغظي عن اللي مقفي بعيني=ماهيب عيني على الغرّات سبّاره
ولانيب أجاري ضعيف ٍ مايجاريني=إضعيّف الراي مانيب آخذ أشواره
ولانيب أداني خبيث ٍ مايدانيني=اللي يبيّن عليه الكرْه والباره
أقدح من الرآس والقمّه تكفيني=والناس كل ٍ على فعله ومقداره
وأبصم على صفحة الأيام بيميني=وغيري بصم بصمة التحقيق بيساره
وأهم حاجه عليّه فالزمن ديني=أستغفر لزلّتي وأسوق كفّاره


رابط القصيده الأصلي


 

 
موضوع مغلق

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الاحتفال الكبير بزواج عضو المجالس الشاعر / نايف بن شعمل على شرف صاحب السمو الملكي الامير / فيصل بن أحمد بن عبدالعزيز المركز الإعلامي مجلس اخبار السهول 37 07-03-2011 03:16 PM
الشاعر / ناصر بن حمد الخالدي في ضيافة مجالس قبيلة السهول المركز الإعلامي مجلس الشعر والمحاورة 15 03-06-2011 09:51 PM
قصة اغنية الذهابه لشاعرنا ناصر القحطاني حفيد سحيب مجلس القصص والروايات 6 03-05-2011 09:24 PM
الشاعر الكبير بداح بن محسن بن عبود يتأهل الى المرحلة ماقبل النهائية في شاعر العرب المركز الإعلامي مجلس اخبار السهول 9 12-12-2010 05:19 AM


الساعة الآن 05:57 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول