روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   



قبيلة السهول مساحة اعلانية مساحة اعلانية مساحة اعلانية مساحة اعلانية

الإهداءات


العودة   السهول ,, مجالس قبيلة السهول > المجالس الأدبية والتراثية > مجلس عذب الكلام > مجلس درر أدبية منقوله
 


منوة الخيال صفرا جفول

يحوي النصوص الادبية المنقولة والقصائد الفصيحة والخواطر المنقولة ..


إضافة رد
 
أدوات الموضوع انواع عرض الموضوع
قديم 08-27-2010, 08:11 AM   #1
|أميرة 
عضو بلاتيني


الصورة الرمزية أميرة
أميرة غير متصل

بيانات اضافيه [ + ]
 رقم العضوية : 6187
 تاريخ التسجيل :  Jan 2009
 أخر زيارة : 06-14-2014 (04:45 AM)
 المشاركات : 5,490 [ + ]
 التقييم :  15424
لوني المفضل : Lightsalmon
منوة الخيال صفرا جفول



ا

الولع شين.. يا راع الولع لا تكود ,, روحك اللّي تقود المجد.. ويقودها

ما تخيّرت.. حب الخيل.. ورث الجدود ,, حيّ ورثٍ يرد النفس لجدودها


الملــتاع

















،,



تـــدري أنكــ بالحيل تشبهه ..!


ذاكــ اللي يسمونه صقر ..!













جمـــيعكم ..{
يوحي بالعز والشموخ والفخــــــــر ..!



،،

ولكـــــــــــــن ..{
هناك بعض من أوجه الاختلاف ..



هو يتلذذ بلحــــــــــم الغزال ..!
يعني هو كائن مضر ..


وأنت لنخيتك فزعت فزعة رْجال ..!
رفعه وكرامه وفخـــر ..























عشآق الخيل ..

لـــــــــ/ــــــــــــن ولــــــــ/ـــــــــــم ...{
نصل لبلاغة وجمال القرآن الكـــــــــــريم في وصف العاديات ..!


ولكننا نسعى جاهدين ...

بأن نجمع أجمل ماقيل عن الخيل










الأمـــــــير خالد الفيصل !



من بنات الريح لي صفرا جفـول ..
كنهـا ظبـي الـفـلا بجفالـهـا ..

منوة الخيـال عسـاف الخيـول ..
زينهـا فـي دقـهـا وجلالـهـا ..

زينها ما شفت وصفـه بالمثـول ..
الله اللي بالجمـال اصخـى لهـا ..

تستذير كحيلتـى مـن كـل زول ..
مـا يصخرهـا سـوى خيالهـا ..


اذكر الله كل مـا قامـت تجـول ..
و احمـد الله خصنـى بحبالـهـا ..

كنها تمشي على قـرع الطبـول ..
فتنى اللـي خافقـه يبـرى لهـا ..

ظافي القصه على الطرف الخجول ..
تنكسر شمـس العصـر بظلالهـا ..

وصفها وصف السحاب اللي يحول ..
كـل عيـن تستخيـل خيالـهـا ..

او كما طاري على الخاطر عجول ..
صاحبـه حقيقتـه مـا طالـهـا ..

كل رجل في حياتـه لـه ميـول ..
والهـوايـه تمتـلـك رجالـهـا ..






المهره اللي عرضـت للرجاجيـل
يابخت منهـو يالنشامـي عسفهـا





خيالهـا يـوم العنـا والغرابـيـل
يمسح نحرها .. قبل يلكد طرفهـا



في وصفها غنت جميع المواويـل
والشاعر اللي في قصيده وصفهـا





عمر وصفها مثل وصف الهماليـل
اللي تلوح بروقهـا مـن شغفهـا




عمر اللهيميد












جتكم وصوف المسرجات السريعات
يالله عسا مااقول بالوصف زلّه

اللون وجه اللي غدا شمله اشتات
ولاّ كما بنّ اليمن وسط دلّه

والراس حجمه معتدل بالقياسات
لاهو صغير ولا كبير ٍ تملّه

وآذانها ارقاقه وملس ٍلطيفات
اقلام منتصبات مثل الاخلّه

واعيونها برّاقه ومستطيلات
عين الفتاه اللي لحقها مملّه

والناصيه فوق العيون الكحيلات
مثل السعف ومن الحراره تضّله

والجبهه تشابه ليوم البشارات
تزفّ للمحزون فرقا المذلّه

ومناخره متباعدات ووسيعات
وامدوّرات وللنفس سهّل ٍ له

والفم واشدوقه وساع وطويلات
تحت اللجام شدوقه ايمهل ٍ له

واعناقها ماهن عراض وقصيرات
طويلة ٍ والكتف مالصّقن ٍ له

والعرف مسترسل كما شعور خفرات
والجذع صلب ومشرف ٍ غاربٍ له

واصدورها متنهّضات ورحيبات
والظهر فوق الكاهل مناسبٍ له

والبطن كنز اهل الخيول الاصيلات
رحيب بالأنثى وضامر بخلّه

واقطيّها متشبّعات وعريضات
صلبة قوايم مابها كلّ علّه

والذيل شعر الفاتنات الجميلات
اللي لهن بالقلب عهد وسجلّه

هذي وصوف الخيل ياهل البطولات
ويالله عسا بالوصف مافيه زلّه


مضحي عايد الشبرالعنزي














صفرا وهي بعذارها سمعت الخيل
اشد من ضرب الدفوف أرجفتهـا


وقامت تشيل بنفسها بالسماء شيل
وصاح النذير وسبق الخيل جتهـا


خيالها دايم على خصمـه الميـل
إلى فرق رجليه عـن معرقتهـا


للشإعر /عبدالله بن زويبن الحربي

















مآزلت .. يآ كحيلآن .. عز وهيبه
........................ ومآ زآل خيرك .. في نوآصيك معقود
كم فآرسٍ .. وصّلت سيفه طليبه
........................ وكم فآرسٍ .. جنّبت به سنه العود
يآ نجم سآحات الوغى في حريبه
........................ ويآ نجم ميدآن السبق يومهآ سهود
مشيتك عجبه .. والتفآتتك عجيبه
........................ نقش الحوآفر .. نقشة الطبل والعود
تختآل .. يآ من .. موقته مآ تعيبه
........................ انت الوحيد اللي العبث منك محمود
زين ودلآل وعنفوانٍ .. وريبه
........................ طوع وعصآ تنقآد لو كآن بك زود
موج المعآرف والشليل وسبيبه
........................ يبرق معزه فوق الآعنآق مفرود
آحب ركب الخيل .. وآعشق خبيبه
........................ فوق الشقر والحمر والصفر والسود




.{. للمبدع ... دآيم السيف .}.
































انا والصحآري والمطر والفرس والطير


......... ونبت الخزآمى .. والظبي .. والشعر خلان




.............. ~ خالد الفيصل ~







الله من قلبٍ مولع ومفتون
.......... مولعه شقر المهآر الآصآيل


شقراً عليهآ من صفآر الذهب لون
.......... ومخآلطٍ لونه بحمر النثآيل


للخيل حبٍ دآخل القلب مكنون
......... آحبها .. من حبهآ لـ التخآيل


يآ لآيمي بالخيل .. بالهون بالهون
.......... لآ ياالسنآفي كب عنك المعآذيل


~ ؟ ؟ ؟ ~









الكبد قآليها من الحزن قآلي
....... وقلب الخطآ كنه على وآهج الكير


على جـوآد مثل ظبي الرمـآلي
....... مثل العنود اللي ترب الدعآثيـر


....... ~ راكان بن حثلين ~








للخيل ذكرى في جميع المثآيل
.......... والريح وعلوم العرب والبطولات


تآريخها عز .. مآهو بزآيل
.......... هيهات ينسى مجدهآ المجد .. هيهآت


تركض بمضمآر السباق الآصايل
.......... تزرع حوآفرها الفخر بالمسآفات


يسوقهآ اللي سوى الهوآيل
.......... سليل فرسآن الوغى والمهمآت


الحآضره .. والبآديه .. والقبآيل
.......... كلٍ تغنى بوصفهآ باجمل ابيآت


خيلٍ كحيله .. ضمرٍ نحآيل
.......... في شوفهآ كل السعد والمسرآت


~ ؟ ؟ ؟ ~

























للخيل ذكري في جميـع المثايل=والريح وعلوم العرب والبطولات
تاريخها عـز ماهـوب زايـل=هيهات ينسى مجدها المجد هيهات
تركض بمضمار السباق الاصايل=تزرع حوافرها الفخر بالمسافات

|~ صالح الشادي ~|
















تعلم للسباحة والرمايه مع ركوب الخيل
كما نص الحديث اللي ورد بالسنّة الغراء

إعراب الصافنات المكرمات الضامرات الحيل
نواصيها معاقد خير بالسرا وبالضرا

سرى بخيارها في ليلة المعراج تال الليل
الا يا كبر فضل الخيل ياللي عنه مغترا


تمعن في ثنايا العاديات بمحكم التنزيل
وتلقى فضلها مذكور بالآيات ومورا

تذكر بدر والعسرا وجيل جا بداله جيل
فتوحات شهيره في عصور الكر والفرا

عليها رايه التوحيد والتكبير والتهليل
تبوج الأرض بيديها وتقطع دابر الشرا

غذاها يوم صلفات السنين ويوم عسر الكيل
غمور التمر والبر الحمر ومبرد الدرا

لها تاريخها المشرق ولا في عزها تبديل
على جرة حوافرها الدسم يشبع بها الذرا

تراث أجدادنا وامجادهم من قبل عام الفيل
عليها يلبسون الجوخ وقت البرد والحرا

ليال ما لحقناها على الزلبات حط وشيل
تخالف بلاسباع الضاريه والجو مغبرا

وها الحين نتفرج بلاسبق بالعين والدربيل
وهذي خيلٍ تبيّع وهذي خيل تشرّا

لعل انتاج عز الخيل فيه العز والتبجيل
ويرجه من يلزّ بها من الميدان مسترا

والانتاج الصيل اللي من أساسه أبوه أصيل
أخيرا من الجواد اللي تجيب الناس من برا



للمتألق ..~ دسمان بن مناحي السبيعي ~





















الخيل في القران الكريم



ما جاء من يصف الخيل ويرسم ملامح شموخه وعزه وشجاعته مثل كلام الله تعالى ..~|
فلنقف وقفه مع القرآن الكريم .. الاعجااااااز والبلاغه ..!





وَالْعَادِيَاتِ ضَبْحاً ..





‏{‏والعاديات ضبحا‏}‏
ضحت بأرجلها ولفظ ابن مردويه ضبحت بمناخيرها


{‏فالموريات قدحا‏}‏
قدحت بحوافرها الحجارة فأورت نارا ‏


{‏فالمغيرات صبحا‏}‏
صبحت القوم بغارة ‏



{‏فأثرن به نقعا‏}‏
أثارت بحوافرها التراب

{‏فوسطن به جمعا‏}‏
صبحت القوم جميعا‏..












اتمنى الموضوع يحوز على رضاكم


 
 توقيع : أميرة

سبحان الله وبحمدهـ .... سبحان الله العظيم




رد مع اقتباس
قديم 08-27-2010, 09:42 AM   #2
|البرنسيسه 
عضو بلاتيني


الصورة الرمزية البرنسيسه
البرنسيسه غير متصل

بيانات اضافيه [ + ]
 رقم العضوية : 6554
 تاريخ التسجيل :  Mar 2009
 أخر زيارة : 10-21-2014 (02:42 AM)
 المشاركات : 5,992 [ + ]
 التقييم :  6868
 SMS ~
يدك لامدت وفا لاتحرى وش تجيب
كان جاتك سالمه حب يدك وخشها
لوني المفضل : Pink
رد: منوة الخيال صفرا جفول



موضوووووع فناااااااااااان من جد

وجهد رااائع تسلمين عليه خيتو

اكثر شي عجبني القيده هذي


هذي وصوف الخيل ياهل البطولات
ويالله عسا بالوصف مافيه زلّه

تحسين فعلا وصف مرررره رائع

انا خلقه اموووت بالخيل ووياكثر احلامي بالأسطبلات >>متاثره بالأفلام ههههه


يعطيك العافيه خيتو اميره وتستحقين التقييم عليه بجد
>>يجب اعطاء سمعات لأشخاص قبل اعطاءها اميره ومدري ايش


 
 توقيع : البرنسيسه

انا لا أتقاسم الأشياء مع احد .... فأما ان أمتلك الشيئ لوحدي .... وأما أن أتركه خلفي...!!!


to you
ولكل ملاحضاتكم وانتقاداتكم
صدري شمالي اتقبل كل النقد البناء







رد مع اقتباس
قديم 08-28-2010, 02:51 AM   #3
|أميرة 
عضو بلاتيني


الصورة الرمزية أميرة
أميرة غير متصل

بيانات اضافيه [ + ]
 رقم العضوية : 6187
 تاريخ التسجيل :  Jan 2009
 أخر زيارة : 06-14-2014 (04:45 AM)
 المشاركات : 5,490 [ + ]
 التقييم :  15424
لوني المفضل : Lightsalmon
رد: منوة الخيال صفرا جفول



اقتباس:
المشاركة الأصلية كتبت بواسطة البرنسيسه مشاهدة المشاركة
موضوووووع فناااااااااااان من جد

وجهد رااائع تسلمين عليه خيتو

اكثر شي عجبني القيده هذي


هذي وصوف الخيل ياهل البطولات
ويالله عسا بالوصف مافيه زلّه

تحسين فعلا وصف مرررره رائع

انا خلقه اموووت بالخيل ووياكثر احلامي بالأسطبلات >>متاثره بالأفلام ههههه


يعطيك العافيه خيتو اميره وتستحقين التقييم عليه بجد
>>يجب اعطاء سمعات لأشخاص قبل اعطاءها اميره ومدري ايش
8

لآن آخـر تقييم عطيتيه لآمـيـرهـ بمودنتها


البرنسيسه

وجودكــ يميز مواضيعي . .

دمتي لي يالغاليه


 

رد مع اقتباس
قديم 08-28-2010, 02:42 PM   #4
|خيال الصفراء 
عضو بارز


الصورة الرمزية خيال الصفراء
خيال الصفراء غير متصل

بيانات اضافيه [ + ]
 رقم العضوية : 7469
 تاريخ التسجيل :  Jun 2009
 أخر زيارة : 05-07-2018 (03:09 AM)
 المشاركات : 685 [ + ]
 التقييم :  73
لوني المفضل : Cadetblue
رد: منوة الخيال صفرا جفول



موووووضووع جداً حلوو تسلم لي يالغاليه


انتي مبدعه اختي



مشكوور اختي


ولاهنتي


 
 توقيع : خيال الصفراء



رد مع اقتباس
قديم 08-28-2010, 02:55 PM   #5
|محمد المنجلي 
مشرف مجالس أخبار الاعضاء وقبيلة السهول


الصورة الرمزية محمد المنجلي
محمد المنجلي غير متصل

بيانات اضافيه [ + ]
 رقم العضوية : 4451
 تاريخ التسجيل :  Mar 2008
 أخر زيارة : 07-16-2016 (06:54 AM)
 المشاركات : 2,190 [ + ]
 التقييم :  378
لوني المفضل : Purple
رد: منوة الخيال صفرا جفول



شكرا على الطرح الجميل
والخيل معقود فيها الخير حتى يوم القيامه

وبصراحه استمتعت بما قراته في موضوعك واشكرك جزيل الشكر

محمد المنجلي


 
 توقيع : محمد المنجلي



رد مع اقتباس
قديم 08-30-2010, 07:27 AM   #6
|سفانه 
عضو نشيط


الصورة الرمزية سفانه
سفانه غير متصل

بيانات اضافيه [ + ]
 رقم العضوية : 9735
 تاريخ التسجيل :  Aug 2010
 أخر زيارة : 10-10-2010 (05:05 AM)
 المشاركات : 46 [ + ]
 التقييم :  10
لوني المفضل : Blue
رد: منوة الخيال صفرا جفول



اومـــآآآيقاد .
وتز ذس ..
نقلتيني لاجواء جميله عن جد طلعتيني من الاجواء الرياضيه ..
يسلمو ع الابداع


 
 توقيع : سفانه






سعيده بتواجدي بينكم


[سبحان الله والحمد الله لا اله لا الله والله اكبر ولا حول ولا
قوه الا بالله


رد مع اقتباس
قديم 08-30-2010, 09:41 AM   #7
|أميرة 
عضو بلاتيني


الصورة الرمزية أميرة
أميرة غير متصل

بيانات اضافيه [ + ]
 رقم العضوية : 6187
 تاريخ التسجيل :  Jan 2009
 أخر زيارة : 06-14-2014 (04:45 AM)
 المشاركات : 5,490 [ + ]
 التقييم :  15424
لوني المفضل : Lightsalmon
رد: منوة الخيال صفرا جفول



اقتباس:
المشاركة الأصلية كتبت بواسطة خيال الصفراء مشاهدة المشاركة
موووووضووع جداً حلوو تسلم لي يالغاليه


انتي مبدعه اختي



مشكوور اختي


ولاهنتي

خيال الصفرا

اسعدني مرورك الكريم


تحياتي لكـ


 

رد مع اقتباس
قديم 08-30-2010, 09:43 AM   #8
|أميرة 
عضو بلاتيني


الصورة الرمزية أميرة
أميرة غير متصل

بيانات اضافيه [ + ]
 رقم العضوية : 6187
 تاريخ التسجيل :  Jan 2009
 أخر زيارة : 06-14-2014 (04:45 AM)
 المشاركات : 5,490 [ + ]
 التقييم :  15424
لوني المفضل : Lightsalmon
رد: منوة الخيال صفرا جفول



اقتباس:
المشاركة الأصلية كتبت بواسطة محمد المنجلي مشاهدة المشاركة
شكرا على الطرح الجميل
والخيل معقود فيها الخير حتى يوم القيامه

وبصراحه استمتعت بما قراته في موضوعك واشكرك جزيل الشكر

محمد المنجلي


محمد المنجلي

اسعدني مرورك الكريم


لاهنت


 

رد مع اقتباس
قديم 08-30-2010, 09:44 AM   #9
|قطرة ندى 
كبار الاعضاء


الصورة الرمزية قطرة ندى
قطرة ندى غير متصل

بيانات اضافيه [ + ]
 رقم العضوية : 6134
 تاريخ التسجيل :  Jan 2009
 أخر زيارة : 12-19-2010 (11:19 PM)
 المشاركات : 14,078 [ + ]
 التقييم :  3309
 SMS ~
أكره اخلاق المنشار

الذي لايحقق ذاته إلا وهو

يقص الآخر ..!


لوني المفضل : Palevioletred
رد: منوة الخيال صفرا جفول



موضوع رآئـع وجذآب وخصوصا انه عن الخيول


الف شكر لك أميره ع الطرح


لآهنتِ


 
 توقيع : قطرة ندى





KATRAT _ NADA
█║▌│█│║▌║││█║▌│║█║▌


رد مع اقتباس
قديم 09-01-2010, 08:15 AM   #10
|أميرة 
عضو بلاتيني


الصورة الرمزية أميرة
أميرة غير متصل

بيانات اضافيه [ + ]
 رقم العضوية : 6187
 تاريخ التسجيل :  Jan 2009
 أخر زيارة : 06-14-2014 (04:45 AM)
 المشاركات : 5,490 [ + ]
 التقييم :  15424
لوني المفضل : Lightsalmon
رد: منوة الخيال صفرا جفول



اقتباس:
المشاركة الأصلية كتبت بواسطة سفانه مشاهدة المشاركة
اومـــآآآيقاد .
وتز ذس ..
نقلتيني لاجواء جميله عن جد طلعتيني من الاجواء الرياضيه ..
يسلمو ع الابداع

It's a topic for horses


سفانـه
اسعدني اني نقلتك عن أجواء الرياضه واسعدني اكثر مرورك الطيب


لاهنتي


 

رد مع اقتباس
 
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:51 PM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

جميع مايكتب في مجالس قبيلة السهول من مواضيع ومشاركات تعبر عن رأي كاتبها فقط ولايعبر بالضرورة عن رأي الإدارة

a.d - i.s.s.w

    قبيلة السهول